"ბაიერნის" ნახევარმცველმა, ტიაგო ალკანტარამ განაცხადა, რომ მიმდინარე სეზონის დაწყების წინ გერმანულ კლუბში გადაბარგებით კმაყოფილია. "ბარსელონას" აკადემიის აღზრდილმა, რომელიც კატალონიელთა ღირსებას 2013 წლის ზაფხულამდე იცავდა, განაცხადა, რომ "ლურჯ-ბროწეულისფრები" მას არ ენდობოდნენ. "სწორი გადაწყვეტილება მივიღე", - ციტირებს ტიაგო ალკანტარას სიტყვებს goal.com. "მივხვდი, რომ "ბარსას" ჩემი არ სჯეროდა. "ბაიერნი" მსოფლიოში საუკეთესოა. ბუნდესლიგაში თამაში კარგია. თუმცა, ჩემს კუმირად მაინც ხავი რჩება. როცა მის თამაშს ვხედავ, ყბა ღია მრჩება. ვიმედოვნებ, ფეხბურთს იმის ნახევარს მაინც მივცემ, რაც ხავიმ მისცა". წყარო: goal.com