Goal.Ge

ჩაგდებული პირველი ტაიმი და ბრწყინვალე მეორე ნახევარი საქართველოს ნაკრების შესრულებით


ჩაგდებული პირველი ტაიმი და ბრწყინვალე მეორე ნახევარი საქართველოს ნაკრების შესრულებით

თიბისი რაგბის სერიების მეორე მატჩში საქართველოს ნაკრები ავჭალის სტადიონზე სამოას დაუხვდა და დაძაბულ ბრძოლაში 27:19 იმარჯვა.

სტადიონზე მოსულმა გულშემატკივარმა ორი ერთმანეთისგან აბსოლუტურად განსხვავებული ტაიმი იხილა. პირველში მეტოქემ აშკარად გვაჯობა და ერთი მომენტი ისე მიმდინარეობდა თამაში, თითქოს უიმედო მდგომარეობა შექმნილიყო და გუნდი დამარცხებისთვის განწირული გახლდათ, მაგრამ მეორე ნახევრის ბოლოდან "ბორჯღალოსნები" გონს მოეგნენ და გამოავლინეს ის ბრძოლისუნარიანობა და ხასიათი, რის გამოც გულშემატკივრებს განსაკუთრებით უყვართ.

სამოელებმა პირველ ტაიმში ძალიან მაღალი ტემპით შემოგვიტიეს, რასთან გამკლავებაც ძალიან გაგვიჭირდა. რამდენჯერმე გაცუდდა ინდივიდუალური ბოჭვები, რასაც ერთი ლელო მოყვა კიდეც. პირველ ნახევარში დამაჯერებელი არ გახლდათ რაქში თამაში, მოლში კი იტალიასთან თამაშთან შედარებით თავიდანვე უკეთ გამოვიყურებოდით. სამაგიეროდ, თავიდან გაგვიჭირდა შერკინებაში და კუნძულელებს ამ მხრივ ვერაფერი დავაკელით. გარდა ამისა, "მანუ სამოამ" რამდენჯერმე მოახერხა ჩვენთვის ბურთის გაჭედვა და ამით სახიფათო შეტევის შანსები წაგვართვა.

მეორე ნახევარი კი სრულიად განსხვავებული გახლდათ. აქ უკვე პირიქით, გაბრაზებულმა და შესვენებაზე მილტონ ჰეიგისგან შეგულიაენებულმა ქართველებმა შეთავაზეს მეტოქეს მაღალი ტემპი, რაც სტუმართათვის მოულოდნელი გახლდათ და საბოლოოდ ჩვენი შეტევების მოგერიება ვერც მოახერხეს. გამოსწორდა რაქში თამაში, ხოლო შერკინებაში ზუსტად ისე ვითამაშეთ, როგორც ჩვენს ნაკრებს შეეფერება. მეორე ნახევარში მოედანზე ნაკრების ორი დებიუტანტი ბურჯი ბექა გიგაშვილი და გურამ გოგიჩაშვილი გამოჩნდნენ, რომელთაც სამოელ ოპონენტებს ცუდი დღე დამართეს და მცირე დროში რამდენჯერმე დააჯარიმეს. გარდა ამისა, ისინი დინამიკაშიც ძალიან კარგები იყვნენ.

ასევე დებიუტი ჰქონდა 20-წლამდელთა ნაკრების ერთ-ერთ გამორჩეულ მოთამაშეს თედო აბჟანდაძეს, რომელმაც ძალიან კარგი შეხვედრა ჩაატარა და ხუთიდან ხუთი დარტყმა (სამი გარდასახვა, ორი ჯარიმა) შეასრულა ზუსტად. ის კარგი იყო დაცვაშიც და შეტევაშიც მშვენივრად წარმართავდა გუნდის თამაშს. მოკლედ, ერთი სიტყვით რომ ვთქვათ, თედო ძალიან დამაჯერებელი გახლდათ 19 წლის დებიუტანტის კვალობაზე.

იტალიასთან მატჩის მსგავსად, ძალიან კარგი იყო ზურაბ ძნელაძე. "ტურბომ" ამ თამაშებში დაამტკიცა, რომ ნაკრებში თამაშს იმსახურებს. შეტევაში როგორც საშუალება ეძლეოდა, მეტოქის დაცვას უმალ პრობლემას უქმნიდა და რამდენიმე მეტრის მოგებასაც ახერხებდა, ერთ შემთხვევაში კი მშვენიერი გარღვევა შემოგვთავაზა და რაც მთავარია, ძალზე საიმედო გახლდათ დაცვაში.

შეხვედრის საუკეთესო მოთამაშედ კი, ქართული რაგბის ოფიციალურმა ლუდმა "აისიმ" შუამარბი თამაზ მჭედლიძე დაასახელა, რომელმაც დიდი სამუშაო გასწია გუნდისთვის, შეასრულა ბევრი ბოჭვა, კარგად მიჰქონდა ბურთი და ახერხებდა მანძილის მოგებას.

რაც შეეხება უშუალოდ შეხვედრის მიმდინარეობას, ანგარიში ჯარიმით მალევე გახსნა თედო აბჟანდაძემ და ამით ეროვნულ გუნდში პირველი ქულები მოიხვეჭა. სტუმრებმა ცენტრიდან თამაში განაახლეს თუ არა, უმალ დიდი უპირატესობა მოიპოვეს და ოცწუთიან მონაკვეთში სამჯერ დაგვალელოვეს. აქვე გეტყვით, რომ მათმა დამტყმელმა ტუსი პისიმ ორი გარდასახვა შეასრულა ზუსტად, ხოლო ყველაზე იოლი რეალიზაცია ააცილა. ჩვენგან კი, როგორც ვთქვით, აბჟანდაძეს კარში დარტყმა არ გაუცუდებია.

კუნძულელებმა რვაფაზიანი შეტევის შემდეგ, მარჯვენა ფრთაზე ჩაგვითამაშეს ბურთი და ჯეიჯეი ტაულაგიმ ზედ კიდესთან დაგვალელოვა. მე-17 წუთზე სტუმრებმა ძალზე ჭკვიანური ლელო გაგვიტანეს: 12-ფაზიანი იერიშის შემდეგ, ჩვენი ლელოდან დაახლოებით ერთ მეტრში, რაქიდან ფილო პაულომ აიტაცა ბურთი და ზემოდან გადადო. შეხვედრის მთავარმა მსაჯმა კარლ დიქსონმა ეპიზოდი ვიდეორეფერთან გადაამოწმა, რომელმაც მას უკარნახა, რომ მეორეხაზელმა ოვალი დაამიწა. 27-ე წუთზე აუსი ტუალამ ძალიან ლამაზი ლელო დაგვიდო, მოედნის ცენტრიდან რეი ლილომ შემოგვიტია, რომელმაც წყვეტილ ხაზთან ოფლოუდით ამოუგდო ტუალას, მის შებოჭვას გიორგი კვესელაძე ცდილობდა, თუმცა ბოჭვა გააფუჭა და ტუალას შეჩერება ვეღარავინ მოახერხა.

"ბორჯღალოსნებს" შესვენებამდე ერთი ლელოს გატანა თამაშში დასაბრუნებლად ძალიან სჭირდებოდათ და ამის გაკეთება მოახერხეს კიდეც: 32-ე წუთზე ჩვენი გუნდის მრავალფაზიანი მიძალება ვასილ ლობჟანიძემ დააბოლოვა, რომელმაც ბურთი შალითას მოიდო. ტაიმი სტუმართა გამარჯვებით 10:19 დასრულდა.

მეორე ნახევარი იმით დაიწყო, რომ ჯაბა ბრეგვაძემ და ჯეიჯეი ტაულაგიმ ერთმანეთში წაიჩხუბეს, რის გამოც ისინი 44-ე წუთზე დიქსონმა გაასინბინა. ამ ათ წუთში საინტერესო ის მოხდა, რომ აუტიდან ბურთის აგდება რვა ნომერ ბექა გორგაძეს მოუწია, რომელმაც ამ მისიას თავი წარმატებით გაართვა.

