ერთა ლიგის ფორმატი დამტკიცდა, საქართველოს შანსები იზრდება » GOAL.GE - ფეხბურთი | fexburti

ერთა ლიგის ფორმატი დამტკიცდა, საქართველოს შანსები იზრდება


ერთა ლიგის ფორმატი დამტკიცდა, საქართველოს შანსები იზრდება

უეფამ მე-13 რიგგარეშე კონგრესზე, რომელიც ჟენევაში გაიმართა, ერთა ლიგის ფორმატი საბოლოოდ დაამტკიცა. ტურნირი სტარტს მომავალი წლის 6 სექტემბერს აიღებს. მასში მონაწილეობას რეიტინგის მიხედვით დაყოფილი 55 ნაკრები მიიღებს.

ნაკრებები რაიტინგების მიხედვით დაიყოფიან 4 ლიგად. რეიტინგები გათვალისწინებული იქნება 2018 წლის მსოფლიოს ჩემპიონატის შესარჩევი ეტაპის შედეგების მიხედვით. პლეი ოფში ნათამაშები მატჩები მხედველობაში არ მიიღება.

ა ლიგაში გაერთიანდება 12 ტოპ-გუნდი, მომდევნო 12 B ლიგაში მოხვდება, ც ლიგაში 15 იასპარეზებს, ხოლო 16 გუნდი იქნება დ ლიგაში.

ა და ბ ლიგაში იქნება 3-გუნდიანი ჯგუფები, ც ლიგაში ერთი 3-გუნდიანი და სამი _ 4-გუნდიანი, ხოლო დ ლიგაში ოთხივე ჯგუფი 4-გუნდიანი იქნება.

მატჩები 2018 წლის სექტემბერ ნოემბერში გაიმართება.

ა ლიგის ჯგუფებში გამარჯვებულები გავლიან ფინალურ სტადიაზე, რომელიც 2019 წლის ივნისში ჩატარდება. შეიქმნება ნახევარფინალური წყვილები, შემდეგ გაიმართება ფინალი და მატჩი მე-3 ადგილისთვის. ამ ტურნირის მასპინძელს უეფა 2018 წლის დეკემბერში დაასახელებს.

ბ, ც და დ ლიგების 4 საუკეთესო გუნდი ზედა ლიგაში დაწინაურდება, ხოლო ა, ბ და ც ლიგის 4 აუტსაიდერი დაქვეითდება.

ამრიგად, გუნდებს ბრძოლა მოუწევთ არამახოლოდ ერთა ლიგის მოსაგებად, არამედ ზედა ლიგასი აღსაზევებლად, ანაც ადგილის შესანარჩუნებლად.

ჯგუფური ეტაპის წილისყრა 2018 წლის 24 იანვარს გაიმართება.

შესაბამისად, 2020 წლის ევროპის ჩემპიონატის საკვალიფიკაციო ეტაპი ცვლილებებს განიცდის. პირველ რიგში ცვლილება შეეხება კალენდარს: ადრე თუ საკვალიფიკაციო ეტაპი ყოველი დიდი ტურნირის დამთავრებისთანავე იწყებოდა სექტემბერში, მომავალში დაიწყება 2019 წლის მარტში და გაირკვევა 24 საგზურის მფლობელი. აქედან, 20 ჯგუფური ეტაპიდან. გუნდები ათ ჯგუფში გადანაწილდებიან და 2 საუკეთესო გავა ფინალურ ეტაპზე. დანარჩენ 4 საგზურს კი, სწორედ ერთა ლიგიდან მიიღებენ.

აქ ცოტა სირთულეს შეხვდა უეფა, მაგრამ ეს საკითხი მალევე გადაჭრა: 4 საგზურს მიიღებს 4 ლიგის გამარჯვებული გუნდი. თუ რომელიმე მათგანს ეს საგზური მოპოვებული აქვს შესარჩევი ეტაპით, მაშინ ის გადაეცემა გუნდს, რომელიც მომდევნო ადგილს დაიკავებს. თუ ლიგაში საერთოდ არ აღმოჩნდება ასეთი საჭიროების მქონე 4 გუნდი, ვაკანტურ ადგილს დაიკავებს გუნდი ქვედა დივიზიონიდან, რომელიც ერთა ლიგის საერთო რეიტინგით საუკეთესო მაჩვენებლის იქნება.

ეს ყველაფერი კი საქართველოს ნაკრებზე ასხავს წყლას და ევროპის ჩემპიონატზე მოხვედრის შანსი ეზრდება.

თუ გადავხედავთ ამჟამინდელ მდგომარეობას, ჩვენი ნაკრები სავარაუდოდ ყველაზე სუსტ, მე-4 კალათში უნდა მოხვდეს.

სადღეისოდ, საქართველო ფიფას რეიტინგში 103-ე ადგილზეა, ხოლო ევროპის 55 ნაკრებს შორის 43-ე ადგილს იკავებს. ეს ნიშნავს, რომ რეიტინგის მიხედვით ბოლოდან მე-12 ადგილზეა, რაც გვაძლევს იმის თქმის უფლებას, რომ ჩვენი ნაკრები დ ლიგაში მოხვდება.

ჩვენი სავარაუდო მეტოქეების სია კი, სადღეისოდ, ასე გამოიყურება: ლიტვა, ბელორუსი, სომხეთი, მაკედონია, ფარერები, ლუქსემბურგი, ლატვია, მოლდოვა, ყაზახეთი, ლიხტენშტაინი, ანდორა, მალტა, კოსოვო, სან მარინო, გიბრალტარი.

კონკრეტულად საქართველოს სავარაუდო მეტოქეები კი ალბანეთი, ლუქსემბურგი და გიბრალტარი.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები