Goal.Ge

მატჩები, რომლებიც რაგბის არცერთმა მოყვარულმა არ უნდა გამოტოვოს


მატჩები, რომლებიც რაგბის არცერთმა მოყვარულმა არ უნდა გამოტოვოს

დღევანდელი დღე რაგბის თითოეული გულშემატკივრისთვის ნამდვილი ზეიმია. სულ 12 დაპირისპირება გაიმართება, რომელთაგან რამდენიმე განსაკუთრებული ყურადღების ქვეშაა, მაგრამ ყველა შეხვედრა ერთის ფონზე იჩრდილება: დღეს დუბლინში, "ავივა სთედიუმზე" ერთმანეთს მსოფლიოს ორი საუკეთესო გუნდი შეერკინება - ირლანდიის ნაკრები ახალ ზელანდიას უმასპინძლებს და მთელი სარაგბო სამყარო ამ მატჩის მოლოდინშია.

23:00 ირლანდია - ახალი ზელანდია


შემადგენლობები

ეჭვგარეშეა, რომ ეს გუნდები ამ დროისთვის საუკეთესონი არიან, ხოლო დღეს მაყურებელი დაინახავს, თუ რომელია მათ შორის უფრო ძლიერი.

ფავორიტი რასაკვირველია "ოლ ბლექსია" და როდესაც ეს გუნდი ასპარეზობს, სხვაგვარად ფაქტობრივად წარმოუდგენელიცაა, თუმცა ეს მხოლოდ ფურცელზე. ისე კი, სარაგბო გამოცემა Rugby Vision ირლანდიელთა გამარჯვების შანსებს 35.3%-ს უტოლებს, ახალ ზელანდიელების მოგებას - 64.7%-ს. ისინი თვლიან, რომ "ოლ ბლექსი" 5 ქულით იმარჯვებს.

შემადგენლობის მხრივ გარკვეული პრობლემები ორივე გუნდს აქვს. ირლანდიას ტრავმირებული ჰყავს შუამარბი რობი ჰენშოუ და ქონორ მარი, რომელიც მსოფლიოში ერთ-ერთი საუკეთესო ცხრა ნომერია და მისი არყოფნა უდიდეს დანაკლისს წარმოადგენს. გამოჯანმრთელება მოასწრეს და ითამაშებენ, ფულბექი რობ ქერნი და შუამარბი გარი რინგროუზი.

"სამყურების" მთავარი მწვრთნელის ჯო შმიდტის არჩევანი ასეთია:

მატჩები, რომლებიც რაგბის არცერთმა მოყვარულმა არ უნდა გამოტოვოს

ტრავმირებულები ჰყავს "ოლ ბლექსსაც". სტივ ჰანსენს დღევანდელი მატჩისთვის არ ეყოლება, შუამარბი სონი ბილ უილიამსი, მარცხენა ბურჯი ჯო მუდი და მესამეხაზელი სემ კეინი. "შავების" გურუმ სონი ბილის ნაცვლად, "ჰარიკეინსის" ბექი ნგანი ლაუმაპე გამოიძახა, რომელმაც 3 ნოემბერს იაპონიის ნაკრები სამჯერ დაალელოვა. მიუხედავად ამისა, ლაუმაპე განაცხადში მაინც ვერ მოხვდა: ძირითადში არიან რაიან კროტი და ჯეკ გუდჰუ, ხოლო მარქაფაში ენტონ ლინერტ-ბრაუნია.

ოლ ბლექსის შემადგენლობა:

მატჩები, რომლებიც რაგბის არცერთმა მოყვარულმა არ უნდა გამოტოვოს

ურთიერთშეხვედრები


ირლანდია მსოფლიო რაგბის ერთ-ერთ გამორჩეულ გუნდად ითვლება, თუმცა ახალი ზელანდია 30 ცდიდან ერთადერთხელ ჰყავს დამარცხებული. "სამყურებმა" ეს ისტორიული გამარჯვება 2016 წლის 5 ნოემბერს ჩიკაგოში იზეიმეს, როდესაც მეტოქეს 40:29 სძლიეს. ამ გუნდების კიდევ ერთი დაპირისპირება, შორეულ 1973 წელს ფრედ 10:10 დასრულდა. დანარჩენ 28 შემთხვევაში უფრო ძლიერი "ოლ ბლექსი" გამოდგა. მათი ბოლო ჯახი ჩიკაგოს რკენიდან, ორ კვირაში "ავივა სთედიუმზე" შედგა, სადაც უკვე ახალმა ზელანდიამ მოიგო - 9:21.

