» იხილე განახლებული ვებ-გვერდი

როდესაც სათანადო ნდობა სასწაულებს ახდენს: იკერ კასილასი - 39!


როდესაც სათანადო ნდობა სასწაულებს ახდენს: იკერ კასილასი - 39!

თებერვლის მეორე ნახევარში, მადრიდის „რეალისა“ და ესპანეთის ნაკრების ლეგენდარულმა გოლკიპერმა, იკერ კასილასმა, ესპანეთის ფეხბურთის ფედერაციის საპრეზიდენტო არჩევნებში მონაწილეობა დაადასტურა. ფაქტობრივად, ეს იმას ნიშნავდა, რომ ფეხბურთელი, რომლის საფეხბურთო კარიერაშიც მხოლოდ ერთი ტრანსფერი იყო, თავისი მთავარი გადასვლისთვის ემზადება - სპორტსმენებიდან ფუნქციონერამდე. მის ცხოვრებაში იყო სიმდიდრეც და სიღარიბეც, სტაბილურობაც და შეცდომებიც, აბსოლუტური ნდობაც და მისი სრული არქონაც. მან იცის, თუ როგორია, როდესაც ერთი დღე გადიდებენ, მეორე დღეს კი შენი მოშორება უნდათ. თუმცა, რა როლიც არ უნდა მოერგო, ის მუდამ ადამიანად რჩებოდა. კასილასი პრესის პირველ გვერდებზე თავისი საქმით ხვდებოდა და არა სკანდალებით.

ოცნებისკენ სწრაფვა

იკერი 1981 წლის 20 მაისს, მოსტოლესეში დაიბადა - მადრიდის ცენტრიდან 18 კილომეტრში მდებარე ქალაქში. ფეხბურთი მას მამამ, ხოსე ლუისმა გააცნო, რომელიც პროფესიონალი ფეხბურთელი არ ყოფილა, მაგრამ ბილბაოში იყო დაბადებული და შესაბამისად, „ატლეტიკს“ ქომაგობდა. რამაც, შვილის ბასკური სახელი განაპირობა. თუმცა, ის საფეხბურთო სიმპატიების მხრივ მამის კვალს არ გაჰყვა და მადრიდის „რეალის“ მატჩებზე დასწრება დაიწყო და პარალელურად ოცნებობდა, რომ ამ გუნდის მაისურს ოდესმე თავადაც მოირგებდა.

თავის გულშემატკივრულ ინტერესს მამა ფსონების გაკეთებით ამძაფრებდა. სწორედ ამას უკავშირდება მათი ოჯახის ერთ-ერთი საინტერესო ისტორია. ერთხელ, ხოსე ლუისმა თავის შვილს პროგნოზის წაღება საბუკმეიკერო კომპანიაში სთხოვა. პატარა იკერმა ფურცელი წაიღო და მის ადგილამდე მიტანას დაგეგმილი საფეხბურთო მატჩის შემდეგ აპირებდა. თუმცა, ისე გაერთო, რომ მამის თხოვნა საერთოდ გადაავიწყდა. ბედის ირონიით, მამის ფსონმა გაამართლა და შესაძლო მოგებამ ევროვალუტაში დაახლოებით ერთი მილიონი შეადგინა. სასიამოვნი სიტუაცია ნამდვილად არ არის. თუმცა იკერს მისი „მილიონიანი შეცდომა“ აპატიეს. როგორც მომავალმა აჩვენა, ეს სწორი გადაწყვეტილება იყო, რადგან თავისი ნიჭითა და შრომით, მან ბევრად მეტი იშოვა. ამ დროს ჩნდება კითხვა: მის ოჯახს ამხელა ფული რომ მოეგო, ექნებოდა თუ არა კასილასს ისეთივე მოტივაცია, როგორიც სიღარიბეში ზრდის დროს ჰქონდა?

მამამ ოცნებისკენ მიმავალი გზა შვილს არ გადაუღობა. მომხდარის გამო „უფრო პერსპექტიული საქმით“ დაკავებაც არ აიძულა. პირიქით, ის შვილის სპორტულ წამოწყებას ყველანაირად მხარს უჭერდა. თუმცა, სახსრების ნაკლებობის გამო, სპორტული ეკიპირების შოვნა ზოგჯერ რთული იყო. ისეც ხდებოდა, რომ მამას მეორადების შეძენა უწევდა.

როცა იკერს რვა წელი შეუსრულდა, მისი სახლის სიახლოვეში მადრიდის „რეალი“ სპორტსკოლისთვის ბავშვების სინჯებს ატარებდა. მამამ ის იქ წაიყვანა და მწვრთნელებს ბიჭუნა ძალიან მოეწონათ. სკოლაში მოხვედრაში კი ხელი მხოლოდ იმან შეუშალა, რომ იკერი ძალიან პატარა იყო. ცხრა წლის შესრულებისთანავე, ის დაუფიქრებლად აიყვანეს.

როდესაც სათანადო ნდობა სასწაულებს ახდენს: იკერ კასილასი - 39!

დამსახურებული ნდობა

საუკუნის ბოლო ათწლეულის ბოლოს, კასილასს „რეალის“ საკლუბო სტრუქტურაში ყველა ასაკობრივი გუნდი ჰქონდა გავლილი. ის „კასტილიაშიც“ თამაშობდა („რეალის“ მეორე გუნდი) რომელსაც ვისენტე დელ ბოსკე წვრთნიდა, რომელსაც, პროფესიონალურ კარიერაში, იკერი კიდევ არაერთხელ გადაეყრება. უკვე მაშინ, მოგვიანებით „რეალის“ და ესპანეთის ნაკრების ცნობილი და წარმატებული მწვრთნელი, იკერს სრულ ნდობას უცხადებდა. პირველ გუნდში მოსვლისთანავე, მეკარემ თავის გამოჩენის შანსი საკმაოდ მალევე მიიღო.

როდესაც სათანადო ნდობა სასწაულებს ახდენს: იკერ კასილასი - 39!

მიუხედავად იმისა, რომ კასილასი 1997 წელს, „რუსენბორგთან“ გასვლითი მატჩის განაცხადში მოხვდა, მოედანზე გასვლის შანსი არ მიუღია. მაგრამ, მაშინ ჯერ კიდევ სკოლის მოსწავლე იკერისთვის ეს დაუვიწყარი ემოციები იყო. რეალური დებიუტი კი 1999 წლის 12 სექტემბერს შედგა. ძალიან სიმბოლურია, რომ ეს მამამისის საყვარელი გუნდის, ბილბაოს „ატლეტიკის“ წინააღმდეგ მოხდა.

ახალგაზრდა გოლკიპერს ჩემპიონთა ლიგის მატჩებზეც მიეცა შანსები და მან „ვალენსიასთან“ ფინალურ დაპირისპირებაც სასტარტოდან დაიწყო. ასეთ პასუხისმგებლობას, ჯერ კიდევ ძალიან გამოუცდელი იკერი შეიძლებოდა ფსიქოლოგიურად გაეტეხა. მაგრამ არა! მან კარი მშრალად შეინახა და 19 წლის ასაკში, ჩემპიონთა ლიგის ისტორიაში ყველაზე ახალგაზრდა ჩემპიონი გახდა. შემდეგ სეზონში კი, მადრიდის „რეალმა" ესპანეთის ჩემპიონობა მოიპოვა.

კასილასის საქმეები უბრალოდ ჩინებულად მიდიოდა. ასეთ მცირეწლოვან ასაკში, იცავ შენი საყვარელი, მსოფლიოს ერთ-ერთი საუკეთესო გუნდის ღირსებას - მეტი რაზე უნდა იოცნებო? მაგრამ 2001/2002-წლების სეზონში ის ყოველთვის ძირითადის წევრი არ ყოფილა. დელ ბოსკე ხშირად გუნდის უფრო გამოცდილ მეკარეს, სესარ სანჩესს ენდობოდა, რომელიც „ბაიერ ლევერკუზენთან“ ჩემპიონთა ლიგის ფინალშიც სასტარტოში მოხვდა.

მეორე ტაიმში სესარმა ტრავმა მიიღო, იკერმა კიდევ ერთი შანსი მიიღო და უსაქმოდაც არ დარჩა. პარალელურად ჩემპიონატისა და თასის წაგების შემდეგ, ფარმაცევტები ჩემპიონთა ლიგის ფინალში ანგარიშის გასათანაბრებლად გაიქცნენ. ამ ტიტულის დათმობაც მათ გეგმებში ნამდვილად არ შედიოდა. თუმცა, კასილასმა რამდენიმე წარმოუდგენელი სეივი განახორციელა და გერმანელებს ანგარიშის გათანაბრების შანსი არ მისცა, რომლებსაც შემდეგ საწყენი მეტსახელი, „ნევერკუზენი“ დაერქვათ.

როდესაც სათანადო ნდობა სასწაულებს ახდენს: იკერ კასილასი - 39!

უკვე ერთ თვეში, ძირითადი მეკარის ტრავმამ კასილასს მსოფლიო ჩემპიონატზე ესპანეთის ნაკრების კარის დაცვის საშუალება მისცა. თანაც, შემთხვევა საკმაოდ კურიოზული იყო. იმდროისთვის, ნაკრების ულაპარაკო პირველმა ნომერმა, სანტიაგო კანისარესმა, ფეხი საშხაპეში გაიჭრა. კასილასმა კარგი ტურნირი ჩაატარა და რამდენიმე დასამახსოვრებელი სეივიც შემოგვთავაზა, ირლანდიასთან მატჩისშემდგომ პენალტების სერიაში კი ორი მოგერიებული პენალტი კარგი ბონუსი აღმოჩნდა.

ნელ-ნელა, გუნდში კასილასის ავტორიტეტი იზრდებოდა. შემდეგ სეზონში, „რეალი“ კვლავ ლა ლიგის ჩემპიონი გახდა, ჩემპიონთა ლიგაზე კი ნახევარფინალში, „იუვენტუსთან“ გამოვარდა. შემდეგ, კლუბის ცხოვრებაში რთული დრო დადგა. წარუმატებლობები ევროტურნირებზე და შიდა ასპარეზზე, მწვრთნელების მუდმივი ცვლა და არეულობა. უცვლელი მხოლოდ ერთი რამ იყო - ძირითად შემადგენლობაში მოთამაშე იკერ კასილასი.

მაშინ, იკერმა პირველად გაუგო გემო მადრიდული პუბლიკის მადლიერების ნაკლებობას. მისმა მეგობარმა გოგონამ, ევა გონსალვესმა, ქალთა ჰიგიენის მწარმოებელ კომპანიასთან სარეკლამო შეთანხმება გააფორმა, რაც, შემდგომში, იკერზე დაცინვის საგანი გახდა, რომელმაც ყველანაირ ზღვარს გადააჭარბა. წარუმატებელი თამაშის შემთხვევაში, მეკარეს ხსენებულ პროდუქციას მოედანზევე ესროდნენ და გუნდის თამაშით უკმაყოფილების გამო ჯოხს იკერზე ამტვრევდნენ. ოთხწლიანი ურთიერთობის შემდეგ, წყვილი დაშორდა.

როდესაც სათანადო ნდობა სასწაულებს ახდენს: იკერ კასილასი - 39!

2006/07-წლების სეზონში, „რეალმა“ ლა ლიგის ტიტული დაიბრუნა და ერთი წლის შემდეგ, მიღწევა გაიმეორა. ამ ორივე ჯილდოში იკერი მნიშვნელოვან როლს ასრულებდა. სიმაღლის უკმარისობას კასილასი წარმოუდგენელი პრასტიურობით, ნახტომებით, რეაქციითა და ტექნიკით კომპენსირებდა. იმდროისთვის მან თავისი საუკეთესო თვისებები პრაქტიკულად სრულყოფილებამდე აიყვანა და მსოფლიოს ერთ-ერთ საუკეთესოდაც მოიაზრებოდა.

