დინამოს პირველი უცხოელი მწვრთნელი, რომელიც კომუნისტებმა დახვრიტეს » GOAL.GE - ფეხბურთი | fexburti

დინამოს პირველი უცხოელი მწვრთნელი, რომელიც კომუნისტებმა დახვრიტეს


დინამოს პირველი უცხოელი მწვრთნელი, რომელიც კომუნისტებმა დახვრიტეს

საბჭოთა კავშირი მუდამ იყო იზოლირებული დანარჩენი მსოფლიოსგან, განსაკუთრებით ეს 30-იან წლებში იგრძნობოდა. ჩაკეტილობის გამო ხალხმა უბრალოდ არ იცოდა, თუ რა ხდებოდა წითელი კედლის მიღმა. ამ დახურულობის მიუხედავად, სსრკ-ში მაინც შეაღწია ერთმა საფეხბურთო მწვრთნელმა, რომელიც საბჭოეთში ევროპული მეთოდების დამკვიდრებას ცდილობდა, მათ შორის თბილისის "დინამოშიც". მისი სახელი იყო ჟიულ ლიმბეკი.

ლიმბეკი დაიბადა რუმინეთში, თუმცა მოგვიანებით საფრანგეთის მოქალაქე გახდა. ფეხბურთელობის პერიოდში ის თამაშობდა "უიპეშტში", ფერენცვაროსში", "აუსტრიასა" და რამდენიმე ბელგიურ გუნდში. მან მალევე დაიწყო სამწვრთნელო კარიერაც, მისი პირველი კლუბი "გალათასარაი" აღმოჩნდა. თურქულ გუნდთან ერთად ლიმბეკმა სტამბულის ჩემპიონატი მოიგო, ისე რომ მიწასთან იქნა გასწორებული "ფენერბახჩე" და "ბეშიქთაში".

დინამოს პირველი უცხოელი მწვრთნელი, რომელიც კომუნისტებმა დახვრიტეს

ჟიულის შესახებ საფრანგეთში გაიგეს, ის მიიწვიეს და მოქალაქეობაც მისცეს. აღსანიშნავია, რომ ახალ გარემოში ლიმბეკი ვერ ახერხებდა წარმატების მიღწევას. ჟიული წვრთნიდა "ლიონს", "რასინგსა" და "ამიენს", მაგრამ უხეიროდ. უკანასკნელი კლუბის დაშლის შემდეგ კი ლიმბეკი ახალი თავგადასავლების საძიებლად სსრკ-ში გაეშურა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

თავდაპირველად ის უკრაინაში გაჩერდა, სადაც ადგილობრივი "დნეპროპეტროვსკისა" და "ზაპოროჟიეს" გუნდები ჩაიბარა. შემდეგ მას მოუვიდა წერილი საბჭოთა სპორტული კომიტეტისგან, სადაც ეწერა, რომ ლიმბეკი მივლინებით საქართველოში უნდა წასულიყო და თბილისის "დინამო" გაეწვრთნა. ფრანგმა ახალი გამოწვევა დიდი ენთუზიაზმით მიიღო.

ლიმბეკს მოეწონა საქართველო, თბილისი კი მას საფრანგეთის სამხრეთ ნაწილს აგონებდა. ჟიულმა ჩაიბარა "დინამო" და საქმესაც მალევე შეუდგა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

"ძლიერი გუნდია, თუმცა ფეხბურთელებს ბევრი ვარჯიში და თამაშის გადაწყობა სჭირდებათ. მოთამაშეებს ჩემი სისტემის მიხედვით ვავარჯიშებ, ბურთითაც და მის გარეშეც. არ აქვს მნიშვნელობა როგორი ამინდი იქნება, რადგან კლიმატური პირობები არ უნდა მოქმედებდეს შედეგებზე. "დინამო" აუცილებლად გაიმარჯვებს," - აცხადებდა ფრანგი.

ლიმბეკის მეთოდები ბევრს არ მოსწონდა. ყოველი ვარჯიში იწყებოდა სამხედრო მარშითა და პატრიოტული სიმღერებით. ამ ყველაფერს თან სდევდა ტანვარჯიში და სხვადასხვა სახის ფიზკულტურა. ფეხბურთელები ისე იღლებოდნენ, რომ მერე საერთოდ აღარ ჰქონდათ ხოლმე ბურთის გაგორების თავი.



რთულმა გრაფიკმა შედეგი გამოიღო. "დინამომ" სსრკ-ს თასის ფინალამდე გააღწია, გზად კი დამარცხებული იქნა იმ დროს ქვეყნის უძლიერესი გუნდი "სპარტაკი". ფინალში კი თბილისელები გააჩერა მოსკოვის "ლოკომოტივმა". ლავრენტი ბერიას იმდენად მოეწონა ლიმბეკის "დინამო", რომ მან თბილისური გუნდის წევრებს პრემიები დაუწესა. ფრანგი მწვრთნელის ხელში ბრწყინავდნენ-შავგულიძე, ნიკოლაიშვილი, ჯორბენაძე, ბერძენიშვილი, ასლამაზოვი და რა თქმა უნდა ახალგაზრდა პაიჭაძე. ჟიულმა პატივისცემის ნიშნად თბილისში საფეხბურთო აკადემია გახსნა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

