"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?



ვიმსჯელოთ, თუ ვინ უნდა გახდეს მიუნხენის „ბაიერნის“ მთავარი მწვრთნელი.

„რეკორდმაისტერის“ ხელმძღვანელობამ ნიკო კოვაჩს „აინტრახტთან“ განადგურება არ აპატია და ხორვატი სპეციალისტი გუნდის მთავარი მწვრთნელი აღარ არის. თუმცა, იყო თუ არა ფრანკფურტში დაფიქსირებული შედეგი ამის მთავარი მიზეზი? საეჭვოა. „კომერცბანკ არენაზე“ განადგურება უბრალოდ დასკვნითი ფაზა აღმოჩნდა, თავისებური ალუბალი ტორტის თავზე, რომელმაც კოვაჩის მიუნხენურ კარიერას წერტილი დაუსვა.

ირონიულია, რომ მწვრთნელი გუნდში სწორედ „აინტრახტიდან“ გადაბარგდა, სადაც „არწივებთან“ ერთად დიდებული სამუშაო ჩაატარა და თავისი მომავალი გუნდი გერმანიის თასის ფინალში დაამარცხა. „ალიანც არენაზე“ პირველმა სეზონმა კოვაჩისთვის მეტნაკლებად კარგად ჩაიარა - ჩემპიონთა ლიგაზე წარუმატებლობა ნაწილობრივ გადაფარა შიდა ტურნირების მოგებამ. თუმცა, მიმდინარე სეზონი გუნდს საუკეთესოდ ნამდვილად არ დაუწყია.

„ბაიერნი“ პირველოადგილოსანს ოთხი ქულით ჩამორჩება, ბუნდესლიგის 10 შეხვედრაში გუნდი 2-ჯერ დამარცხდა და 3 ფრე ითამაშა. ამასთან, „წითლებმა“ გერმანიის სუპერთასის მატჩიც დათმეს სეზონის სტარტზე. ბუნებრივია, სიტუაციას ტიტულებისთვის ბრძოლის თვალსაზრისით კრიტიკულს ვერ უწოდებ, რადგან მიუნხენელებისთვის სეზონის ასეთი მძიმე დასაწყისი ახალი არ არის. აქ უფრო მეტად მწვრთნელისადმი ნდობამ შეასრულა თავისი როლი, რამაც განაპირობა ის, რომ „ოლიმპიაკოსთან“ ჩემპიონთა ლიგის შეხვედრისთვის „ბაიერნი“ ხორვატი სპეციალისტის გარეშე მოემზადება.

განვითარებული მოვლენების ფონზე, განვიხილოთ, თუ ვინ შეიძლება გახდეს „ბაიერნის“ ახალი მთავარი მწვრთნელი.

ჟოზე მოურინიო


"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?

ალბათ, უკვე ყველა მიეჩვია, რომ როდესაც მეტნაკლებად დიდ გუნდში მთავარი მწვრთნელის თანამდებობა თავისუფლდება - პოტენციური პრეტენდენტების სიაში აუცილებლად ფიგურირებს მოურინიოს სახელი. გასაკვირი არცაა, ის ხომ „განსაკუთრებულია“, რომელიც თითქმის მთელი წელია უმუშევარია. კი, პორტუგალიელს შემოთავაზებები ჰქონდა - ცნობილია, რომ მას ჩინეთში, „ლიონში“ და სხვა კლუბებში ეპატიჟებოდნენ. მაგრამ წინა ვარიანტები ჟოზემ უარყო. ეტყვის თუ არა უარს „ბაიერნაც“? დიდი ალბათობით, არა!

თავად სპეციალისტმა არაერთხელ აღნიშნა, რომ მზადაა, ბუნდესლიგაში იმუშავოს. თანაც, არც ისე დიდი ხნის წინ ჟოზემ აღიარა, რომ გერმანული ენის შესწავლა დაიწყო. სიმართლე რომ ვთქვათ, ბოლოდროის ჭორების შემხედვარე, ყველაზე რეალური ვარიანტი, რომელსაც მოურინიოს პრესა აკავშირებს - სწორედ „ბაიერნია“. თავად განსაკუთრებულისთვის, რომელმაც ბოლო წლებში კრიტიკის ქარცეცხლი გადაიტანა, მსგავსი სამუშაო - იდეალური შანსია დაამტკიცოს, რომ ჯერ კიდევ ტოპ-მწვრთნელია.

მასიმილიანო ალეგრი


"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?

რატომაც არა? სპეციალისტი, რომელიც „იუვენტუსს“ ხუთი წლის მანძილზე ედგა სათავეში და დიდებული სამუშაო შეასრულა, გზა ხუთი სკუდეტო, ოთხი თასი და ორი სუპერთასი მოიგო, გასული ზაფხულის შემდეგ უმუშევარია. იტალიელმა ალენატორემ უმალვე აღნიშნა, რომ ერთი წლის შვებულებაში გატარებას აპირებს და მუშაობას მხოლოდ შემდეგ სეზონში დაუბრუნდება. თუმცა, გააგრძელებს დასვენებას მაქსი იმ შემთხვევაშიც, თუ მას მიუნხენიდან დაურეკავენ?

სერიოზული გერმანული გამოცემა Bild გვარწმუნებს, რომ ალეგრის საქმიანობაში დაბრუნება დათქმულზე ადრე უნდა. ერთ-ერთ არგუმენტად მოჰყავს ის, რომ გერმანულ გუნდში მუშაობს ალეგრის ერთ-ერთი მეგობარი. ალბათ, ალეგრის ვარიანტი მიუნხენელებისთვის მაქსიმალურად მისაღებია. იმავე გერმანულ პრესაში მოურინიოს ვარიანტში ეჭვი შეაქვთ და იტალიელი ურჩევნიათ, რომელსაც გუნდის შენების და შიდა ასპარეზზე დომინაციის მრავალწლიანი გამოცდილება უმაგრებს ზურგს.

არსენ ვენგერი


"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?

მისიე არსენი უკვე წელიწადნახევარია უმუშევარია და მუდმივად აანონსებს, რომ ეს-ესაა დაბრუნდება. ჯერ მხოლოდ გასულ თვეში ფრანგმა სპეციალისტმა აღიარა, რომ რამდენიმე ინგლისური შემოთავაზება გაისტუმრა უარით და სხვა ვარიანტების ძიებაში იმყოფება. ჯერ კიდევ გვაქვს იმედი, რომ ვენგერი დიდ ფეხბურთში ძალიან მალე დაბრუნდება.

იქნება თუ არა მისი ახალი გუნდი „ბაიერნი“ - ცალკე საკითხია. ბუნებრივია, გამოცდილი სპეციალისტი თავის შესაძლებლობებს ამ გაგრძელებული შვებულების დროს არ გაფლანგავდა. გერმანელ ანალიტიკოსებს მიაჩნიათ, რომ ვენგერი დღემდე კარგი ტაქტიკოსია, ახალგაზრდებთან მუშაობაც შეუძლია და ამასთანავე, გერმანულად დიდებულად საუბრობს, რაც გუნდში ადაპტაციის საკითხს ერთი-ორად ამარტივებს. მაგრამ, გარისკავს თუ არა „წითლების“ ხელმძღვანელობა 70 წლის სპეციალისტის დაპატიჟებას, რომელიც უკვე მეორე სეზონია პრაქტიკის გარეშეა? აი ეს არის საკითხი, სადაც ეჭვები ჩნდება.

ერიკ ტენ ჰაგი


"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?

ჭორები იმაზე, რომ ჰოლანდიელი შესაძლოა „რეკორდმაისტერს“ გაუძღვეს ჯერ კიდევ გასული სეზონის ბოლოს ვრცელდებოდა. ტენ ჰაგმა „აიაქსში“ ფენომენალური სეზონი ჩაატარა და ამსტერდამიდან შესაძლო წასვლა წინასწარვე გამორიცხა, გზად გუნდთან 2022-წლამდეც გააფორმა კონტრაქტი. თუმცა, გერმანული პრესა დარწმუნებულია, რომ მწვრთნელი პრესაში ერთს ამბობს, თავად კი სულ სხვას ფიქრობს. დიდი ალბათობით, მის წასვლას წინ არც „აიაქსი“ აღუდგება.

ალბათ, ტენ ჰაგი - ერთ-ერთია იმ მცირე ვარიანტებიდან, რომელმაც მართლა შეიძლება მიატოვოს გუნდი შუა სეზონში, რათა „ბაიერნი“ ჩაიბაროს. თანაც, ჰოლანდიელი გერმანული გრანდისთვის უცხო არ არის, რადგან 2013-2015 წლებში გუნდის დუბლთან ერთად მუშაობდა. არც ის საკითხი იწვევს ეჭვს, რომ „ბაირენს“ ტენ ჰაგის კონტაქტები დარჩა და მის მიღწევებს აკვირდებოდნენ. რა თქმა უნდა, ერედივიზიიდან ბუნდესლიგაში გადასვლა წარმატებით ყოველთვის არ სრულდება - ჯერ კიდევ გვახსოვს პიტერ ბოშის მუშაობა „დორტმუნდში“, „აიაქსთან“ ერთად ევროპა ლიგის ფინალში გასვლის შემდეგ. მაგრამ, უსამართლობა იქნება ფიქრი, რომ მწვრთნელი, რომელმაც ულამაზესი ახალგაზრდა გუნდი ააშენა და ჩემპიონთა ლიგის ნახევარფინალამდე მივიდა, არ იმსახურებს შანსს, მსოფლიო დონის გრანდში იმუშავოს.

რალფ რანგნიკი


"მოურინიო, ვენგერი, ტენ ჰაგი, ალეგრი თუ...", - რომელია ბაიერნისთვის საუკეთესო ვარიანტი?

უნივერსალური ადამიანი. 61 წლის სპეციალისტი მზადაა კლუბში ნებისმიერი როლი შეასრულოს - იქნება ეს მწვრთნელის, ტექნიკური თუ სპორტული დირექტორის თანამდებობები. სწორედ რანგნიკია ამჟამინდელი „ლაიპციგის“ მთავარი დამაარსებელი - გუნდის, რომელიც მხოლოდ 10 წლის დაარსებულია, დღეს კი მინიმუმ ჩემპიონთა ლიგის ზონაში მოსახვედრად იბრძვის. ახლა რანგნიკი „რედ ბულის“ კონცენრნში სპორტისა და განვიტარების განყოფილების უფროსად მუშაობს, მაგრამ პრესამ გაარკვია, რომ მზადაა, სამწვრთნელო საქმიანობასაც დაუბრუნდეს.

რა პლიუსები აქვს ამ ვარიანტს? რანგნიკს ადაპტაციისთვის დრო არ სჭირდება. ამასთან, არც გერმანული ფეხბურთის სპეციფიკის შესწავლა ესაჭიროვება და არც ბუნდესლიგის კლუბის ფუნქციონირების. ხსენებული Bild რანგნიკს „მანჩესტერ იუნაიტედსაც“ უკავშირდებდა.

რეალურად, მწვრთნელი, რომელიც თავისუფალია და გერმანული ფეხბურთის გამოცდილებაც გააჩნია - სხვა არავინაა. ნულს უტოლდება შანსი, რომ მიუნხენელები რამენაირად მოახერხებენ „გლადბახიდან“ მარკო როზეს ან „ლაიპციგიდან“ იულიან ნაგელსმანის წამოყვანას. ამიტომ, რანგნიკი საკმაოდ რეალური ვარიანტია.

რომელი ვარიანტია საუკეთესო?


საუკეთესო ნამდვილად ერთია - დაურეკონ იუპ ჰაინკესს. მწვრთნელი, რომელმაც „ბაიერნთან“ ერთად 2012/13-წლებში ჰეთ-ტრიკი შეასრულა და კარიერა დაასრულა, მაგრამ შემდეგ 2017 წელს, მშობლიური გუნდის დაძახების შემდეგ დაბრუნდა და გუნდს კიდევ ერთი ჩემპიონობა მოუტანა. ამასთან, გუნდში ბოლო ყოფნის დროს მისი გამარჯვებების პროცენტულობა 77% შეადგენდა, რაც წარმოუდგენელი სიტუაციაა. იქნებ, 74 წლის სპეციალისტი კიდევ ერთხელ გახდეს მიუნხენური გრანდისთვის გადამრჩენელი, რომელიც გუნდს კვლავ გამარჯვებების „რელსებზე“ დააყენებს? თუმცა, ალბათ დროა, გუნდმა ჰაინკესის გარეშეც ისწავლოს გამოსავლის მოძიება.

რომელია „ბაიერნისთვის“ საინტერესო ვარიანტი?


ფეხბურთის ანგარიშები იხილეთ აქ - LIVESCORE

"პირდაპირ დამადო თავისი მედალი" - ფაფ დე კლერკი ინგლისის ნაკრების ვარსკვლავს დასცინის

სამხრეთ აფრიკის ნაკრების ჰავბექმა ფაფ დე კლერკმა თანაგუნდელი გაამასხარავა.

დღეს, 00:01

მოურინიომ ტოტენჰემში პირველი ხმაურიანი ტრანსფერი დაგეგმა

მოგეხსენებათ, ჟოზე მოურინიომ "ტოტენჰემი" დღეს ოფიციალურად ჩაიბარა.

გუშინ, 23:29

"იქ ჩვენი ადგილი არ არის", - მოურინიო ტოტენჰემის მდგომარეობაზე

"ტოტენჰემის" ახალმა მწვრთნელმა, ჟოზე მოურინიომ საინტერესო კომენტარი გააკეთა.

გუშინ, 22:49

რონალდუმ ჯორჯინა როდრიგესზე მალულად იქორწინა

პრესის ინფორმაციით, უახლოეს დღეებში ქორწილის ფოტოები გავრცელდება.

გუშინ, 22:42

მოურინიო: "რას შემიძლია დავპირდე ტოტენჰემს?"

ჟოზე მოურინიომ "ტოტენჰემში" პირველ შთაბეჭდილებაზე ისაუბრა.

გუშინ, 22:34

მთავარი მიზეზი, რომელიც იბრას მილანში დაბრუნებას აბრკოლებს

ფორვარდმა, ზლატან იბრაჰიმოვიჩმა კარიერა შესაძლოა "მილანში" გააგრძელოს.

გუშინ, 22:25

ბექჰემის კლუბმა 5 ფეხბურთელს გაუფორმა კონტრაქტი

MLS-ის ახალმა კლუბმა, "ინტერ მაიამიმ" ხუთ თავისუფალ აგენტს გაუფორმა კონტრაქტი.

გუშინ, 22:21

ტოტენჰემში მოურინიოს სამწვრთნელო შტაბის წევრები ცნობილია

ჟოზე მოურინიო დღეს "ტოტენჰემის" ახალი მთავარი მწვრთნელი ოფიციალურად გახდა.

გუშინ, 21:31

მანჯუკიჩი გამოირიცხა, მანჩესტერს ახალი სამიზნე ჰყავს

აღნიშნულ ინფორმაციას ავტორიტეტული გამოცემა ESPN ავრცელებს.

გუშინ, 21:27

უარი არეოლაზე - რეალმა კურტუას კონკურენტი შეარჩია

როგორც ჩანს, "რეალი" "პსჟ"-ს გოლკიპერ ალფონს არეოლას არ შეისყიდის.

გუშინ, 21:23

შეხვედრა შედგა - პოჩეტინოს პირველი მსურველი უკვე ჰყავს

მოგეხსენებათ, მაურისიო პოჩეტინო "ტოტენჰემიდან" გუშინ გაათავისუფლეს.

გუშინ, 21:18

არსენალი ესპანეთის ნაკრების ფეხბურთელს უმიზნებს

"არსენალის" ხელმძღვანელობა საკმაოდ საინტერესო ტრანსფერზე მუშაობას იწყებს.

გუშინ, 21:15

მანჩესტერი და რომა ფეხბურთელების გაცვლას აპირებენ

"მანჩესტერ იუნაიტედმა" და "რომამ" შესაძლოა ფეხბურთელები გაცვალონ.

გუშინ, 20:41

გრანდები საქმეში - ჯაკას არსენალიდან წასვლა ახლოვდება

ნახევარმცველ გრანიტ ჯაკას "არსენალიდან" წასვლა უფრო და უფრო ახლოვდება.

გუშინ, 20:36

კაკაბაძე ტრავმის შემდეგ პირველ კომენტარს აკეთებს

ტრავმის გამო მოედანი ნაადრევად დატოვა ჩვენი ნაკრების მცველმა ოთარ კაკაბაძემ.

