120-წუთიანი ბრძოლა და პენალტების სერია ენფილდზე — პსჟ 1/4-ფინალშია!

პირველი მატჩის მინიმალური სხვაობით წაგების შემდეგ, პარიზულმა გუნდმა ინგლისში გამართული დაპირისპირების ძირითად დროში უსმან დემბელეს გოლით იმარჯვა. დამატებით ტაიმებში გოლი არ გასულა და საქმე პენალტების სერიამდე მივიდა, რომელშიც ლუის ენრიკეს გუნდმა მეტოქე 4-1 დაამარცხა.

პსჟ-ის რიგებიდან თერთმეტმეტრიანები ვიტინიამ, გონსალუ რამუშმა, უსმან დემბელემ და დეზირე დუემ გაიტანეს, ლივერპულიდან კი მხოლოდ მოჰამედ სალაჰმა შეაგდო. დარვინ ნუნიესისა და კერტის ჯონსის დარტყმები ჯანლუიჯი დონარუმამ მოიგერია.

გოლი: დემბელე 12'

პენალტების სერია:

⚽ 1-0, ვიტინია (პსჟ)

⚽ 1-1, სალაჰი (ლივერპული)

⚽ 2-1, რამუში (პსჟ)

❌ ნუნიესი (ლივერპული)

⚽ 3-1, დემბელე (პსჟ)

❌ ჯონსი (ლივერპული)

⚽ 4-1, დუე (პსჟ)

ხვიჩა კვარაცხელიამ მოედანზე 100 წუთი გაატარა და არაერთი მომენტი შექმნა. ქართველმა Sofascore-ისგან 7.8-ქულიანი შეფასება მიიღო.

მეოთხედფინალში პარი სენ-ჟერმენი ასტონ ვილასა და ბრიუგეს შორის გამარჯვებულს შეხვდება. დიდი ალბათობით, პარიზელთა მეტოქე ბირმინგემული გუნდი იქნება, რადგან უნაი ემერის შეგირდებმა ბელგიაში 3-1 მოიგეს და ნაკლებად მოსალოდნელია, ვილა პარკზე სასწაული მოხდეს.