ბაიერნსა და სიტის საინტერესო გაცვლა ჩაეშალათ

როგორც მოგეხსენებათ, მიუნხენის "ბაიერნის" უნივერსალმა მცველმა, დავიდ ალაბამ "მანჩესტერ სიტიში" გადასვლა არ ისურვა.

Bild-ის თანახმად, ავსტრიის ნაკრების ლიდერის უარი რომ არა, "რეკორდმაისტერსა" და "ქალაქელებს" შორის საინტერესო ბარტერი შედგებოდა.

"წითლების" უკანახაზელი რომ გადასულიყო ხოსეპ გვარდიოლას გუნდში, საპირისპირო მიმართულებით წამოვიდოდა ლეროი სანე.

გერმანიის ნაკრების შემტევის "ბავარიაში" გადმობარგების სხვა გზა, ჯერჯერობით არ ჩანს. შეგახსენებთ, "ლურჯების" ვინგერით მადრიდის "რეალი" და "ბარსელონაც" ინტერესდება.