Goal.Ge

საქართველოს ნაკრები უმნიშვნელოვანესი მატჩის წინ: როგორი შემადგენლობით და რა პრობლემებით ვსტუმრობთ იტალიას?


საქართველოს ნაკრები უმნიშვნელოვანესი მატჩის წინ: როგორი შემადგენლობით და რა პრობლემებით ვსტუმრობთ იტალიას?

კარს მოგვადგა საქართველოს ნაკრებისთვის უმნიშვნელოვანესი ტესტ-მატჩი იტალიასთან. "აძურისთან" რკენამდე ერთი დღეღაა დარჩენილი და ამ შეხვედრას უამრავი ადამიანი მოუთმენლად ელოდება, ფლორენციაში კი სულაც რამდენიმე ათასეულ ქართველ ქომაგს ელიან.

საქართველოს ნაკრები 26 ოქტომბრიდან მოყოლებული, 33-კაციანი შემადგენლობით საფრანგეთის ქალაქ მონპელიეში გადიოდა შეკრებას. სამი დღის წინ ცნობილი გახდა, რომ განაცხადიდან ამოვარდნენ: სანდრო თოდუა, გიორგი აფციაური, ანზორ სიჭინავა, გრიგორ ქერდიყოშვილი და საბა შუბითიძე.

რამდენიმე საათის წინ კი, მილტონ ჰეიგმა იმ 23 მოთამაშის ვინაობა დაასახელა, რომლებიც „არტემიო ფრანკიზე“ გავლენ სათამაშოდ. ახალ ზელანდიელმა სპეციალისტმა გაფართოებული შემადგენლობიდან გიორგი ბეგაძე, თედო აბჟანდაძე, ბადრი ალხაზაშვილი, გურამ გოგიჩაშვილი და ბექა გიგაშვილი ამოშალა.

სტატიაში განვიხილავთ თითოეულ პოზიციაზე შექმნილ ვითარებას.

ბურჯები

ყველა პოზიციაზე ასე რომ გვქონდეს საქმე, ჩვენ ბედს ძაღლი არ დაყეფდა. ბურჯის ორივე მხარეს საქმე მშვენივრად გვაქვს და გაფართოებულ შემადგენლობაში მყოფი ექვსივე მოთამაშე კარგ ფორმაში იმყოფება. მარცხენა ბურჯის ამპლუაზე მილტონ ჰეიგს მიხეილ ნარიაშვილი ("მონპელიე"), ზურაბ ჟვანია ("უოსპსი") და გურამ გოგიჩაშვილი ("რასინგ 92") ჰყავს გამოძახებული.

ნარიაშვილი 2017 წლის საუკეთესო ქართველი მორაგბეა, რაც ყველაფერზე მეტყველებს. ის ნაკრებს შეუცვლელი წევრი და ერთ-ერთი ლიდერია. მიხეილი მიწოლაში ნამდვილად ერთ-ერთი საუკეთესო, ან შეიძლება სულაც საუკეთესოა, რაც საქართველოს ნაკრების სტილისთვის უმთავრესია. მან ზაფხულში ოპერაცია გაიკეთა, თუმცა დაახლოებით ორი თვეა მოედანს დაუბრუნდა და ფორმაში შესვლაც მოახერხა.

დიდებულ ფორმაშია ზურაბ ჟვანია, რომელიც სეზონის დაწყების წინ საფრანგეთიდან ინგლისში გადაბარგდა და "უოსპსს" შეუერთდა, სადაც ქართველი მორაგბეებისთვის სასიამოვნო გამონაკლისად, მშვენივრად მოახერხა თავის დამკვიდრება და ჩემპიონთა თასის ბოლო მატჩში ლელოს გატანაც მოახერხა.

საერთოდ საოცრებებს ჩადის 20 წლის გურამ გოგიჩაშვილი, რომელიც სულ რაღაც 6 თვის წინ თბილისის "ლოკომოტივის" ძირითად მოთამაშედაც არ ითვლებოდა, ხოლო დაახლოებით ორი თვეა უკვე, რაც ერთ-ერთი ყველაზე ძლიერი ფრანგული კლუბის, ჩემპიონთა თასის ფინალისტის "რასინგ 92"-ის რიგებში გამოჩნდა და შეიძლება ითქვას, რომ ძირითადის მოთამაშედ იქცა.

