როგორი იქნება მბაპეს მომავალი ჩემპიონთა ლიგის მოგების შემთხვევაში?

დღეს, ჩემპიონთა ლიგის 1/2 ფინალური ეტაპის განმეორებით მატჩში პსჟ დორტმუნდს უმასპინძლებს - პირველი შეხვედრა გერმანელებმა 1-0 მოიგეს.

ფრანგული მედიის ცნობით, კილიან მბაპეს მომავალი 100%-ით გადაწყვეტილია - იმ შემთხვევაშიც კი, თუ პსჟ წელს ჩემპიონთა ლიგას მოიგებს, მბაპე ზაფხულში კლუბს მაინც დატოვებს და კარიერას რეალში გააგრძელებს.

le_Parisien-ის მიერ გავრცელებული ინფორმაციის თანახმად, სამეფო კლუბმა უკვე გაამზადა 10 ნომრიანი მაისური ფრანგი ფეხბურთელისთვის და მომავალი სეზონიდან, მბაპე სწორედ რეალისთვის შეუტევს.

პსჟ-ს და დორტმუნდის დღევანდელი დაპირისპირება თბილისის დროით 23 საათზე დაიწყება.