სიმეონე: ფალკაოს შენარჩუნება რთული იქნება

კოლუმბიელი ფორვარდის წასვლა "ატლეტიკოდან" სხვა კლუბში - მხოლოდ და მხოლოდ დროის საკითხია. ასე თვლის ესპანური პრესა, რომელმაც გუშინ გაავრცელა ინფორმაცია იმის შესახებ, რომ "ჩელსიმ" და "ატლეტიკომ" რადამელის ტრანსფერი პრაქტიკულად შეთანხმეს. ფალკაოს შენარჩუნებას სტეპტიკურად უყურებს მადრიდელების მთავარი მწვრთნელი დიეგო სიმეონეც. "ფალკაოს საკითხთან დაკავშირებით ყველაფერი რთულადაა. მისი შენარჩუნება ამ ზაფხულს ძალიან რთული იქნება, პრაქტიკულად შეუძლებელი, თუ გულახდილად ვისაუბრებთ, - აცხადებს სიმეონე Al Primer Toque-სთან საუბარში. - მე რადამელის აგენტი არ ვარ, რათა თქვენ დადასტურებით გითხრათ, დარჩება იგი ჩვენთან თუ სხვა კლუბში გადაბარგდება. ზაფხულში ყველაფერი გაირკვევა. თუმცა ვფიქრობ, რომ "ატლეტიკო". რომელიც როგორც ტორესის, აგუეროსა და ფორლანის ტრანსფერს გაუმკლავდა, ფალკაოს დაკარგვასაც ასე გაუმკლავდება". წყარო: Sky Sports