როგორც ვთქვით, საქართველომ მეორე ნახევარში მეტოქეს მაღალი ტემპით შეუტია, რამაც შედეგი გამოიღო კიდეც. 57-ე წუთზე მოლით შევუტიეთ და ოთარ გიორგაძე ლელოში შევიდა კიდეც, მაგრამ ბურთის დამიწება ვერ შეძლო და 5-იანთან ჩვენი შერკინება დაინიშნა. პირველ შემთხვევაში მეტოქე შერკინებაში დავაჯარიმეთ, ხოლო მეორეჯერ ბურთი გამოვიდა და აიღე და მიეძალე გავაჩაღეთ, რაც იმავე ოთარ გიორგაძის მიძალებით და ლელოთი დასრულდა.

თამაშის განახლებისთანავე კვლავ მძლავრად შევუტიეთ და ხუთიოდე წუთში მეტოქეს მესამე ლელო გავუტანეთ - შალვა სუთიაშვილმა მარჯვენა ფრთისკენ გელა აფრასიძეს მშვენივრად გაუტანა ბურთი და მანაც ბურთი ლელოში გადადო. აფრასიძემ ეროვნულ ნაკრებში პირველი ლელო გაიტანა.

73-ე წუთზე აბჟანდაძემ ჯარიმა გაიტანა და "ბორჯღალოსნები" უკვე რვა ქულით დაწინაურდნენ. სამოელებმა ბოლოს შემოგვიტიეს და ლელოს გატანას, რომელიც აღარაფერს შეცვლიდა ყველანაირად შეეცადნენ, თუმცა გაწითლებულ დროში ჩვენს ხუთიანთან ბურთი წინ გადაუვარდათ და საბოლოოდ 27:19 მოვიგეთ!

თიბისი რაგბის სერიების უკანასკნელ ტესტ-მატჩს 24 ნოემბერს, "მიხეილ მესხზე" ტონგას წინააღმდეგ გავმართავთ.


ფეხბურთის ანგარიშები იხილეთ აქ - LIVESCORE

ცხინვალის 5 ფეხბურთელი თურქეთში ქურდობისთვის დააკავეს

უკვე რამდენიმე თურქული გამოცემა იტყობინება, რომ თურქეთში საფეხბურთო კლუბ "ცხინვალის" ხუთი ფეხბურთელი ქურდობისთვის დააკავეს.

დღეს, 01:42

საჩუქარი, რომელიც ვერ გამოვიყენეთ - საქართველოს ნაკრები საბერძნეთთან დამარცხდა

მსოფლიო ჩემპიონატის საკვალიფიკაციო ეტაპზე ერთმანეთს საქართველოსა და საბერძნეთის ნაკრებები დაუპირისპირდნენ.

დღეს, 00:38

ქართველი ფეხბურთელები ევროტურნირებზე ასპარეზობას გამოეთიშნენ

ევროპა ლიგის 1/16 ფინალში საკმაოდ დაძაბული და სანახაობრივი მატჩები გაიმართა.

დღეს, 00:29

პირველად 1996 წლის შემდეგ - აინტრახტის მორიგი მიღწევა

ევროპა ლიგის საპასუხო 1/16 ფინალურ შეხვედრაში ფრანკფურტის "აინტრახტმა" შინ დონეცკის "შახტარი" 4:1 გაანადგურა და ორი მატჩის ჯამში, 6:3, იმარჯვა.

დღეს, 00:20

აინტრახტი ევროპა ლიგის ისტორიაში შევიდა

ევროპა ლიგის საპასუხო 1/16 ფინალურ შეხვედრაში ფრანკფურტის "აინტრახტმა" შინ დონეცკის "შახტარი" 4:1 გაანადგურა და ორი მატჩის ჯამში, 6:3, იმარჯვა.