მატჩები, რომლებიც რაგბის არცერთმა მოყვარულმა არ უნდა გამოტოვოს

ვიდეო: ირლანდია - ახალი ზელანდია 40:29



გუნდების შედეგები 2018 წელს


ორივე გუნდს ბრწყინვალე სეზონი აქვს და მხოლოდ თითო მარცხი აქვთ, დანარჩენი კი - მოგებები. ირლანდიამ 6 ერი გრანდ სლემით მოიგო, ანუ ყველა მატჩში იმარჯვა, ხოლო ახალმა ზელანდიამ მოგებულ რაგბი ჩემპიონშიპში (4 ერში) საშინაო მატჩი დათმო სამხრეთ აფრიკასთან.

ირლანდია


3 თებერვალი, 6 ერი: საფრანგეთი - ირლანდია 13:15

10 თებერვალი, 6 ერი: ირლანდია - იტალია 56:19

24 თებერვალი, 6 ერი: ირლანდია - უელსი 37:27

10 მარტი, 6 ერი: ირლანდია - შოტლანდია 28:8

17 მარტი, 6 ერი: ინგლისი - ირლანდია 15:24

9 ივნისი, ივნისის ტესტი: ავსტრალია - ირლანდია 18:9

16 ივნისი, ივნისის ტესტი: ავსტრალია - ირლანდია 21:26

23 ივნისი, ივნისის ტესტი: ავსტრალია - ირლანდია 16:20

3 ნოემბერი, ნოემბრის ტესტი: ირლანდია - იტალია 54:7

10 ნოემბერი, ნოემბრის ტესტი: ირლანდია - არგენტინა 28:17

ახალი ზელანდია


9 ივნისი, ივნისის ტესტი: ახალი ზელანდია - საფრანგეთი 52:11

16 ივნისი, ივნისის ტესტი: ახალი ზელანდია - საფრანგეთი 26:13

23 ივნისი, ივნისის ტესტი: ახალი ზელანდია - საფრანგეთი 49:14

18 აგვისტო, 4 ერი: ავსტრალია - ახალი ზელანდია 13:38

25 აგვისტო, 4 ერი: ახალი ზელანდია - ავსტრალია 40:12

8 სექტემბერი, 4 ერი: ახალი ზელანდია - არგენტინა 46:24

15 სექტემბერი, 4 ერი: ახალი ზელანდია - სამხრეთ აფრიკა 34:36

30 სექტემბერი, 4 ერი: არგენტინა - ახალი ზელანდია 17:35

6 ოქტომბერი, 4 ერი: სამხრეთ აფრიკა - ახალი ზელანდია 30:32

27 ოქტომბერი, ბლედისლოუს თასი: ახალი ზელანდია - ავსტრალია 37:20 (ნეიტრალურზე)

3 ნოემბერი, ნოემბრის ტესტი: იაპონია - ახალი ზელანდია 31:69

10 ნოემბერი, ნოემბრის ტესტი: ინგლისი - ახალი ზელანდია 15:16

საინტერესო ფაქტები


ამ გუნდებს ირლანდიურ მიწაზე 16-ჯერ უთამაშიათ, საიდანაც 15-ჯერ "კივებმა" იმარჯვეს, ხოლო ერთი მატჩი ფრედ დასრულდა.

ახალ ზელანდიაში გამართული 12 დაპირისპირებიდან, თორმეტივე მასპინძელთა გამარჯვებით მორჩა.

ნეიტრალურ ზონაში კი ერთმანეთს ორჯერ შეხვდნენ და თითო გამარჯვება დარჩათ.

ახალი ზელანდია გასულ შაბათს, ლონდონში ინგლისს ესტუმრა და მიუხედავად იმისა, რომ საწყისი ნახევარი საათის შემდეგ, 15:0-ს აგებდა, თამაში მაინც შემოაბრუნა და მინიმალური სხვაობით, 15:16 იმარჯვა.

ირლანდიამ გასულ შაბათს "ავივა სთედიუმზე" არგენტინას 28:17 სძლია.

ახალი ზელანდიის რიგებში სამი ცენტურიონია (ანუ 100-კეპიანი მოთამაშე): კაპიტანი ქირან რიდი (116 კეპი), სამუელ უაითლოკი (107) და ოუენ ფრენკსი (105).

ოუენ ფრენკსს, რომელსაც შავი კვართი 105-ჯერ მოურგია, პირველი ცენტურიონია, რომელსაც ლელო არ აქვს დადებული.

ირლანდიელთა ყველაზე გამოცდილი მოთამაშე მათი კაპიტანი, კვაჭი რორი ბესტია, რომელსაც მშობლიური კვართით 112-ჯერ უთამაშია. მის შემდეგ ფულბექი რობ ქერნი მოდის, რომელსაც ზურგს 86 კეპი უმაგრებს.

ირლანდიელთა 23-კაციან განაცხადში "ლენსტერის" 14 მორაგბეა, საიდანაც 8 ძირითადშია. ოთხი მოთამაშე ჰყავს "მანსტერს", მათგან სამი სასტარტოშია. სამი მორაგბეა "ალსტერიდან", რომელთაგაც ორი თხუთმეტეულში იწყებს, ხოლო "კონახტის" ორივე წევრი სასტარტოშია.

ჯონათან სექსტონს ირლანდიელ მოთამაშეთაგან ყველაზე მეტი ქულა გაუტანია ახალი ზელანდიისთვის - 49. ამ მაჩვენბლით მეორე ადგილზეა რონან ო'გარა 38 ქულით.

მეორეხაზელები ბროდი რეტალიკი და სამუელ უაითლოკი ძირითად შემადგენლობაში 50-ედ შეუწყვილდებიან ერთმანეთს, რაც ამ მხრივ "ოლ ბლექსში" სარეკორდო მაჩვენებელია.

შეხვედრას გამოცდილი ინგლისელი უენ ბარნსი განსჯის, რომელიც ერთ-ერთი საუკეთესო მსაჯია.

სხვა მატჩები


დანარჩენი შეხვედრებიდან უპირველესად უნდა გამოვარჩიოთ შოტლანდიის და სამხრეთ აფრიკის ნაკრებების დაპირისპირება.

შოტლანდიას 2015 წლის შემდგომ, ძალიან დიდი პროგრესი აქვს და ყოველ მატჩში ამტკიცებს, რომ ნებისმიერი გუნდის დამარცხება შეუძლია. სამხრეთ აფრიკას კი სერიოზული ჩავარდნა ჰქონდა, მაგრამ ალისტერ კუციას დათხოვნის და რასი ერასმუსის მოსვლის შემდეგ, "ქურციკები" ნელ-ნელა ძველ ფორმას იბრუნებენ და ახალი ზელანდიის გასვლაზე დამარცხება ამის ნათელი დასტურია. თანაც არ უნდა დავივიწყოთ, რომ საშინაო მატჩში ბოლო ხუთ წუთში გაუშვეს ორი ლელო და ორქულიანი სხვაობით წააგეს, თორემ "ოლ ბლექსს" შინაც უგებდნენ.

შოტლანდიის ნაკრები მეტოქეს უძლიერესი შემადგენლობით დაუხვდება. მეორეხაზელი რიჩი გრეი დიდი ხანია ტრავმირებულია და მის გარეშე თამაშს შეეჩვივნენ კიდეც, მაგრამ კაპიტნის, ჯონ ბარკლის არყოფნა სერიოზული დანაკლისია.

შოტლანდიის შემადგენლობა ასეთია:

მატჩები, რომლებიც რაგბის არცერთმა მოყვარულმა არ უნდა გამოტოვოს

სამხრეთ აფრიკის უმთავრესი დანაკლისი უძლიერესი ცხრა ნომერი ფაფ დე კლერკია, რომელიც ამ კვირაში საკუთარ კლუბს "სეილ შარქსს" დაუბრუნდა, რომელსაც ინგლისის ჩემპიონატში უნდა დაეხმაროს. მის ადგილს ემბროსი პაპიე დაიკავებს. ტრავმირებულია წამყვანი მეორეხაზელი ებენ ეთზებეთი.

აფრიკელთა რაზმი

მატჩები, რომლებიც რაგბის არცერთმა მოყვარულმა არ უნდა გამოტოვოს

2018 წელს შოტლანდიის ნაკრებმა 10 შეხვედრა გაიმართა, საიდანაც 6 მოიგო და 4 წააგო. "ნარშავებმა" საკუთარ მოედანზე სძლიეს საფრანგეთს, ინგლისს და ფიჯის, ხოლო კანადას, იტალიას და არგენტინას გასვლაზე გაუმკლავდნენ. ისინი ორჯერ სტუმრად დამარცხდნენ უელსთან, ხოლო თითოჯერ ირლანდიასთან და აშშ-ის ნაკრებთან წააგეს.

აღსანიშნავია, რომ შოტლანდია უკანასკნელი 10 საშინაო მატჩიდან 9 მოიგო და მხოლოდ ახალ ზელანდიასთან წააგო. იხილეთ ფოტოზე ეს შედეგები.

მატჩები, რომლებიც რაგბის არცერთმა მოყვარულმა არ უნდა გამოტოვოს

სამხრეთ აფრიკამ კი 12 მატჩი ჩაატარა: 6 მოიგო და 6 წააგო. ოთხი მატჩი მოიგო შინ - ინგლისთან (ორჯერ), ავსტრალიას და არგენტინასთან, ხოლო ორი სტუმრად, ახალ ზელანდიასთან და საფრანგეთთან. ორჯერ დამარცხდა საკუთარ კედლებში, ახალ ზელანდისთან და ინგლისთან, სამჯერ სტუმრად - ინგლისთან, არგენტინასთან და ავსტრალიასთან, ხოლო უელსთან ტესტი ნეიტრალურ მოედანზე დათმო.

ეს გუნდები ერთმანეთს 26-ჯერ შეხვედრიან: 21 შემთხვევაში აფრიკელებმა იმარჯვეს, ხუთჯერ - სქოთებმა. ამ გუნდების ბოლო მატჩი 2015 წლის მსოფლიო თასის ჯგუფურ ეტაპზე შედგა, "ქურციკებმა" 34:16 მოიგეს. შოტლანდიამ სამხრეთ აფრიკას უკანასკნელად 2010 წელს ედინბურგში, "მარიფილდზე" 21:17 სძლია.

იტალია, რომელმაც გასულ შაბათს ფლორენციაში საქართველო დაამარცხა, ამჯერად პადოვაში ავსტრალიას დაუხვდება. "აძურის" კვლავ დააკლდება სერჯო პარისე და გუნდს ისევ ლეონარდო გირალდინი უკაპიტნებს. საქართველოსთან მატჩის შემდეგ, ქონორ ოშიმ ერთადერთი ცვლილება განახორციელა: ფულბექის პოზიციაზე ლუკა სპერანდიო ჯეიდენ ჰეივარდით შეცვალა.

"აძურის" შემადგენლობა



ავსტრალიელთა შორის პირველ რიგში აღსანიშნავია ადამ ეშლი-კუპერის დაბრუნება. 34 წლის ფრთა 2016 წლის შემდეგ "ვოლაბებში" პირველად ითამაშებს. ასევე საინტერესოა 10 ნომერზე მეთ ტუმოას თამაში და ორი დებიუტანტის ხილვა: 18 წლის გარემარბი ჯორდან პეტაია და ცხრა ნომერი ჯეკ გორდონი პირველ კეპს მოიხვეჭენ.

ავსტრალიელთა შემადგენლობა

მატჩები, რომლებიც რაგბის არცერთმა მოყვარულმა არ უნდა გამოტოვოს

იტალიას და ავსტრალიას ერთმანეთის წინააღმდეგ 17-ჯერ უთამაშიათ და ყველა მატჩი ავსტრალიელთა გამარჯვებით დასრულდა.

საფრანგეთის ნაკრები "სტად დე ფრანსზე" არგენტინას დაუხვდება. გასულ შაბათს "ლე ბლემ" ძალიან მტკივნეული მარცხი იწვნია, თითქმის მთელი თამაში სამხრეთ აფრიკას უგებდა, მაგრამ გაწითლებულ დროში მბონგი მბონამბი მოლს მოწყდა, ბურთი ლელოში დაამიწა და მთელი "სტად დე ფრანსი" დაადუმა.

ჟაკ ბრუნდელმა ორი ცვლილება მოახდინა და ორივე ხაზში: ფრთაზე დამიან პენო იოან უჟემ ჩაანაცვლა, ხოლო შუამარბის პოზიციაზე ჟოფრი დუმარიუს ნაცვლად გაელ ფიკუ ითამაშებს.

ფრანგების შემადგენლობა:

მატჩები, რომლებიც რაგბის არცერთმა მოყვარულმა არ უნდა გამოტოვოს

არგენტინელებმა "ავივა სთედიუმზე" ბრძოლაში 17:28 წააგეს. "პუმების" სასტარტო თხუთმეტეულში მარიო ლედესმამ ერთადერთი ცვლილება შეიტანა, ცხრა ნომერზე ტომას კუბელი გონსალო ბერტრანუთი გამოცვალა. მარქაფაში კი ერთი უკანახაზელი ხოაკინ დიაზ ბონილა მოაკლო და ინგლისური "გლოსტერის" მეორეხაზელი მარიანო გალარზა დაამატა, რომელიც ამ მომენტისთვის ერთადერთი ლეგიონერია არგენტინაში.

იხილეთ "პუმების" შემადგენლობა:

მატჩები, რომლებიც რაგბის არცერთმა მოყვარულმა არ უნდა გამოტოვოს

ამ გუნდების გზები აქამდე 50-ჯერ გადაკვეთილა. 35-ჯერ საფრანგეთმა იმარჯვა, 14-ჯერ არგენტინა, ხოლო ერთი მატჩი მეგობრული ანგარიშით დასრულდა.

გადახალისებული შემადგენლობით მოთამაშე ინგლისის "ტვიკენჰემზე" იაპონიას დაუხვდება. ედი ჯონსმა ახალ ზელანდიასთან ტესტის შემდეგ, ყოფილი გუნდის წინააღმდეგ 11 მორაგბე შეცვალა და მომავალი მსოფლიო თასის მასპინძელს ექსპერიმენტული შემადგენლობით ეთამაშება.

მატჩები, რომლებიც რაგბის არცერთმა მოყვარულმა არ უნდა გამოტოვოს

იაპონიამ ბოლოს 3 ნოემბერს ითამაშა და ახალ ზელანდიას ხუთი ლელო დაუდო, თუმცა საპასუხოდ 10 გაუშვა და 31:69 წააგო. გასულ კვირას "საკურებს" არ უთამაშიათ. დღევანდელი ტესტისთვის კი ჯეიმი ჯოზეფმა ასეთი შემადგენლობა აირჩია:

მატჩები, რომლებიც რაგბის არცერთმა მოყვარულმა არ უნდა გამოტოვოს

გადახალისებული შემადგენლობით მოთამაშე უელსი კი, "ფრინსიფალითი სთედიუმზე" საქართველოს ნაკრების მომავალ მეტოქეს ტონგას დაუხვდება.

უორენ გეტლანდის გადაწყვეტილებით, უელსი ასეთი შემადგენლობით ითამაშებს:

მატჩები, რომლებიც რაგბის არცერთმა მოყვარულმა არ უნდა გამოტოვოს

ტონგას შემადგენლობა ასე გამოიყურება:

მატჩები, რომლებიც რაგბის არცერთმა მოყვარულმა არ უნდა გამოტოვოს

დღევანდელი მატჩების განრიგი:

16:00 რუმინეთი - აშშ

17:00 ფიჯი - ურუგვაი

18:00 საქართველო - სამოა

18:00 იტალია - ავსტრალია

18:30 უელსი - ტონგა

18:45 ესპანეთი - ნამიბია

19:00 ინგლისი - იაპონია

21:20 შოტლანდია - სამხრეთ აფრიკა

23:00 ირლანდია - ახალი ზელანდია

23:45 საფრანგეთი - არგენტინა

00:00 ჩილე - მაორი ოლ ბლექსი

01:00 პარაგვაი - სამხრეთ ამერიკა XV

აქვე გეტყვით, რომ დღეს რუსეთი ნაკრები გასვლაზე პრო 14-ის კლუბს, უელსურ "დრაგონს" შეერკინა და 24:38 დამარცხდა.

ფეხბურთის ანგარიშები იხილეთ აქ - LIVESCORE

"ეს საშინელება იყო!", - გიოტცემ ბაიერნში ტრანსფერი გაიხსენა

მიუნხენის "ბაიერნის" ყოფილმა შემტევმა, მარიო გიოტცემ, "რეკორდმაისტერში" გატარებული პერიოდი გაიხსენა.

დღეს, 01:54

ალვეში-ნეიმარზე: "ეიფელის კოშკზე დაგენიძლავებით, რომ ის დარჩება"

"პარი სენ ჟერმენის" ვეტერანმა განაპირა მცველმა, დანი ალვეშმა, თავისი თანამემამულე ნეიმარის მომავალი შეაფასა.

დღეს, 01:53

სოლსკიაერი: "მომდენო სეზონში ჩავარდნა აღარ გვეპატიება"

"მანჩესტერ იუნაიტედის" მთავარმა მწვრთნელმა, ოლე გუნარ სოლსკიაერმა, მომდევნო სეზონში წარუმატებელი გამოსვლა გამორიცხა.

დღეს, 01:47

ბართომეუ: "ამ ბარსელონათი უნდა ვიამაყოთ"

კატალონიის "ბარსელონას" პრეზიდენტმა, ხოსეპ მარია ბართომეუმ, 2018/19 წლების სეზონი შეაჯამა.

დღეს, 01:41

როლან გაროსზე ბასილაშვილის პირველი მეტოქის ვინაობა ცნობილია

გუშინ დიდი სლემის რიგით მეორე ტურნირის, საფრანგეთის ღია პირველობის იგივე "როლან გაროსის", კენჭისყრა გაიმართა.

დღეს, 01:35

საფრანგეთის ნაკრების ყოფილი მორაგბე კარიერას ასრულებს

საფრანგეთის ნაკრების ყოფილი მორაგბე კარიერას ასრულებს

დღეს, 01:33

"95%-თ მადრიდელი ვიყავი" - დანი ალვეშს რეალში შეეძლო გადასვლა

გამოცდილმა ბრაზილიელმა განაპირა მცველმა, დანი ალვეშმა, გაიხსენა პერიოდი, როდესაც თითქმის მადრიდის "რეალის" მოთამაშე იყო.

დღეს, 01:29

კიმიხი: "ვერნერი ნებისმიერ გუნდს გააძლიერებს"

მიუნხენის "ბაიერნის" მარჯვენა მცველმა, იოზუა კიმიხმა, "ლაიფციგის" თავდამსხმელი ტიმო ვერნერი შეაქო.

დღეს, 01:22

რეალისა და არსენალის ყოფილმა თავდამსხმელმა კარიერა დაასრულა

მადრიდის "რეალისა" და ბრაზილიის ეროვნული ნაკრების ყოფილმა თავდამსხელმა, ჟულიო ბაპტისტამ, საფეხბურთო კარიერა დაასრულა.

დღეს, 01:19

რონალდუსთან ერთად - პორტუგალიის ნაკრების განაცხადი ერთა ლიგაზე

პორტუგალიის ეროვნული ნაკრების განაცხადი ერთა ლიგის 1/2 ფინალისთვის ცნობილია.

დღეს, 01:04

იუვენტუსის ყოფილი მწვრთნელი: "ფანები ალეგრის შეიყვარებენ"

ტურინის "იუვენტუსის" ყოფილმა თავკაცმა, ალბერტო ძაკერონიმ, იტალიურ გრანდში მასიმილიანო ალეგრის როლი შეაფასა.

დღეს, 00:53

ბრანდტმა ბორუსიას გამო მანჩესტერზე თქვა უარი

დორტმუნდის "ბორუსიას" ახალწვეულმა სუპერ-ტალატნმა, იულიან ბრანდტმა, ინგლისურ გრანდში გადასვლა არ ისურვა.

დღეს, 00:44

ვან პერსი: "რატომ წამოვედი არსენალიდან?"

ლეგენდარულმა ჰოლანდიელმა თავდამსხმელმა, რობინ ვან პერსიმ, ლონდონის "არსენალიდან" წასვლის მომენტი გაიხსენა.

დღეს, 00:37

ფილტრი დაიწყო - სოლსკიაერმა გუნდიდან გასაშვები 4 მოთამაშე შეარჩია

მორიგი უტიტულო სეზონის შემდეგ "მანჩესტერ იუნაიტედში" ზაფხულისთვის დიდი წმენდა იგეგმება.

დღეს, 00:29

ნეიმარსა და მბაპეს ურთიერთობა სერიოზულად გაუფუჭდათ, მიზეზი ცნობილია!

სავსებით შესაძლებელია, რომ ზაფხულში "პსჟ" ნეიმარმა ან კილიან მბაპემ დატოვოს.

დღეს, 00:05

შერინგემისა და ენდი კოულის 20-წლიანი მტრობა დასრულდა

ლეგენდარულმა ინგლისელმა ფეხბურთელებმა საერთო ენა გამონახეს.

გუშინ, 23:56

ასენსიოს მომავალი პრაქტიკულად გადაწყვეტილია - AS

აღნიშნულ ინფორმაციას გავლენიანი გამოცემა AS ავრცელებს.

გუშინ, 23:47

"მე მბაპეს ვიყიდდი, ის უფრო გონიერია, ვიდრე ნეიმარი", - დელ ბოსკეს რჩევა რეალს

"რეალის" ექს-მწვრთნელი, ვისენტე დელ ბოსკე საინტერესო განცხადებას აკეთებს.

გუშინ, 23:42

რობენი პრემიერ ლიგაში ბრუნდება? - ჰოლანდიელის შეძენა ინგლისურ კლუბს სურს

"ბაიერნის" ნახევარმცველი, არიენ რობენი შესაძლოა ინგლისში დაბრუნდეს.

გუშინ, 23:31

ფიჯელებმა მსოფლიო თასისთვის გაფართოებული შემადგენლობა გამოაქვეყნეს

ფიჯელებმა მსოფლიო თასისთვის გაფართოებული შემადგენლობა გამოაქვეყნეს

გუშინ, 22:26

რბოლა გრძელდება - ბათუმმა კვლავ მოიგო და გალიდერდა [VIDEO]

aეროვნული ლიგის მე-15 ტურში ერთმანეთს საჩხერის "ჩიხურა" და "დინამო ბათუმი" დაუპირისპირდნენ.

გუშინ, 22:23

ნეიმარმა პსჟ ტუხელის თანხმობის გარეშე დატოვა

22 მაისს, "პსჟ"-ს ფორვარდი, ნეიმარი ბრაზილიის ნაკრებს შეუერთდა.

გუშინ, 21:43

პსჟ-მ იუვენტუსს მარკინიოსის ფასი შეუთვალა

"იუვენტუსი" "პსჟ"-ს მცველ მარკინიოსითაა დაინტერესებული, წერენ იტალიურ პრესაში.

გუშინ, 21:36

მანჩესტერმა სანჩოზე უარი თქვა, მიზეზი ცნობილია

აღნიშნულ ინფორმაციას გავლენიანი ბრიტანული გამოცემა ESPN ავრცელებს.

გუშინ, 21:33

ოფიციალურად: ვალვერდეს მომავალი გადაწყვეტილია

"ბარსელონას" პრეზიდენტმა, ხოსეპ მარია ბართომეუმ ყველაფერს ფარდა ახადა.

გუშინ, 21:29

სანე ბაიერნში? - მიუნხენელთა პრეზიდენტი განცხადებას აკეთებს

აქამდე არსებული ცნობით, "ბაიერნს" "სიტის" ნახევარმცველის, ლეროი სანეს შეძენა სურს.

გუშინ, 21:23

მსოფლიოს 20-წლამდელთა ჩემპიონატისთვის საქართველოს ნაკრების შემადგენლობა ცნობილია

მსოფლიოს 20-წლამდელთა ჩემპიონატისთვის საქართველოს ნაკრების შემადგენლობა ცნობილია

გუშინ, 21:15

როდრიზე მოთხოვნა იზრდება - საქმეში კიდევ ერთი გრანდი ჩაერთო

"ატლეტიკოს" ნახევარმცველმა, როდრიმ ზაფხულში შესაძლოა კლუბი დატოვოს.

გუშინ, 20:58

ლევანდოვსკი და დიბალა მანჩესტერში? - ენდი კოულის საინტერესო განცხადება

"მანჩესტერ იუნაიტედის" ლეგენდარული ფეხბურთელი საინტერესო განცხადებას აკეთებს.

გუშინ, 20:53

ვარანი რეალში პოგბასა და აზარის შესაძლო გადასვლას ეხმაურება

"რეალის" მცველი, რაფაელ ვარანი საინტერესო განცხადებას აკეთებს.

გუშინ, 20:42

ყველა სიახლე

კვირის ტოპ 10