წარმატებების მიუხედავად, ლიმბეკი მაინც იქნა გათავისუფლებული თავისი პოსტიდან. მიზეზი გაურკვეველი იყო, თუმცა არსებობდა ორი ვერსია. პირველი-ბორის პაიჭაძემ და კიდევ რამდენიმე მოთამაშემ პერსონალურად მოითხოვეს ფრანგის გაშვება, რადგან ისინი ვეღარ უძლებდნენ იმ ფიზიკურ დატვირთვას, რაც ჟიულის ვარჯიშები ითვალისწინებდა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

მეორე-ტოტალური ალკოჰოლიზმი ფეხბურთელებს შორის, რომელიც თავად ლიმბეკმა გაავრცელა. ჟიული სასმელის დიდი მოყვარული იყო და ვარჯიშის შემდეგ ფრანგული ღვინის დაგემოვნება მან ერთგვარ რიტუალად აქცია. ქართველი მოთამაშეები 3-4 ჭიქაზე ვერ ჩერდებოდნენ, რის შემდეგაც უბრალო დაგემოვნება გადადიოდა ნამდვილ ლოთობაში. ლიმბეკმა დაკარგა კონტროლი ფეხბურთელებზე და თბილისიც დატოვა.

ფრანგს ახალი სამსახური მოსკოვში ელოდებოდა, იმ "ლოკომოტივში", რომელმაც სსრკ-ს თასის ფინალში "დინამო" დაამარცხა. ლიმბეკი ვერ ახერხებდა "რკინიგზელების" ათამაშებას. მის ხელში "ლოკო" ძალიან არასტაბილურად გამოიყურებოდა, შედეგი კი სსრკ-ს ჩემპიონატში მე-4 ადგილზე ჩამოქვეითება გამოდგა. წარუმატებლობის პიკი კი მოგვიანებით, ბასკეთის ნაკრებთან განადგურება იყო, ლიმბეკს ეს მარცხი სიცოცხლის ფასად დაუჯდა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

იმ დროს საბჭოთა გუნდები იზოლირებულნი იყვნენ. ამხანაგური მატჩების გასამართად კი მხოლოდ ჩეხოსლოვაკი და თურქი მოყვარულები ჩამოდიოდნენ, ასე რომ ბასკების წინააღმდეგ თამაში, რომლებიც მთელს ევროპას აზანზარებდნენ ნამდვილი მოვლენა იყო.

დინამოს პირველი უცხოელი მწვრთნელი, რომელიც კომუნისტებმა დახვრიტეს

მატჩის სანახავად 90 ათასი გულშემატკივარი შეიკრიბა, "ლოკომოტივის" ფეხბურთელებს სპეციალური ფორმებიც კი შეუკერეს. თამაშამდე ლიმბეკმა თქვა: "იმედია, ყველაფერი მშვიდობიანად ჩაივლის," ფრანგი ფრთხილობდა და მას მიზეზიც ჰქონდა, ფეხბურთის საყურებლად კრემლიდანაც ჩამოვიდნენ, ასე რომ წაგება არც კი განიხილებოდა, არადა მეტოქე იყო გუნდი, რომელმაც ცოტა ხნით ადრე უძლეველი ბრიტანეთის ნაკრებიც კი დაამარცხა.

დინამოს პირველი უცხოელი მწვრთნელი, რომელიც კომუნისტებმა დახვრიტეს

ბასკებმა არ დაინდეს მოსკოველები და 5:1 გაანადგურეს "ლოკომოტივი". ეს იყო სრული შოკი მთლიანი საბჭოეთისთვის. ლიმბეკს უკვე თამაშის დროს აუჯანყდნენ მოთამაშეები, ვალენტინ გრანატკინი იხსენებს:

"ლიმბეკი თავს თვლიდა ევროპული ფეხბურთის მცოდნედ, თუმცა მას წარმოდგენა არ ჰქონდა თუ როგორ თამაშობდნენ ბასკები. პირველი ტაიმის მსვლელობისას ჩვენ თავად ვცადეთ სიტუაციაში გარკვევა, მაგრამ იმ დროს უკვე 4 გოლი გვქონდა გაშვებული. შეხვედრის მეორე ნახევარი მეტ-ნაკლებად თანაბრად ჩავატარეთ,"



ფრანგს ეს დამცირება არ აპატიეს. ჟიული მატჩის დასრულების შემდეგ დააპატიმრეს და მოგვიანებით დახვრიტეს, ისე რომ საბჭოელებმა თან გაანადგურეს თითქმის ყველანაირი საბუთი და სურათი, რომელიც ლიმბეკის მწვრთნელობას უკავშირდებოდა. ბასკების წინააღმდეგ გამართული თამაშის შემდეგ, ფრანგი აღარავის უნახავს. არსებობს მეორე ვერსიაც, რომლის თანახმადაც, ლიმბეკი თავად გაიქცა და შემდეგი თითქმის 20 წელი მან აღმოსავლეთ ევროპაში გაატარა შეცვლილი სახელით.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები