Goal.Ge

მაგუაირი იუნაიტედში დაცვის პრობლემას მოაგვარებს, მაგრამ ერთ ახალს გააჩენს - განხილვა


მაგუაირი იუნაიტედში დაცვის პრობლემას მოაგვარებს, მაგრამ ერთ ახალს გააჩენს - განხილვა

გვარდიოლამ, თქვა, რომ მაგუაირთან ერთად „მანჩესტერი“ - პრემიერ ლიგის ფავორიტებს შორის მოექცევა. ეს საეჭვოა, მაგრამ კლუბი ნამდვილად გაძლიერდა.

ერთი წლის წინ, ჰარი მაგუაირი ჟოზე მოურინიოს მთავარ სატრანსფერო სამიზნედ სახელდებოდა (ტობი ალდერვეირელდთან ერთად). „ლესტერი“ მასში 60 მილიონ ფუნტს ითხოდა, მაგრამ „ემიუს“ სხვა პრიორიტეტები ჰქონდა და მწვრთნელმა ვერც ერთი ცენტრალური მცველი ვერ მიიღო. სეზონის დაკარგვისა და მწვრთნელის შეცვლის შემდეგ, „იუნაიტედმა“ მაგუაირი მაინც იყიდა, უკვე 20 მილიონით ძვირად - ტიპური ედ ვუდვორდი. მაგრამ, „მანჩესტერის“ მართვის დონე ისეთი დაბალია, რომ ტრანსფერის დადასტურების შემდეგ, დახარჯულ ფულზე წუწუნი კი არა, უნდა გიხაროდეს, რომ პრობლემური პოზიცია როგორც იქნა მოგვარებულია.

მაგუაირმა ერთბაშად ორი რეკორდი დაამყარა: ის ისტორიაში ყველაზე ძვირადღირებული ბრიტანელი და ამავდროულად, მცველი გახდა. პირველ რიგში, ეს რეკორდები ინფლაციას უსვამს ხაზს. „იუნაიტედს“ ინგლისის ნაკრების ფეხბურთელი ზუსტად იმდენივე დაუჯდა, რამდენადაც 10 წლის წინ „რეალმა“ კრიშტიანუ რონალდუ შეიძინა. მაგრამ, მაგუაირის ტრანსფერში ზედმეტი გადახდილი თანხის (რაც აშკარაა) დანახვა და პოზიტიურის არშემჩნევაც არ შეიძლება. მაგუაირი - ძლიერი მცველია, რომელიც „იუნაიტედში“ რამდენიმე პრობლემას მოაგვარებს.

მაგუაირი იუნაიტედში დაცვის პრობლემას მოაგვარებს, მაგრამ ერთ ახალს გააჩენს - განხილვა

სტანდარტები - მთავარი პრობლემა, რომელსაც მაგუაირი გადაწყვეტს

2018/19-წლების სეზონის შედეგად, „იუნაიტედმა“ პრემიერ ლიგაში სტანდარტული მდგომარეობიდან 18 გოლი გაუშვა, რაც ბოლოდან მეოთხე შედეგია: 16-ე ადგილი. ამაზე უარესი მაჩვენებელი „ჰადერსფილდს“, „კარდიფს“, „ნიუკასლს“ და „ბრაიტონს“ ჰქონდათ. პირველი ორი პრემიერ ლიგიდან გავარდა, უკანასკნელს კი 10 პენალტი დაუნიშნეს. შედარებისთვის - „ლესტერმა“ მხოლოდ 12 გოლი გაუშვა. პენალტები რომ არ ჩავთვალოთ, ერთ სეზონში „მანჩესტერ იუნაიტედის“ კარისკენ სტანდარტული მდგომარეობის შემდეგ 138 დარტყმა განხორციელდა: ეს იმაზე მეტია, ვიდრე გუნდმა თავად დაარტყა სტანდარტების შემდეგ (134). სტანდარტულების დროს, ამ გუნდის დაცვითი ხაზი ტოპ-კლუბის დონეს უბრალოდ არ შეესაბამება.

ნაწილობრივ ეს მოურინიოს, რომელიც ბოლო წლებში ზედმეტად ენდობოდა ინდივიდუალურობას. კიდევ ერთ მიზეზი - მცველების სუსტი ინდივიდუალიზმია. მაგუაირი სიტუაციას გამოასწორებს, სულ რომ სტანდარტების დროს სისტემურად იმოქმედოს. ჰარის მიერ მოგებული საჰაერო ორთაბრძოლების პროცენტი (77%) მეტია, ვიდრე „იუნაიტედის“ ნებისმიერი მცველის. იგივე სიტუაციაა ქვედა ორთაბრძოლებშიც (75%).

სიმაღლე (194 სმ) ავტომატურად იძლევა მეორე სართულზე უპირატესობას, მაგრამ მაგუაირი პოზიციის შერჩევით და თამაშის წაკითხვითაც გამოირჩევა, თანაც ეს ასპექტი უფრო და უფრო გააუმჯობესა. ოლე-გუნარ სოლსკიაერმა მისი ტრანსფერის შეფასების დროს, ესეც აღნიშნა: „ის თამაშზე თავის საჯარიმოშიც ახდენს გავლენას და სხვისაშიც“. გასულ სეზონში ჰარიმ სამი გოლი გაიტანა, ცოტაა, მაგრამ მაინც იმაზე მეტია, ვიდრე „მანჩესტერის“ ყველა მცველს ერთად აღებულს აქვს.

დაცვიდან ამოსვლა - კიდევ ერთი პლიუსი

16 წლამდე მაგუაირი ცენტრალური ნახევარმცველი იყო - სიმაღლის და სისწრაფის მიუხედავადაც კი (ის მაშინვე გამოირჩეოდა). თუმცა, მისი სისწრაფის არქონას ის ბურთთან კარგი მოპყრობით ანაზღაურებდა. დაცვაში ის „შეფილდის“ მწვრთნელმა, ჯონ პემბერტონმა გადაიყვანა. „ჰარი ეპიზოდებს კარგად კითხულობს, მაგრამ რაც მას განსაკუთრებულად ხდის არის ბურთთან მოპყრობა.“ მწვრთნელმა გადაწყვიტა, რომ ცენტრში სისწრაფის ნაკლებობა ჰარის პროგრესს შეაჩერებდა, დაცვის ხაზში კი მაგუაირის შესაძლებლობები მას უნიკალურს გახდის. ეს ძალიან ჰგავს სიტუაციას, რომელიც სხვა ძალიან ძვირიან ცენტრალურ მცველს, მატეის დე ლიგტს შეემთხვა. ჰოლანდიელიც ანალოგიურად ნახევარდაცვის ცენტრიდან დაცვის ცენტრში გადაწიეს, თანაც ისიც 16 წლის ასაკში. ისევე, როგორც მატეისმა, ინგლისელმაც შეინარჩუნა ცენტრალური ნახევარმცველის თვისებები და ახალ პოზიციებზეც იყენებს მათ.

მაგუაირი იუნაიტედში დაცვის პრობლემას მოაგვარებს, მაგრამ ერთ ახალს გააჩენს - განხილვა

მაგუაირი თავის კუმირად რიო ფერდინანდს ასახელებს: „ის და ჯონ ტერი პრემიერ ლიგის სხვა მცველებისგან გამოირჩეოდნენ, როდესაც მე ვიზრდებოდი. განსაკუთრებით ფერდინანდი მომწონდა: მას დაცვიდან შეტევაში ბურთი დიდებულად გადაჰქონდა. რიოს სუსტი წერტილი არ ჰქონია.“ ყოფილი ნახევარმცველი, მაგუაირიც დიდებულად გადადის დაცვიდან შეტევაში. გასულ სეზონში ის ერთ მატჩში საშუალოდ 61 გადაცემას აკეთებდა („იუნაიტედის“ არც ერთ მცველს 50-ც კი არ ჰქონია) 88% სიზუსტით. ეს ძალიან მაღალი სიზუსტეა იმის გათვალისწინებით, რომ არც ევანსი და არც მორგანი „ლესტერში“ დაცვიდან ამოტანაზე პასუხისმგებელი არ ყოფილა - ამით მაგუაირი იყო დაკავებული. თუმცა, საუბარი მხოლოდ მოკლე გადაცემებზე არ არის - გრძელი ბურთების რაოდენობით ჰარი მხოლოდ მეკარეს, კასპერ შმეიხელს ჩამორჩებოდა და მოედნის სხვა ფეხბურთელებს ორჯერ აღემატებოდა.

მისი ეს თვისება კიდევ უფრო მეტად იმის ფონზე ფასობს, რომ დე ხეა ფეხის თამაშის ოსტატი არ არის. „მანჩესტერ იუნაიტედში“ დაცვიდან ამოსვლაზე ლინდელოფია პასუხისმგებელი, მაგრამ მაგუაირი მასაც და გუნდის სხვა მცველსაც გაცილებით აღემატება. ეს ნაწილობრივ სოლსკიაერმაც აღნიშნა, რომელმაც თქვა, რომ მაგუაირი პრესინგის ქვეშ ძალიან მშვიდია და ბურთს კარგად აკონტორლებს.“ პრესინგის ქვეშ გათამაშება - თანამედროვე „ემიუსთვის“ დიდი სიახლეა, რომელმაც ბოლო წლებში იმას მიგვაჩვია, რომ მეტოქის ზეწოლის დროს ძალიან პრიმიტიულად ასპარეზობს. მეორე მხრივ, ამის საშუალება არც მოურინიოს ჰქონდა და არც ოლე-გუნარს, გამომდინარე მის განკარგულებაში მყოფი მცველებისგან.

რაშია ამ ტრანსფერის პრობლემა?

საინტერესო ფაქტი: Daily Mail-ის ინფორმაციით, „მანჩესტერ იუნაიტედი“ დე ლიგტს აკვირდებოდა, მაგრამ „აიაქსისთვის“ ოფიციალური წინადადებით ფეხბურთელის ზედმეტი წონის გამო არ მიუმართავს. სამაგიეროდ, მაგუაირის 100-მა კილოგრამმა მას „მანჩესტერში“ გადასვლაში ხელი ვერ შეუშალა. 100 კილოგრამი მას ცუდ მცველად არ ხდის, მაგრამ ნელს - ნამდვილად ხდის. სისწრაფის ნაკლებობა - მთავარი მიზეზია, რის გამოც ის ნახევარდაცვის ცენტრიდან დაცვაში გადაიყვანეს. ეს არის მნიშვნელოვანი შეზღუდვა, რომელიც ყველა მწვრთნელმა უნდა გაითვალისწინოს, როდესაც გუნდის სტილზე მუშაობას დაიწყებს.

პირველი, რაც სოლსკიაერმა „იუნაიტედში“ მისვლის შემდეგ გააკეთა - დაცვის ხაზი უფრო მაღლა ასწია. თუმცა, გუნდის დაცვის სტილისკენ გადახრა შენარჩუნდა, რომელიც მოურინიოს დროს იყო. საკვანძო იდეა, თუ თამაშით ვიმსჯელებთ და არა სიტყვებით (სიტყვიერად, ბოლო ნახევარ წელიწადში სოლსკიაერმა შემტევ ფეხბურთზე ძალიან ბევრი ილაპარაკა, მაგრამ მისი სიტყვები და მისივე თამაშის სტილი ერთმანეთს ეწინააღმდეგებოდა): კონტრშეტევაში უფრო სწრაფად და მაქსიმალურად მომგებიანი პოზიციიდან უნდა წახვიდე. ამისთვის კი საჭიროა, რომ მეტოქეს უფრო მაღლა დახვდე, საშუალო ბლოკით და აქტიურად დაიწყო პრესინგის გამოყენება - ილეთი, რომელსაც ბოლო პერიოდის მოურინიო თითქმის ყოველთვის პოზიციურ დაცვას ამჯობინებდა. ამის მეშვეობით, ჩაჭრების შემდეგ, „იუნაიტედი“ მეტოქის კართან უფრო ახლოს არის ხოლმე - ზოგჯერ, მანძილის მოსაგებად პოგბას ერთი ლამაზი გადაცემაც კი საკმარისია. მაგრამ, ეს პოტენციურად მეტოქის კონტრშეტევის რისკსაც ზრდის.

