რამდენიმე დღის წინ გავრცელებული ჭორი ოფიციალურად დადასტურდა: მილტონ ჰეიგი მსოფლიო თასის დასრულების შემდეგ, საქართველოს ნაკრების მთავარი მწვრთნელის პოსტს დატოვებს.

55 წლის სპეციალისტი პლანეტის პირველობის შემდგომ, იაპონურ გრანდს "სანტორი სანგოლიასს" ჩაიბარებს. აღნიშნული ინფორმაცია იაპონური კლუბის ოფიციალურმა ვებგვერდმა დაადასტურა, რომელიც ჰეიგის დანიშვნას მიესალმა და აღნიშნა, რომ მილტონი გუნდს 2019/2020 წლების სეზონში გაწვრთნის.

いつもサントリーサンゴリアスへの温かいご声援ありがとうございます。
この度、2019-2020シーズンよりサントリーサンゴリアスを指揮する新監督が決定しましたのでお知らせいたします。

※新監督はRWC2019大会終了後にチームに合流予定。 pic.twitter.com/Aq4f9BsBOf

— サンゴリアス君 (@sungoliath) June 13, 2019

შეგახსენებთ, რომ ჰეიგი საქართველოს ნაკრების მთავარი მწვრთნელი 2011 წლის მსოფლიოს თასის შემდეგ გახდა. მის ხელში "ბორჯღალოსნებმა" 2015 წლის მსოფლიო თასზე ითამაშეს და ისტორიული შედეგი დააფიქსირეს: პირველად მოიგეს ორი მატჩი, დაიკავეს მესამე ადგილი და 2019 წლის მსოფლიო თასის საგზური ავტომატურად გაინაღდეს.

ჰეიგის ხელმძღვანელობით საქართველოს ნაკრებმა 75 შეხვედრა ჩაატარა, საიდანაც 52 მოიგო, 22-ჯერ დამარცხდა და 1 მატჩი ფრედ დასრულდა. მილტონის მოსვლის შემდგომ, "ბორჯღალოსნებმა" რაგბი ევროპის ჩემპიონატზე კი შვიდჯერ იჩემპიონეს (2012, 2013, 2014, 2015, 2016, 2018, 2019), საიდანაც ხუთჯერ დიდი სლემით იმარჯვეს (2014, 2015, 2016, 2018, 2019).