გუშინ, 20:31

მორატიმ ინტერის ფანების საოცნებო მწვრთნელი დაასახელა

"ინტერის" ექს-მფლობელმა, მასიმო მორატიმ საინტერესო განცხადება გააკეთა.

გუშინ, 20:30

მოურინიო ტოტენჰემის პრიორიტეტული არჩევანი არ ყოფილა

ცნობილი ბრიტანული გამოცემა Daily Mail საკმაოდ საინტერესო ინფორმაციას ავრცელებს.

გუშინ, 20:24

გრანდი, სადაც გადასვლაზეც ჩალჰანოღლუ უარს არ იტყვის

"მილანის" ნახევარმცველმა, ჰაკან ჩალჰანოღლუმ საინტერესო განცხადება გააკეთა.

გუშინ, 20:17

გოჩა სვანიძე: "არაა გამორიცხული, რომ სამხრეთ აფრიკულ კლუბებსაც ვეთამაშოთ"

უკვე გაუწყეთ, რომ 18 ივლისს საქართველოს ნაკრები სტუმრად მოქმედ მსოფლიო ჩემპიონს, სამხრეთ აფრიკას ესტუმრება.

გუშინ, 20:13

"ჩემთვის შოკია", - ტოტენჰემის ფეხბურთელი პოჩეტინოს წასვლაზე

"ტოტენჰემის" მცველმა, ბენ დეივისმა მაურისიო პოჩეტინოს გათავისუფლებაზე კომენტარი გააკეთა.

გუშინ, 19:40

დელე ალი ტოტენჰემიდან პოჩეტინოს გაშვებას გამოეხმაურა

"ტოტენჰემის" ნახევარმცველმა, დელე ალიმ მაურისიო პოჩეტინოს მადლობა გადაუხადა.

გუშინ, 19:35

რა თანხა დაუჯდება ტოტენჰემს პოჩეტინოს გათავისუფლება?

"ტოტენჰემს" მაურისიო პოჩეტინოს გათავისუფლების შემდეგ კომპენსაციის გადახდა მოუწევს.

გუშინ, 19:28

ტოტენჰემში მთავარ მწვრთნელად მოურინიოს დანიშვნა ახსნეს

მოგეხსენებათ, ლონდონის "ტოტენჰემის" ახალი მთავარი მწვრთნელი ჟოზე მოურინიო გახდა.

გუშინ, 19:23

შეთანხმება ახლოსაა - ატლეტიკო ტრანსფერს ახორციელებს

აღნიშნულ ინფორმაციას ავტორიტეტული ესპანური გამოცემა AS ავრცელებს.

გუშინ, 19:15

გამოცდა ოლდ ტრანფორდზე: მოურინიო პირველ ტოპ მატჩს მანჩესტერთან გამართავს

როგორც მოგეხსენებათ, ჟოზე მოურინიო "ტოტენჰემის" მთავარი მწვრთნელის პოსტზე ოფიციალურად დაინიშნა.

გუშინ, 18:13

მანჯუკიჩი არჩევანს ორ გუნდს შორის გააკეთებს

როგორც მოგეხსენებათ, მარიო მანჯუკიჩი ტურინის "იუვენტუსის" დატოვებასთან არის ახლოს.

გუშინ, 17:34

"ფატის დუბლებში გადასვლა მოუწევს", - კლუივერტი

"ბარსელონას" აკადემიის დირექტორმა, პატრიკ კლუივერტმა, ანსუმანე ფატის შესახებ ისაუბრა:

გუშინ, 17:27

ლებრონ ჯეიმსმა ისტორიული რეკორდი დაამყარა - პირველი მოთამაშე NBA-ის ისტორიაში

"ლოს-ანჯელეს ლეიკერსის" მსუბუქმა ფორვარდმა, ლებრონ ჯეიმსმა NBA-ში ისტორიულ შედეგს მიაღწია.

გუშინ, 17:19

ფოტოები: ტოტენჰემმა მოურინიო წარადგინა

როგორც მოგეხსენებათ, ჟოზე მოურინიო ოფიციალურად "ტოტენჰემის" მთავარი მწვრთნელი გახდა.

გუშინ, 17:00

ყველა სიახლე

კვირის ტოპ 10