ზედმეტი ხუთი მეტრი ცენტრალური მცველის ზურგს უკან, როდესაც პოზიციური შეტევა მიდის - ძალიან ბევრია. განსაკუთრებით ბევრია, თუ საუბარია ორმეტრიან და 100-კილოგრამიან მცველზე, რომლის სისწრაფის ნაკლებობაც მთელი ჩემპიონატისთვის ცნობილია. თუ „იუნაიტედი“ ახალ სეზონში იმავე სათამაშო სტილს აირჩევს, რომელსაც გუნდი სოლსკიაერის დროს წინა სეზონში იყენებდა, ამ გუნდის წინააღმდეგ ტაქტიკის შერჩევა უმარტივესი გახდება. მცველებს ზურგს უკან მუდმივი ჩაგდებები და რაც უფრო მაღლა იქნება იმ დროს განლაგებული „იუნაიტედი“ - მით უკეთესი. პირველი პასი, პრესინგის გაძლება და მაგუაირის სხვა დადებითი მხარეები ერთადერთი მინუსით იქნება გადაფარული, რომლის გამოც ასეთი სათამაშო სტილით „იუნაიტედს“ უფრო და უფრო ხშირად დასჯიან.

მაგუაირს კიდევ ერთი დიდი მინუსი აქვს, რომელიც საუკეთესო გამნაწილებელ მცველებსაც კი ახასიათებს: მას ხშირად ჩაჭრები მოსდის. ლინდელოფი ამას კიდევ უფრო ხშირად აკეთებს, მაგრამ მაინც: რაც უფრო მეტია ჩაჭრა, მით მეტია კონტრშეტევა და მით უფრო იკვეთება მაგუაირის სისწრაფის ნაკლებობა.

როგორ გამოასწორებს პოგბას წასვლა მაგუაირის და „იუნაიტედის“ სტილის შეუსაბამებლობას

სტილის შეცვლის გარეშე, ზემოთხსენებული პრობლემების მოგვარება შეუძლებელი იქნება. შესაძლოა. ეს უბრალოდ რისკია, რომლისთვისაც კლუბი მზადაა, მაგუაირის ყველა იმ პლიუსის გათვალისწინებით, რომელზეც ასევე მოგახსენეთ. საშუალო ბლოკის თამაში სასარგებლოა არამარტო კონტრშეტევებისთვის, არის სხვა ფაქტორებიც. მაგალითად, ლუკ შოუ შეტევებში ჩართვის საშუალებას მიიღებს - უკვე გვავიწყდება, რომ ის ამ საქმეში ძალიან კარგი იყო. ხუან მატასთვისაც გაცილებით ადვილია კარგი შთაბეჭდილება დატოვოს, როდესაც ბურთს მეტოქის კარისგან 30 მეტრის მოშრებით იღებს და არა 50. რისკის მიზეზები არსებობს.

მაგრამ, იყიდო ცენტრალური მცველი 80 მილიონ ფუნტად და ითამაშო ფეხბურთი, რომელიც მის მთავარ ნაკლს ააშკარავებს, ცოტა არ იყოს უცნაურია. მოდით, სხვა ვარიანტიც განვიხილოთ: სოლსკიაერი სტილს შეიცვლის.

ქვედა ბლოკით თავის დაცვას „იუნაიტედი“ მიჩვეულია: სწორედ ასეთ სტილში მოიპოვა გუნდმა 2018 წელს მეორე ადგილი, მას შემდეგ კი შემადგენლობა ფიზიკურად არ შეცვლილა. ტანაც, თუ გავითვალისწინებთ, რომ სოლსკიაერის დროს, მთავარ შემტევ ძალად რაშფორდის და მარსიალის სისწრაფე წარმოადგენს, შეიძლება ფიქრი, რომ მატას კომფორტს მსხვერპლად გამოიყენებენ (სხვათაშორის, ესპანელის მთელი კარიერაა ასე ხდება). შეტევიდან დაცვაში გადასვლის სისწრაფე შენარჩუნდება იმდენად, რამდენადაც ეს შესაძლებელი იქნება, მაგრამ ადგილი, საიდანაც კონტრშეტევები დაიწყება, საკუთარი კარისკენ გაცილებით დაიწევს.

ეს გადაწყვეტილება შესაძლოა გუნდზე ცუდად აისახოს, რაც ფეხბურთელების უკმაყოფილებას გულისხმობს. არამარტო დისციპლინირებულ მატას და შოუს შემთხვევაში, რომლებიც მოურინიოს დროს სამაგალითო პროფესიონალიზმით გამოირჩეოდნენ, არამედ პოგბაშიც კი, რომელიც ბოლო ნახევარი წელია სიამოვნებას იღებს იმით, რომ დაცვით ფუნქციებში არ უწევს მონაწილეობის მიღება. ქვედა ბლოკით დაცვის დროს კი, „ათიანიც“ დაცვაში უნდა მუშაობდეს. ზედმეტად კარგად გვახსოვს ფრანგის კონფლიქტი ჟოზესთან, რომ პოგბასგან პროფესიონალურ მიდგომას დაველოდოთ, იმ დროს, როდესაც მას სათამაშო სტილი არ მოეწონება.