დღეს, 00:12

ნაპოლიმ ციურიხი ორი მატჩის ჯამში 5:1 გაანადგურა [VIDEO]

ევროპა ლიგის 1/16 ფინალურ ეტაპზე "ნაპოლიმ" შვეიცარიული "ციურიხი" საკუთარ მოედანზეც დამაჯერებლად დაამარცხა და მერვედფინალში გავიდა.

გუშინ, 23:51

არსენალმა ბატე გაანადგურა და 1/8 ფინალში გავიდა [VIDEO]

ბელარუსში სენსაციური მარცხის (0:1) შემდეგ ლონდონის "არსენალმა" საკუთარ მოედანზე ყველაფერი გამოასწორა და "ბატეს" ბარიერი მშვიდად გადალახა.

გუშინ, 23:48

გვარდიოლამ ლივერპული-ბაიერნის მატჩი შეაფასა

მიუნხენის "ბაიერნის" ყოფილმა მთავარმა მწვრთნელმა, პეპ გვარდიოლამ, "ლივერპულთან" ჩემპიონთა ლიგის პირველი 1/8 ფინალურ შეხვედრაზე ისაუბრა.

გუშინ, 23:09

"დე ხეა კარგია, მაგრამ მანჩესტერს უკეთესი მეკარეც ჰყავდა" - ყოფილი მოთამაშე

"მანჩესტერ იუნაიტედის" ყოფილმა ნახევარმცველმა, ანდრეი კანჩელსკისმა, "წითელი ეშმაკების" გოლკიპერი დავიდ დე ხეა დაახასიათა.

გუშინ, 23:04

იდეალური დებიუტი - ხვიჩა კვარაცხელიამ ლოკომოტივის პირველივე მატჩში გაიტანა [VIDEO]

დღეს, მოსკოვის "ლოკომოტივმა" მორიგი ამხანაგური მატჩი ნორვეგიულ "ვიკინგთან" გამართა.

გუშინ, 22:57

ატლეტიკოს პრეზიდენტი სიმეონეს ჟესტს გამოეხმაურა

მადრიდის "ატლეტიკოს" პრეზიდენტმა, ენრიკე სერესომ, ტურინის "იუვენტუსთან" პირველ 1/8 ფინალურ შეხვედრაში დიეგო სიმეონეს უხამსი მოძრაობა განიხილა.

გუშინ, 22:39

კლოპმა სოლსკიაერი შეაქო

"ლივერპულის" მთავარმა მწვრთნელმა, იურგენ კლოპმა, თავისი გუნდის მომდევნო მეტოქის თავკაცი და კოლეგა შეაქო.

გუშინ, 22:12

ლიონის მცველი: "მბაპე უფრო სახიფათოა, ვიდრე მესი"

ლიონის "ოლიმპიკის" ცენტრალურმა მცველმა, მარსელომ, ერთმანეთს ლიონელ მესი და კილიან მბაპე შეადარა.

გუშინ, 22:08

კეინი და ალი ბრუნდებიან - დორტმუნდში ორივე ითამაშებს

ლონდონის "ტოტენჰემის" მთავარმა მწვრთნელმა, მაურისიო პოჩეტინომ, ჰარი კეინის ჯანმრთელობის მდგომარეობაზე ისაუბრა.

გუშინ, 21:54

ბონუჩიმ იუვენტუსის გამო რეალზე თქვა უარი

ტურინის "იუვენტუსის" ცენტრალურმა მცველმა, ლეონარდო ბონუჩიმ, აღიარა, რომ "მილანიდან" წამოსვლის შემდეგ მას სხვა ალტერნატივაც ჰქონდა.

გუშინ, 21:44

"მისი სათამაშო სტილი მიყვარდა", - ძანიოლომ თავისი კუმირი დაასახელა

"რომას" ნახევარმცველმა, ნიკოლო ძანიოლომ თავისი საფეხბურთო კუმირი დაასახელა.

