"ჯერ კიდევ ინტერესდება მისი ცხოვრებით", - რონალდუს ირინა შეიკი დღემდე უყვარს » GOAL.GE - ფეხბურთი | fexburti

"ჯერ კიდევ ინტერესდება მისი ცხოვრებით", - რონალდუს ირინა შეიკი დღემდე უყვარს



როგორც The Sun იტყობინება, "რეალისა" და პორტუგალიის ნაკრების თავდამსხმელმა, კრიშტიანუ რონალდუმ მეგობრებს უთხრა, რომ დღემდე რუსი მოდელი, ირინა შეიკი უყვარს.

მოგეხსენებათ, ვარსკვლავური წყვილი ერთმანეთს სამი წლის წინ ხუთწლიანი ურთიერთობის შემდეგ დაშორდა.

"ნანობს იმით, თუ როგორ დასრულდა ყველაფერი და ჯერ კიდევ ინტერესდება მისი ცხოვრებით", - ციტირებს ინგლისური გამოცემა რონალდუს მეგობრის სიტყვებს, რომლის ვინაობაც არ სახელდება.

"არასოდეს უფიქრია, რომ ირინა მისგან წავიდოდა".

ფეხბურთელის მეგობრის თქმით, პორტუგალიელი შეიკზე ეჭვიანობს, რომელმაც ჰოლივუდის მსახიობ ბრედლი კუპერისგან ქალიშვილი გააჩინა.

შეგახსენებთ, 5-გზის "ოქროს ბურთის" მფლობელი 2016 წლის ნოემბრიდან მოყოლებული ესპანელ მოდელ ჯორჯინა როდრიგესს ხვდება. გასული წლის ნოემბერში წყვილს ქალიშვილი შეეძინა, რომელსაც მშობლებმა ალანა მარტინა დაარქვეს.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები