კასილიასი: "ჩემმა თანაგუნდელებმა შესანიშნავად ითამაშეს"

"რეალის" ტრავმირებულმა გოლკიპერმა იკერ კასილიასმა "ბარსელონასთან" (3:1) გუშინდელი გამართული შეხვედრის შემდეგ მისი პარტნიორების მიმართ აღფრთოვანება ვერ დამალა. "ჩემმა თანაგუნდელებმა შესანიშნავად ითამაშეს. ისინი მოედნის თითოეულ ნაწილს აკონტროლებდნენ და დაცვის ხაზშიც საოცრად თამაშობდნენ. ყველა მათგანმა მაღალ დონეზე ითამაშეს, და ყველაფერი გააკეთეს იმისათვის, რათა ფინალში გასულიყვნენ. მე არ დამინახია ის, რომ გუნდი დაცვაში თამაშობდა და მოწინააღმდეგეს მუდმივი ზეწოლით არ აწუხებდა. "ბარსელონას" ტაქტიკურად ვაჯობეთ, სწორედ ამიტომ, ჩვენი გამარჯვება სრულიად დამსახურებულია. ეს გამარჯვება სეზონის წარმატებით დასრულებაში მოტივირებას შეგვმატებს, თუმცა უკვე ვიცით, რომ ჩემპიონატის ტიტულს ვერ დავიცავთ". "კრიშტიანუ რონალდუმ აჩვენა, თუ როგორი საჭიროა იგი გუნდისთვის. იგი ჩვენი მთავარი ფიგურაა, და ამ შეხვედრებში მან კიდევ ერთხელ დაამტკიცა, თუ როგორი სარგებლიანია. რონალდუ ძალიან საჭირო მოთამაშეა ჩვენთვის. რაც შეეხება კონტრაქტის გახანგრძლივებას, ამას იგი და კლუბის ხელმძღვანელობა გადაწყვეტენ. დიეგო ლოპესი - შესანიშნავი გოლკიპერია. ეს ტრანსფერი გუნდისთვის ძალიან მნიშვნელოვანია. მან ჩვენ სიმშვიდე შეგვმატა",-განაცხადა კასილიასმა. წყარო: Real Madrid CF