"ინტერი": კარეუ არა?, მაშინ ვან ნისტელროი

"ნერაძური" თავდამსხმელის ძებნას განაგრძობს. შეგახსენებთ, რომ დიეგო მილიტოს სერიოზული ტრავმის შემდეგ, "ინტერმა" ფორვარდის ძებნა დაიწყო, რომელიც მიმდინარე სეზონის ბოლომდე არგენტინელის შემცვლელი გახდება. თუმცა "ნერაძურის" რჩეულმა, ნორვეგიელმა ჯონ კარეუმ, სამედიცინო შემოწმება ვერ გაიარა და "ინტერმა" მისი გაფორმება აღარ ისურვა. თუმცა მილანურმა კლუბმა კვლავ გაამახვილა ყურადღება ჰოლანდიელ თავდამსხმელზე რუუდ ვან ნისტელროიზე. იტყობინებიან, რომ "ინტერი" მზადაა "ემიუსა" და "რეალის" ყოფილ თავდამსხმელს 15-თვიანი ხელშეკრულება შესთავაზოს. შეგახსენებთ, რომ ჰოლანდიელმა კარიერა გასულ წელს დაასრულა. წყარო: Football Italia