სოციალურ ქსელში ქართველი მოჭიდავის, ჯაბა ყველაშვილის ფოტო გავრცელდა, სადაც მისმა ქუდმა დიდი ყურადღება მიიპყრო.

ფოტოში, ქუდზე მხოლოდ წარწერა Russ ჩანდა და მედიის დიდმა ნაწილმა ჩათვალა, რომ ეს Russia იქნებოდა და ქართველი სპორტსმენი მიწასთან გაასწორეს.

ამ ფაქტის გამო ფედერაციამ ოფიციალური განცხადება გაავრცელა და ქუდის ფოტოც მთლიანად დადო, სადაც ჩანს, რომ წარწერა Russia-ს ნაცვლად, Russell არის.

"გავრცელდა ინფორმაცია, რომ მე ვარჯიშის დროს ქუდით ვიყავი, რომელზეც რუსეთი ეწერა. მინდა ყველას ვთხოვო, რომ ცრუ ინფორმაციას ნუ გაავრცელებენ.

სურათზე ხედავთ, რომ ქუდზე Russell წერია და არა Russia.

გთხოვთ გვაცალოდ მშვიდად ვარჯიში და ინტრიგების ნაცვლად დაინტერესდეთ სპორტის გაშუქებით", - წერს ქართველი მოჭიდავე