რაც შეეხება მარჯვენა ბურჯის პოზიციას, აქაც ყველაფერი კარგადაა. ჰეიგმა არჩევანი დავით ქუბრიაშვილზე, ბექა გიგაშვილზე ("გრენობლი") და ლევან ჩილაჩავაზე ("მონპელიე") შეაჩერა. ლევანს ტრავმა ჰქონდა და დაბრუნება რამდენიმე კვირაა რაც მოახერხა, "გრენობლის" პირველხაზელები კი მშვენიერ ფორმაში არიან და მიმდინარე ტოპ 14-ში უკვე ორ-ორჯერ მოხვდნენ სიმბოლურში. ბოლო ტურში ქუბრიაშვილმა ტრავმა მიიღო, თუმცა საბედნიეროდ სერიოზული არ გამოდგა. მის ნაცვლად შესულმა გიგაშვილმა კი ლელო დადო. ბექა ნაკრების ერთ-ერთი ახალწვეულია და პირველ ხაზში ყველგან შეუძლია თამაში, რაც ნამდვილად დიდი პლუსია.

ჰეიგს და შერკინების მწვრთნელს, გრემ როუნთრის საბოლოო არჩევანის გასაკეთებლად ნამდვილად ბევრი ფიქრი მოუწევდათ, თუმცა მათი გადაწყვეტიელება საბოლოოდ ასეთია: ძირითადში მიხეილ ნარიაშვილი და დავით ქუბრიაშვილი დაიწყებენ, ხოლო მეორე ნახევარში ზურაბ ჟვანიას და ლევან ჩილაჩავას ვიხილავთ.

ნარიაშვილის შემთხვევაში ფაქტობრივად ყველაფერი გადაწყვეტილი გახლდათ, რადგან დიდი ხანია თავის ამპლუაზე უკონკურენტოა. მისი შემცვლელიც ლოგიკურია, რომ ჟვანიაა. ერთი რომ, ზუზუ დიდებულ ფორმაში იმყოფება და მეორეც, გოგიჩაშვილს ნაკრებში აქამდე არ უთამაშია და პირდაპირ ასეთ თამაშში დებიუტი მისთვის ძალზე დიდი წნეხი იქნებოდა.

მარჯვენა ბურჯის პოზიციაზე დიდი ხანია, რაც ლევან ჩილაჩავა მოიაზრებოდა სასტარტო ბურჯად, თუმცა ამჯერად მწვრთნელებმა სხვა გადაწყვეტილება მიიღეს და არჩევანი დუდუზე გააკეთეს, რომელსაც ნაკრებში ტრავმების გამო 2016 წლის შემდეგ არ უთამაშია. ის ძალიან ძლიერია სტატიკაში და იტალიელებს შერკინებაში, წესით საკმაოდ გაუჭირდებათ. ალბათ იგივე ითქმის გიგაშვილზეც, რაც გოგიჩაშვილზე ვახსენეთ. როდესაც ასეთი გამოცდილი მოთამაშეები გყავს, ასეთი დონის მატჩში დებიუტანტზე ნდობა ნამდვილად ძალიან რთულია.

კვაჭები

პირველი ხაზის ეს პოზიცია გაცილებით პრობლემატურია. „თიბისი სერიებისთვის“ გამოძახებულნი არიან ჯაბა ბრეგვაძე ("სანვულვზი"), შალვა მამუკაშვილი ("ენისეი") და ბადრი ალხაზაშვილი ("ტულონი").

სამივე მოთამაშის მთავარი პრობლემა სათამაშო პრაქტიკის უქონლობაა. ჯაბა ბრეგვაძე მსოფლიოს საუკეთესო საკლუბო ლიგაში თამაშობს და სათამაშო დრო არ აკლია, მაგრამ ერთი პრობლემაა: სუპერ რაგბი თებერვალ-აგვისტოში მიმდინარეობს და შესაბამისად, ჯაბას ოფიციალურ მატჩში 4 თვეა არ უთამაშია. ბადრი ალხაზაშვილი კი 2016 წლის შემდეგ აღარ გამოჩენილა "ტულონის" ძირითად გუნდში და თამაში ესპუარებში უწევს. ამ მხრივ ყველაზე ნაკლები პრობლემა შალვა მამუკაშვილს აქვს. მან სეზონი თბილისის "ლოკომოტივში" დაიწყო და საწყის სამ ტურში ითამაშა, სექტემბრის ბოლოს კი საქართველო დატოვა და რუსულ "ენისეის" შეუერთდა, რომლის რიგებშიც 19 ოქტომბერს ჩელენჯ ქაფზე "ლა როშელის" წინააღმდეგ ითამაშა.

ამ შემთხვევაში ყველაფერი ლოგიკურადა: ბრეგვაძე სასტარტოშია, მამუკაშვილი მარქაფაში, ალხაზაშვილი - ტრიბუნაზე.

მეორე ხაზი

ყველაზე მეტი პრობლემა საქართველოს ნაკრებს მეორე ხაზში აქვს, რადგან დამტვრეულები არიან ძირითადის მოთამაშეები: გიორგი ნემსაძე და კონსტანტინე მიქაუტაძე. ჰეიგმა განაცხადიდან ამოშალა "ლელო სარასენსის" მხტომელი გრიგორ ქერდიყოშვილი, ხოლო ლაშა ლომიძე, ნოდარ ჭეიშვილი და შალვა სუთიაშვილი ფლორენციაში იახლა. პირველი ორი მოთამაშე ძირითადში იქნება, ხოლო სუთიაშვილი მინდორზე მეორე ტაიმში გამოჩნდება.

მესამე ხაზი

პრობლემები ბლომადაა მესამე ხაზშიც. ტრავმირებულნი არიან გიორგი თხილაიშვილი და ვიქტორ კოლელიშვილი, რომლებიც ძირითად ფლანკერებად მოიაზრებიან. გაფართოებული განაცხადიდან ამოვარდა საბა შუბითიძე და ჰეიგის განკარგულებაში ოთარ გიორგაძე, გიორგი ცუცქირიძე, ბექა ბიწაძე და ბექა გორგაძე დარჩნენ. მილტონის გადაწყვეტილებით, ფლანკერებად ცუცქირიძე და გიორგაძე გაირჯებიან, ხოლო რვა ნომრად - ბექა გორგაძე, ბექა ბიწაძე კი თადარიგშია.

ჰავბექი

9 ნომრის პოზიციაზე მთავარი სანერვიულო ის გახლავთ, რომ გელა აფრასიძე და ვასილ ლობჟანიძეს სასურველი სათამაშო პრაქტიკა არ აქვთ, ხოლო იტალიურ "კალვიზანოსთან" მატჩმა დაგვანახა, რომ გიორგი ბეგაძე კარგ ფორმაში არ იმყოფება, რაც ჰეიგმა გაითვალისწინა და 23-კაციან შემადგენლობაში სწორედ ბეგაძე ვერ მოხვდა.

აფრასიძეს თამაში "მონპელიეს" ესპუარებში უწევს, ხოლო ლობჟანიძემ მიმდინარე პრო დ2-ში "ბრივის" რიგებში მხოლოდ 4 შეხვედრა ჩაატარა (სულ 146 წუთი). როგორც მოსალოდნელი იყო, ამ შემთხვევაშიც ისე მოხდა: ლობჟანიძე ძირითადშია, აფრასიძე - მარქაფაში.

მგეზავი
10 ნომერზე გაფართოებულ შემადგენლობაში ორი მოთამაშე გახლდათ გამოძახებული: "ბათუმის" გამოცდილი მგეზავი ლაშა ხმალაძე და ქუთაისის "აიას" უნიჭიერესი მორაგბე თედო აბჟანდაძე, რომელსაც 20-წლამდელთა ნაკრებში შესანიშნავი თამაშით ყველა კარგად იცნობს.

ჰეიგმა აქაც პრაგმატული და მოსალოდნელი გადაწყვეტილება მიიღო: გამოცდილ ხმალაძეს ენდო, ხოლო თედოს ადგილი ამჯერად განაცხადში ვერ გამოინახა. მარქაფაშია ლაშა მალაღურაძე, რომელსაც მგეზავად თამაში შეუძლია და თუ საჭირო გახდა, ხმალაძეს სწორედ ის შეცვლის.

შუამარბები

აქაც ბევრი პრობლემაა და პირველ რიგში ეს ცენტურიონის (100 მატჩს +) დავით კაჭარავას არყოფნაა, რომელიც ტრავმის გამო 2018 წელს ვეღარ ითამაშებს.

გარდა ამისა, თითქმის ერთი წელია არ უთამაშია კაპიტან მერაბ შარიქაძეს, რომელმაც ჯვარედინი მყესების ოპერაცია გაიკეთა და მისი დაბრუნება პირდაპირ იტალიის ნაკრებთან მოხდება. "აჟენში" მწირი სათამაშო დრო აქვს თამაზ მჭედლიძეს და აქედან გამომდინარე, რთულია იმის თქმა, თუ რამდენად კარგ ფორმაში იმყოფება.

ძირითადში სწორედ მჭედლიძე და შარიქაძე იმყოფებიან, ხოლო მარქაფაში ლაშა მალაღურაძე და გიორგი კვესელაძე არიან.

გარემარბები

ჰეიგმა საინტერესო გადაწყვეტილება მიიღო და 33 კაცში მყოფი სამი ნომინალური ფრთა, გიორგი აფციაური, ანზორ სიჭინავა და სანდრო თოდუა განაცხადიდან ამოშალა.

შესაბამისად, ცხადი გახდა, რომ ფლანგებზე ამპლუით შუამარბები დადგებოდნენ, რომელთაც ფრთაზე თამაშიც შეუძლიათ. ერთადერთი ახალბედა მოთამაშე, რომელსაც მილტონ ჰეიგი ენდო თბილისის „ლოკომოტივის“ უკანახაზელი ზურაბ ძნელაძეა. მას თამაში შუამარბის, ფრთის და ფულბექის პოზიციებზე შეუძლია, რაც მილტონს განსაკუთრებით მოწონს. „ტურბოს“ ნაკრებში ერთადერთხელ, 2013 წელს სამხრეთ აფრიკის „ა“ ნაკრები წინააღმდეგ უთამაშია. ის ძალიან კარგ ფორმაში იმყოფება, რაც მილტონ ჰეიგს არ გამორჩენია და ამ უპრინციპულეს მატჩში ენდო კიდეც.

მარცხენა ფრთაზე კი რუსთავის „ხარების“ მორაგბე გიორგი კოშაძე ითამაშებს, რომელსაც სეზონის სტარტი ტრავმის გამო გაუცდა. ის მოედანს დიდი 10-ის მეექვსე ტურში, 7 ოქტომბერს დაუბრუნდა. თადარიგშია გიორგი კვესელაძე, რომელსაც ფრთაზე თამაში შეუძლია.

ფულბექი

ამჟამინდელი მდგომარეობიდან გამომდინარე, სოსო მათიაშვილი ფულბექის პოზიციაზე უალტერნატივო გახლდათ. მისი უმთავრესი კონკურენტი, ცენტურიონი მერაბ კვირიკაშვილი ტრავმირებულია, ისევე როგორც მირიან მოდებაძე და სანდრო სვანიძე.

რაგბის კავშირის ფოტო

ფეხბურთის ანგარიშები იხილეთ აქ - LIVESCORE

ვინ მოიგებს ჩემპიონთა ლიგას? - მოურინიოს პროგნოზი

პორტუგალიელი სპეციალისტი, ჟოზე მოურინიო ჩემპიონთა ლიგის მიმდინარე გათამაშებაზე საუბრობს.

დღეს, 19:43

უეფამ ჩემპიონთა ლიგის კვირის სიმბოლური ნაკრები შეადგინა

უეფამ ჩემპიონთა ლიგის საპასუხო 1/4 ფინალური შეხვედრების შემდეგ კვირის გუნდი შეადგინა.