საერთო ჯამში, ამ ორი ვარიანტიდან რომ ავირჩიოთ, სტილის შეცვლას გუნდისთვის უფრო მეტი ბალანსი მოაქვს. პოგბა მარტო „იუნაიტედისთვის“ სეზონს ვერ გადაარჩენს, იდეალურ პირობებში მას ნახევარი სეზონის ამოქაჩვა შეუძლია. სოლსკიაერის საოცნებო დებიუტის შემდეგ, მას უკანასკნელ 10 ტურში მხოლოდ 2 შედეგიანი ქმედება ჰქონდა. თანაც, საუბარია ფეხბურთელზე, რომელმაც გადაწყვიტა, რომ „მილანთან“ ამხანაგურ შეხვედრაში მონაწილეობის მიღება არ სურდა, თუმცა არც ტრავმირებული იყო. სოლსკიაერმა ყველაფერი იმით ახსნა, რომ ფრანგმა ვარჯიშის შემდეგ ზურგის ტკივილი იგრძნო და მწვრთნელიც გააფრთხილა, რომ „მილანთან“ მატჩში მონაწილეობას არ მიიღებს.

გასაგებია, მაგრამ სიტუაცია, როდესაც ფეხბურთელი მწვრთნელს თავად აფრთხილებს, რომ მატჩში არ ითამაშებს და მიზეზად ტკივილებს ასახელებს, ყველანაირი დამატებითი ტესეტბის და გამოკვლევების გარეშე - არანორმალურია. ეს ტრანსფერის მორიგი ნიშანია - სეზონის დაწყებამდე რამდენიმე დღით ადრე არ შეიძლება იმის დაზუსტებით თქმა, რომ „ემიუ“ თავის მთავარ ვარსკვლავს შეინარჩუნებს. ნორმალური არც ეს სიტუაციაა.

მაგუაირი იუნაიტედში დაცვის პრობლემას მოაგვარებს, მაგრამ ერთ ახალს გააჩენს - განხილვა

პოგბა შეიძლება იმის მიუხედავად წავიდეს, შეცვლის თუ არა სტილს სოლსკიაერი. თუ ფრანგი დარჩა და უკმაყოფილო იქნა - გუნდი მიიღებს შენელებული (სინამდვილეში კი აჩქარებული) მოქმედების ნაღმს. თუ პოგბა დარჩა და გუნდის სტილი მას მოერგება - მაგუაირის შეძენა დიდებული ტრანსფერიდან სარისკომდე ჩამოდის. ყველაფერს ფრანგის გაყიდვა მოაგვარებს, რომელიც გუნდზე აისახება, მაგრამ კონტრშეტევითი სტილი „იუნაიტედის“ ფეხბურთელთა უმეტესობას უხდბეა, მაგუაირის გრძელი გადაცემები კი, დაბალი დაცვის დროს, პოგბას პასებზე არანაკლებ ეფექტური იქნება, რომელსაც ფრანგი მოედნის ცენტრიდან ახორციელებს.

კი, მტკივნეული გადაწყვეტილებაა. მაგრამ კიდევ უფრო მტკივნეული იქნება მთლიანი სისტემის შექმნის მცდელობა, იმ ნაწილებისგან, რომელიც ერთმანეთს საერთოდ არ უხდება. მტკივნეული გადაწყვეტილების გარდა, ეს კიდევ უფრო მტკივნეულ გამოცდილებაში გადაიზრდება.

ფეხბურთის ანგარიშები იხილეთ აქ - LIVESCORE

ჟოაო ფელიქსმა კვლარ ტრავმა მიიღო - რამდენ ხანს გამოტოვებს პორტუგალიელი?

მადრიდის "ატლეტიკოს" პორტუგალიელი ლიდერი ჟოაო ფელიქსი კვლავ ტრავმირებულია.