კაპიტანი

2008 წლის ზაფხულში, ლუის არაგონესმა ნაკრების კაპიტნის სამკლაური სწორედ კასილასს ანდო. შემადგენლობაში, რომელიც ესპანეთის ისტორიაში ერთ-ერთ უძლიერესად მოიაზრებოდა. თუმცა, იკერმა ნდობა სრულიად გაამართლა და პლეი-ოფში არც ერთი გოლი არ გაუშვია. ბონუსად მოდის თერთმეტმეტრიანების სერიაში, იტალიასთან მოგებული ორი პენალტი, რომელიც იმდროისთვის მოქმედი მსოფლიო ჩემპიონი იყო.

როდესაც სათანადო ნდობა სასწაულებს ახდენს: იკერ კასილასი - 39!

ის წარმატება ინდივიდუალურ აღიარებაზეც აისახა. 2008 წლის შედეგად, ოქროს ბურთის გამოკითხვაში იკერმა მეოთხე ადგილი დაიკავა. ამას მოყვა ყველანაირ სიმბოლურ ნაკრებში მოხვედრა და რა თქმა უნდა, საუკეთესოდ აღიარებაც.

მაგრამ, საკლუბო საქმეები იდეალურად ნამდვილად არ იყო. ფლორენტინო პერესი მეორე გალაქტიკოსის იდეით დაბრუნდა და კვლავ ვარსკვლავების შეძენას შეუდგა. მაგრამ, პირველ სეზონებში ეს დალაგებულ მექანიზმს არანაირად არ ჰგავდა. გუნდი დიდი ხნის მანძილზე პეპ გვარდიოლას „ბარსელონას“ ჩრდილში რჩებოდა, რომელიც ეროვნულ ნაკრებში უფრო და უფრო მეტ ფეხბურთელს აგზავნიდა, მაგრამ იკერი კვლავ უცვლელ პირველ ნომრად რჩებოდა.

„რეალი“ ჩემპიონთა ლიგის მერვედფინალიდან გავარდნებს აგრძელებდა, რაც ზედიზედ ექვსჯერ მოხდა. იკერი ყველაფერს აკეთებდა, რაც შეეძლო, მაგრამ ის კოლექტივი უმაღლესი მწვერვალებისთვის უბრალოდ ვერ იბრძოდა.

როდესაც სათანადო ნდობა სასწაულებს ახდენს: იკერ კასილასი - 39!

ნაკრებიდან არაგონესის წასვლის შემდეგ, კასილასის მწვრთნელი კვლავ დელ ბოსკე გახდა, რომელთან ერთადაც ესპანეთის ნაკრები 2009 წლის კონფედერაციათა თასზე გაეშურა, სადაც იკერმა თავისი ცხოვრების ერთ-ერთი უმნიშვნელოვანესი ადამიანი გაიცნო.

წაგებული ნახევარფინალის შემდეგ, ერთ-ერთი ესპანური გამოცემის ჟურნალისტი, სარა კარბონერო, მეკარეს უსიამოვნო შეკითხვებს უსვამდა. კასილასმა ეს ვერ აიტანა და ისე წავიდა, რომ კითხვა ბოლომდე არც მოისმინა. მოგვიანებით, მან სარასთან დანაშაულის გამოსყიდვა სცადა და ყვავილები გაუგზავნა, რომელმაც ბოდიში არ მიიღო. მაგრამ იკერი არ ჩერდებოდა და ყვავილებს ისევ და ისევ უგზავნიდა. საბოლოოდ, სარამ არა თუ აპატია, მეტიც, მათ შორის სასიყვარულო ისტორია დაიწყო.

ერთი წლის შემდეგ, მუნდიალზე, კასილასი ბუნებრივია პირველი ნომერი იყო და პლეი-ოფის სტადიაზე გოლი კვლავ არ გაუშვია. თუმცა, ამჯერად, ეს დაცვისა და ნახევარდაცვის დამსახურება უფრო იყო. იკერმა კი პარაგვაისთან მატჩში პენალტი მოიგერია.

ასეა თუ ისე, ამ ნაქებმა დაცვამაც დაუშვა უპატიებელი შეცდომა ნიდერლანდებთან ფინალურ შეხვედრაში და რობენი, ნახევარი მოედნის დაფარვის შემდეგ, იკერთან ერთი-ერთზე გავიდა. რომ არა ეს სეივი, ვინ ილაპარაკებდა ახლა ესპანეთზე, როგორც 2008-2012 წლების დომინანტ ნაკრებზე?

როდესაც სათანადო ნდობა სასწაულებს ახდენს: იკერ კასილასი - 39!

იმ საღამოს, იკერმა ბოლო დაუპყრობელი მთაც დაიპყრო და ლეგენდა ჯერ კიდევ მაშინ გახდა. მატჩისშემდგომ ინტერვიუში გოლკიპერმა ჟურნალისტ სარას აკოცა, რომელსაც ჯერ კიდევ ერთი წლის წინ, კითხვის მოსმენის გარეშე გაურბოდა. ბუნებრივია, ამ კადრებმა მეორე დღეს მთელი მსოფლიო მოიცვა. რა გასაკვირია, რადგან იკერს ყვითელი პრესისთვის სალაპარაკო არასდროს მიუცია, აქ კი ასეთი სენსაცია გამოხტა.

როდესაც სათანადო ნდობა სასწაულებს ახდენს: იკერ კასილასი - 39!

ამ დროს, „რეალში“ ჟოზე მოურინიოს პერიოდი იწყებოდა, რომელთან ერთადაც კასილასი შესანიშნავი თამაშის ჩვენებას აგრძელებდა და უკვე მეორე სეზონში, გუნდმა ლა ლიგის ტიტული დაიბრუნა. ყველაფერი კარგად მიდიოდა, შედეგები უმჯობესდებოდა. მაგრამ ვინ იფიქრებდა, რით შეუტრიალებოდა ეს ყველაფერი იკერს.

განსაკუთრებით, წარმატებული ევრო-2020-ს შემდეგ. იქ კასილასმა ნაკრებთან ერთად კიდევ ერთი ჯილდო მოიპოვა. ალბათ, ეს იყო ესპანელთა პიკი, რომლებმაც ყველა ოპონენტს უბრალოდ გადაუარეს და ფინალში იტალიის ნაკრებისგან ქვა-ქვაზე არ დატოვეს (4-0). იმავე წელს, კასილასი მსოფლიოს საუკეთესო მეკარედ ზედიზედ მეხუთედ დაასახელეს.

გარიყული

მისი წარმატებები ჟოზეს დიდად არ აინტერესებდა. წლის ბოლოს, მათ შორის კონფლიქტი აფეთქდა. თეთრების კარს ხან ადანი იცავდა, ხან დიეგო ლოპესი, მაგრამ არა კასილასი. ალვარო არბელოამ შემთხვევით იკერს ხელი მოტეხა, რის გამოც გუნდმა თავისი აღზრდილი ლოპესი დაიბრუნა და იკერი ღრმა თადარიგში დაჯდა. ხალხი მოურინიოს შეშლილს ეძახდა, რადგან ასეთი რამ კასილასისთვის არავის გაუბედავს. პორტუგალიელი კი მეკარეს გუნდის შიდა სამზარეულოს ამბების გარეთ გატანაში ადანაშაულებდა.

როდესაც სათანადო ნდობა სასწაულებს ახდენს: იკერ კასილასი - 39!