გუშინ, 20:51

ლა ლიგის პრეზიდენტმა ჩემპიონატის ისტორიაში საუკეთესო ფეხბურთელი დაასახელა

ლა ლიგის პრეზიდენტმა, ხავიერ ტებასმა საინტერესო განცხადება გააკეთა.

გუშინ, 20:47

ინგლისის საფეხბურთო ასოციაციამ კლოპი დასაჯა

საფეხბურთო ასოციაციამ (FA) "ლივერპულის" მთავარი მწვრთნელი დააჯარიმა.

გუშინ, 20:40

დიდი 10: ბათუმმა გორში იმარჯვა, ლელო სარასენსმა - ქუთაისში

დიდი 10-ის მეთოთხმეტე ტურის პირველი დღის მიმოხილვა

გუშინ, 20:34

დე იონგმა ბარსელონაში გადასვლის მიზეზები დაასახელა

"აიაქსის" ნახევარმცველმა, ფრენკი დე იონგმა "ბარსელონას" თავისი ოცნების გუნდი უწოდა.

გუშინ, 20:21

ენდი კოულმა მანჩესტერ იუნაიტედს მწვრთნელი ურჩია

"მანჩესტერ იუნაიტედის" ექს-თავდამსხმელი საკმაოდ საინტერესო განცხადებას აკეთებს.

გუშინ, 20:15

"მას უნდა მივულოცოთ", - კოკე რონალდუს ჟესტს ეხმაურება

"ატლეტიკოს" ნახევარმცველმა, კოკემ კრიშტიანუ რონალდუს ჟესტზე კომენტარი გააკეთა.

გუშინ, 20:07

კულიბალი იუვენტუსში? - აგენტმა სენეგალელის მომავალზე ისაუბრა

ბრუნო სატინმა "ნაპოლის" მცველ კალიდუ კულიბალის "იუვენტუსში" შესაძლო გადასვლაზე ისაუბრა.

გუშინ, 19:57

ატლეტიკოს პრეზიდენტი: "კრიშტიანუს ჩემპიონთა ლიგა 5-ჯერ არ მოუგია"

"ატლეტიკოს" პრეზიდენტმა, ენრიკე სერესომ კრიშტიანუ რონალდუს საქციელზე კომენტარი გააკეთა.

გუშინ, 19:50

მსოფლიოს 10 საუკეთესო კლუბი France Football-ის ვერსიით

ფრანგულმა ჟურნალმა მსოფლიოს საუკეთესო კლუბების რეიტინგი გამოაქვეყნა.

გუშინ, 19:40

ვან დეიკი: "მინდა, რომ ამ კლუბის ლეგენდად დამიმახსოვრონ"

"ლივერპულის" მცველმა, ვირჯილ ვან დეიკმა საინტერესო განცხადება გააკეთა.

გუშინ, 19:33

რეშფორდს სერიოზული მსურველი გამოუჩნდა

"მანჩესტერ იუნაიტედის" თავდამსხმელმა, მარკუს რეშფორდმა ზაფხულში შესაძლოა კლუბი დატოვოს.

გუშინ, 19:11

ოფიციალურად: პსჟ-მ რეალის ყოფილ ფეხბურთელს კონტრაქტი გაუწყვიტა

აღნიშნულ ინფორმაციას პარიზული კლუბის პრესსამსახური ავრცელებს.

გუშინ, 19:02

ლილიან ტიურამის 17 წლის შვილს გრანდები აკვირდებიან

კეფრენ ტიურამ-იულიენი ამჟამად "მონაკოს" 19-წლამდელთა გუნდის წევრია.

გუშინ, 18:37

ბარსელონა ლიგა 1-ში ორ ფეხბურთელს დააკვირდა

"ბარსელონას" სკაუტები საფრანგეთის ჩემპიონატის შეხვედრას დაესწრნენ.

გუშინ, 18:27

ყველა სიახლე

კვირის ტოპ 10

ცხრილები