დღეს, 03:10

სოლსკიაერმა ლივერპულს დასცინა: "მანჩესტერი 30 წელი უტიტულოდ არ იქნება"

"მანჩესტერ იუნაიტედის" თავკაცმა ოლე-გუნარ სოლსკიაერმა "ლივერპულს" ის ფაქტი გაახსენა, რომ მათ პრემიერ ლიგა არ აქვთ მოგებული.

დღეს, 03:07

გვარდიოლა: "გუნდის თამაშით კმაყოფილი ვარ, თუმცა ერთი რამე არ მომეწონა"

პრემიერ ლიგის გასულ ტურში "მანჩესტერ სიტი" "კრისტალ პალასს" დაუპირისპირდა და 0:2 დაამარცხა.

დღეს, 03:03

დიეგო კოშტას საიუბლეო გოლი და ყველა დროის ბომბარდირთა 6-ეული

მადრიდის "ატლეტიკოს" ფორვარდმა დიეგო კოშტამ ამ გუნდის მაისურით საიუბილეო 50-ე გოლი გაიტანა.

დღეს, 02:59

ვალენსიას ფეხბურთელი ლა ლიგის ისტორიაში უცნაურად შევიდა

ლა ლიგის გასულ ტურში მადრიდის "ატლეტიკო" "ვალენსიას" დაუპირისპირდა და ფრედ 1:1 ითამაშა.

დღეს, 02:56

კურტუას საშინელი სერია გრძელდება

მადრიდის "რეალმა" ლა ლიგის გასულ ტურში სენსაცია დააფიქსირა და სტუმრად "მალიორკასთან" წააგო.

დღეს, 02:53

სტერლინგის საოცარი სტატისტიკა მიმდინარე სეზონში

პრემიერ ლიგის გასულ ტურში "მანჩესტერ სიტი" "კრისტალ პალასს" დაუპირისპირდა და 0:2 დაამარცხა.

დღეს, 02:50

რეალმა ლა ლიგაში სეზონის პირველი მატჩი წააგო [VIDEO]

ლა ლიგის მე-9 ტურის მატჩი "მალიორკასა" და მადრიდის "რეალს" შორის, მოულოდნელად დასრულდა.

დღეს, 01:02

იუვენტუსის მორიგი გამარჯვება, რონალდუმ კვლავ გაიტანა [VIDEO]

იტალიის ჩემპიონატში გაიმართა დაძაბული მატჩი ტურინის "იუვენტუსსა" და "ბოლონიას" შორის.

დღეს, 00:56

დინამომ შინ წააგო, საბურთალოს გამარჯვება 16 წლის ბავშვებთან

ეროვნული ლიგის 30-ე ტურში საკმაოდ საინტერესო და მოულოდნელი მატჩები გაიმართა.

დღეს, 00:40

ახალზელანდიელი მორაგბის საოცარი თამაში ირლანდიასთან მატჩში [VIDEO]

ახალი ზელანდია - ირლანდიის მატჩის დროს ზელანდიელთა მგეზავმა რიჩი მოუნგამ საოცარი ბურთი გადაარჩინა აუტში გადასვლისგან.

გუშინ, 23:17

ლეგენდარული რორი ბესტის კარიერის ემოციური დასასრული [VIDEO]

ირლანდიელთა ლეგენდარულმა კაპიტანმა, 38 წლის რორი ბესტმა დღეს ახალ ზელანდიასთან მარცხის შემდეგ თავისი 15 წლიანი კარიერა დაასრულა.

გუშინ, 23:09

ახალი ზელანდია - ირლანდია 46:14 [VIDEO]

ახალი ზელანდიის ნაკრებმა მსოფლიო თასის მეოთხედფინალში ირლანდია 46:14 დაამარცხა.

გუშინ, 23:04

იაპონიამ მსოფლიო რეიტინგში ახალი რეკორდი დაამყარა

იაპონიის ისტორიული მაქსიმუმი.

გუშინ, 22:54

წარუმატებელი სერია შეწყდა - დორტმუნდმა შინ გლადბახს სძლია [VIDEO]

გერმანიის ჩემპიონატის მე-8 ტურის ეგიდით, "დორტმუნდმა" "გლადბახს" უმასპინძლა.

გუშინ, 22:38

სიტიმ კრისტალ პალასს მოუგო და ლივერპულთან ჩამორჩენა შეამცირა [VIDEO]

ინგლისის ჩემპიონატის მე-9 ტურის ეგიდით, "მანჩესტერ სიტი" "კრისტალ პალასს" ესტუმრა.

