ჩემპიონთა ლიგაზე ვერ გასვლა "მანჩესტერ იუნაიტედის" ფინანსურ მდგომარეობაზე უარყოფითად ისახება.

Sky Sports-ის ინფორმაციით, "წიტელი ეშმაკების" სუფთა დავალიანება 163 მილიონი ევროთი გაიზარდა და ამჟამად 450 მილიონს შეადგენს. გარდა ამისა, გუნდი ვარაუდობს, რომ 2020 წელს წლიური შემოსავალი 734-დან 680 ან სულაც 650 მილიონ ევრომდე დაეცემა.

გარკვეულწილად, "მანჩესტერის" ასეთი ფინანსური მდგომარეობა გარკვეულწილად გუნდის ჩემპიონთა ლიგაზე ვერ მოხვედრას უკავშირდება. მაგალითად, ახლა გუნდი ტელეტრანსლაციების უფლებების გაყიდვიდან 39 მილიონს გამოიმუშავებს, რაც მთელი 23%-ით ნაკლებია გასული წლის მაჩვენებელზე.

შეგახსენებთ, რომ ასეთი ტემპებით "იუნაიტედი" ჩემპიონთა ლიგაზე ვერც მომდევნო სეზონში გავა, რადგან 12 ტურის შემდეგ მხოლოდ 16 ქულა აქვს და მეშვიდე პოზიციაზე იმყოფება, თუმცა ევროპა ლიგაზე თამაშობს და მისი მოგების შემთხვევაში შეუძლია ჩემპიონთა ლიგის საგზურის მოპოვება.