დღეს, 19:35

კაპელო: "რეალი ზიდანს ტრანსფერებისთვის 500 მილიონს უმზადებს"

ცნობილი იტალიელი სპეციალისტი, ფაბიო კაპელო საკმაოდ საინტერესო განცხადებას აკეთებს.

დღეს, 19:00

ჩელსიმ აზარს ფასი დააკლო - რეალში ტრანსფერი ახლოვდება

"ჩელსი" მზადაა ნახევარმცველ ედენაზარს ფასი დააკლოს, იტყობინება ავტორიტეტული ესპანური გამოცემა AS.

დღეს, 18:55

ბაბუა, რომელმაც რეალს ჩემპიონთა ლიგა გადაურჩინა

ყველა კლუბს ჰყავს შეუმჩნეველი თანამშრომელი, რომელზეც ყველა გიჟდება.

დღეს, 18:31

რამდენი აქვს დახარჯული ტრანსფერებში სიტის გვარდიოლასთან ერთად?

მოგეხსენებათ, გუშინ, "ქალაქელები" ჩემპიონთა ლიგის 1/4 ფინალური ეტაპიდან "ტოტენჰემმა" გამოთიშა.

დღეს, 18:30

"რომელ გუნდს გავწვრთნი?", - კონტეს განცხადება საკუთარ მომავალზე

"იუვენტუსისა" და "ჩელსის" ექს-მწვრთნელი, ანტონიო კონტე საკუთარ მომავალზე განცხადებას აკეთებს.

დღეს, 18:25

ჩელსიმ აზარის შემცვლელი იპოვნა

მოგეხსენებათ, "ჩელსის" ლიდერი, ედენ აზარი "რეალში" გადასვლასთანაა ახლოს.

დღეს, 18:20

სალაჰს ლივერპულიდან წასვლა უნდა? - აგენტმა ყველაფერს ფარდა ახადა

აქამდე გავრცელებული ინფორმაციით, თავდამსხმელ მოჰამედ სალაჰს "ლივერპულის" დატოვება სურს.

დღეს, 18:15

ლიონელ მესი: ჩემი კარიერის საუკეთესო 10 მომენტი

მსოფლიოს ყველა დროის (ერთ-ერთი) საუკეთესო ფეხბურთელი, ლიონელ მესი გამოცემა FourFourTwo-სთან საუბრისას თავისი კარიერის საუკეთესო 10 მომენტს გამოყოფს.

დღეს, 18:05

რა აერთიანებს მანჩესტერის ლურჯ და წითელ ნაწილს? - სიძულვილი ჩაკირის მიმართ

"მანჩესტერ სიტი" - "ტოტენჰემის" 1/4 ფინალური დაპირისპირება ისტორიას სამუდამოდ დარჩება.

დღეს, 17:51

როცა აიაქსი ბოლოს ნახევარფინალში გავიდა, ამ გუნდის 4 ფეხბურთელი დაბადებულიც არ იყო

ჩემპიონთა ლიგის 1/4 ფინალში "აიაქსმა" "იუვენტუსი" დაამარცხა და ნახევარფინალში გავიდა.

დღეს, 17:04

ნაპოლიმ კულიბალის ფასი დაადო

"ნაპოლის" 27 წლის ცენტრალურ მცველზე, კალიდუ კულიბალზე დიდი მოთხოვნაა და მისი შეძენა ბევრ გუნდს სურს.

დღეს, 16:59

დიეგო სიმეონემ მესი დაიცვა

მადრიდის "ატლეტიკოს" მთავარმა მწვრთნელმა დიეგო სიმეონემ ლეო მესი კრიტიკოსებისგან დაიცვა.

დღეს, 16:56

სილვა: "ეს თამაში უნდა დავივიწყოთ, რადგან ტოტენჰემს 3 დღეში კვლავ ვხვდებით"

ჩემპიონთა ლიგის 1/4 ფინალში "მანჩესტერ სიტიმ" "ტოტენჰემს" 4:3 მოუგო, თუმცა სტუმრად გაშვებული გოლების გამო ასპარეზობას გამოეთიშა.

დღეს, 16:52

ვან დეიკი: "ნამდვილად არ ვიცი, როგორ შევაჩერო მესი"

ჩემპიონთა ლიგის ნახევარფინალში ერთმანეთს "ბარსელონა" და "ლივერპული" დაუპირისპირდებიან.

დღეს, 16:49

პოჩეტინო: "როდესაც VAR-ი შენს წინააღმდეგ არის, უნდა შეეგუო"

"ტოტენჰემის" მთავარმა მწვრთნელმა მაურისიო პოჩეტინომ "მანჩესტერ სიტის" გაუქმებულ გოლზე ისაუბრა:

დღეს, 16:47

სიმეონე: "გუნდს იმ სტილით ვათამაშებ, რაც შეესაბამება"

მადრიდის "ატლეტიკოს" მთავარ მწვრთნელს დიეგო სიმეონეს დაცვითი ფეხბურთის გამო აკრიტიკებენ.

დღეს, 16:44

მანჩესტერის ყოფილი ფეხბურთელი თავის გუნდზე: "მათ 4 ტრანსფერი სჭირდებათ"

"მანჩესტერის" ყოფილმა ფეხბურთელმა ოვენ ჰარგრივზმა თავისი ყოფილი გუნდის მდგომარეობაზე ისაუბრა.

დღეს, 16:41

ანჩელოტი: "რონალდუ 40 წლის ასაკშიც მაღალ დონეზე ითამაშებს"

"ნაპოლის" მთავარმა მწვრთნელმა კარლო ანჩელოტიმ "იუვენტუსის" ლიდერი კრიშტიანო რონალდუ შეაქო.

დღეს, 16:36

რონალდუს იუვენტუსის ხელმძღვანელობასთან კონფლიქტი აქვს?!

La Repubblica-სა და Diario Sport-ის ცნობით, ტურინის "იუვენტუსში" განხეთქილებაა.

დღეს, 16:24

რეალის 4 სატრანსფერო სამიზნე

Marca-ს ცნობით, მადრიდის "რეალი" ედენ აზარის გაფორმებასთან ძალიან ახლოს არის.

დღეს, 15:31

მანე: "მინდა, რომ ლეგენდა გავხდე, არა მხოლოდ ლივერპულის"

"ლივერპულის" შემტევმა სადიო მანემ თავის ამბიციებზე ისაუბრა:

დღეს, 15:20

რეშფორდის ულტიმატუმი - ხელფასის მომატება ან ბარსელონაში გადასვლა

Daily Mail-ის ცნობით, "მანჩესტერ იუნაიტედი" მარკუს რეშფორდთან შეთანხმების მიღწევას ვერ ახერხებს.

დღეს, 15:09

ლივერპულმა ახალი ფორმა წარადგინა

"ლივერპულმა" 2019-2020 წლის სეზონისთვის ახალი ეკიპირება წარადგინა.

დღეს, 14:57

ტენ ჰაგის მომავალი გაირკვა

De Telegraaf-ის ცნობით, ერიკ ტენ ჰაგის მომავალი გაირკვა. ამსტერდამის "აიაქსის" მწვრთნელი კლუბში 2024 წლამდე დარჩება.

დღეს, 14:49

Marca: რეალი პოგბას თავს ანებებს?!

Marca-ს ცნობით, მადრიდის "რეალმა" პოლ პოგბას შეძენა შესაძლოა გადაიფიქროს.

დღეს, 14:43

საქართველოს თასი - ყველა 1/8 ფინალისტის ვინაობა ცნობილია

საქართველოს დავით ყიფიანის სახელობის თასის 1/16 ფინალების ყველა მატჩი დასრულდა.

დღეს, 14:20

დაივიწყეთ აგუერო და კეინი - სიტისა და ტოტენჰემის წარმატებას სხვა ფეხბურთელები ქმნიან

"მანჩესტერ სიტი" - "ტოტენჰემის" წყვილში ბევრი სერხიო აგუეროსა და ჰარი კეინის დუელს ელოდა.

დღეს, 14:08

ყველა სიახლე