გუშინ, 22:31

ნაპოლიმ შინაურ კედლებში ვერონა უპრობლემოდ დაამარცხა [VIDEO]

იტალიის ჩემპიონატის მე-8 ტურის ეგიდით, "ნაპოლიმ" "ვერონას" უმასპინძლა.

გუშინ, 22:18

დიბალას და იგუაინის მომავალი პრაქტიკულად გადაწყვეტილია

"იუვენტუსის" თავდამსხმელების, პაულო დიბალასა და გონსალო იგუაინის მომავალი გარკვეულია.

გუშინ, 21:57

მანჩესტერ სიტიმ სტერლინგის მომავალზე ფიქრი დაიწყო

"მანჩესტერ სიტის" ხელმძღვანელობა თავდამსხმელ რაჰიმ სტერლინგის მომავალზე ფიქრობს.

გუშინ, 21:45

იბრაჰიმოვიჩი: "ამჟამინდელი მილანი კატასტროფაა"

"ლოს ანჯელეს გელექსის" თავდამსხმელმა, ზლატან იბრაჰიმოვიჩმა ამჟამინდელ "მილანზე" ისაუბრა.

გუშინ, 21:06

"MSG-ს მეტის ჩვენება შეუძლია", - გრიზმანი ეიბართან მატჩის შემდეგ

"ბარსელონას" თავდამსხმელმა, ანტუან გრიზმანმა "ეიბარის" (3:0) განადგურების შემდეგ კომენტარი გააკეთა.

გუშინ, 21:00

იბრაჰიმოვიჩი: "რაღაც მომენტში ვფიქრობ, რომ ამ კლუბში თამაში მსურს"

"ლოს ანჯელეს გელექსის" თავდამსხმელმა, ზლატან იბრაჰიმოვიჩმა საინტერესო განცხადება გააკეთა.

გუშინ, 20:50

ტოტენჰემი ბოლოადგილოსან კრისტალ პალასთან მარცხს გადაურჩა [VIDEO]

ინგლისის ჩემპიონატის მე-9 ტურის ეგიდით, "ტოტენჰემ ჰოთსპურმა" "უოტფორდს" უმასპინძლა.

გუშინ, 20:12

ბოლო წუთებზე დაკარგული ქულები - ატლეტიკომ ვალენსიას ვერ მოუგო [VIDEO]

ლა ლიგის მე-9 ტურის ეგიდით, მადრიდის "ატლეტიკომ" "ვალენსიას" უმასპინძლა.

გუშინ, 20:08

ჩელსიმ ნიუკასლი მინიმალურად დაამარცხა და ჩემპიონთა ლიგის ზონამდე აიწია [VIDEO]

პრემიერ ლიგის მეცხრე ტურში ლონდონის „ჩელსიმ“ საკუთარ მოედანზე „ნიუკასლს“ უმასპინძლა და მინიმალურად, 1-0 იმარჯვა.

გუშინ, 19:50

ბარსელონამ კლუბის ამომავალი ვარსკვლავის თაობაზე გადაწყვეტილება მიიღო

გავლენიანი ესპანური გამოცემა El Mundo Deportivo საკმაოდ საინტერესო ინფორმაციას ავრცელებს.

გუშინ, 19:30

ბოლო წუთზე ხელიდან გაშვებული გამარჯვება! ბაიერნს გნაბრის გოლი და საგოლე არ ეყო [VIDEO]

ბუნდესლიგის მერვე ტურში მიუნხენის „ბაიერნი“ სტუმრად „აუგსბურგს“ ეწვია და გამარჯვება ხელიდან ბოლო წუთზე გაუშვა.

გუშინ, 19:25

"ერთმანეთს რომ ვეყრებოდით, მემალებოდა", - იბრაჰიმოვიჩი გვარდიოლაზე

"ლოს ანჯელეს გელექსის" თავდამსხმელმა, ზლატან იბრაჰიმოვიჩმა საინტერესო განცხადება გააკეთა.

გუშინ, 19:23

ბრწყინვალე თრილერი სერია ა-ში! ლაციომ მატჩი 0:3-დან გადაარჩინა [VIDEO]

იტალიის ჩემპიონატის მე-8 ტურში დიდებული სანახაობა ვიხილეთ.

გუშინ, 19:16

ყველა სიახლე

კვირის ტოპ 10