სიტუაცია ანჩელოტისთან ერთად გაუმჯობესდა, რომელიც „რეალის“ გადასარჩენად იმ დროს დაპატიჟეს, როცა თითქოს, ყველაფერი უკვე ჩაძირვის პირას იყო. იკერს დრო თასსა და ჩემპიონთა ლიგაზე ეძლეოდა, ლოპესი კი ჩემპიონატში იდგა. „რეალმა“ იმ სეზონში მოიგო სწორედ ის ორი ჯილდო, რომელშიც კარს ლეგენდარული კიპერი იცავდა. თუმცა, უნდობლობა უკვალოდ არ გამქრალა. უკვე შემდეგ სეზონში, კასილასმა სასტარტო შემადგენლობაში ადგილი დაიბრუნა, მაგრამ უკვე ის იკერი ნამდვილად აღარ იყო, როგორიც ყველას გვახსოვდა. მისმა შეცდომებმა იმატა, გაქრა ის თავდაჯერებულობა, რომელიც ურთულეს სიტუაციებში სწორი გადაწყვეტილებების მიღებაში ეხმარებოდა. გულშემატკივართა და პრესის ზეწოლა კი, გაიზარდა.

პერესიც, რა თქმა უნდა, ამ ყველაფერს აყვა და იკერისგან უბრალოდ გათავისუფლდა ისე, რომ წესივრად არც დაემშვიდობა. დამშვიდობების პირველ დღეს იკერი უბრალოდ პრესკონფერენციაზე გამოცხადდა, სადაც წასვლა დააანონსა და ცრემლები ვერ შეიკავა, მეორე დღეს კი, შეცდომის გაანალიზების შემდეგ, პერესმა სიტუაციის გამოსწორება სცადა და კასილასს „ბერნაბეუზე“ რაღაც ცერემონიის მსგავსი დაუდგა, სადაც მეკარემ თავის მშობლიურ სტადიონზე ფეხის უკანასკნელად დადგმა მოახერხა და შეგროვილ პუბლიკას ხელი დაუქნია.

როდესაც სათანადო ნდობა სასწაულებს ახდენს: იკერ კასილასი - 39!

სრულიად შესაძლებელია, რომ საჭირო ნდობით, ის კვლავ დაიბრუნებდა თავის საუკეთესო დონეს, რომელსაც მომდევნო რამდენიმე სეზონშიც შეინარჩუნებდა. მაგრამ, ასეთმა დამოკიდებულებამ, მეკარე საბოლოოდ გატეხა. იკერი გადავიდა „პორტუში“, სადაც თბილად მიიღეს. თუმცა, იქაც იყო წარმოუდგენელი შეცდომები და პარალელურად, კარგი სეივები. თუმცა, ის სიტყვა „სტაბილურობის“ განსახიერება აღარ იყო და კურიოზულ გოლებსაც უშვებდა.

თუმცა, ესეც საკმარისი იყო იმისთვის, რომ პორტუგალიის ჩემპიონატისთვის ის ულაპარაკო ტოპ-მეკარე გამხდარიყო. „პორტუსთან“ ერთად ლეგენდამ თავისი მორიგი ქვეყნის ჩემპიონობა იზეიმა და მე-1000 მატჩი ჩაატარა. კასილასს ძალაც ჰქონდა, სურვილიც და მოტივაციაც, რომ თავისი თამაშით გულშემატკივრები კიდევ დიდხანს გაეგხარებინა, მაგრამ საქმეში გასული წლის მაისში, ვარჯიშზე მიღებული გულის შეტევა ჩაერია. იმავე თვეში, მის მეუღლეს სიმსივნე დაუდგინდა.

როდესაც სათანადო ნდობა სასწაულებს ახდენს: იკერ კასილასი - 39!

ულაპარაკოდ, ეს იკერის ცხოვრებაში ყველაზე ბნელი თვე იყო. საბედნიეროდ, ორი ბავშვის ორივე მშობელი თავის პრობლემებს გაუმკლავდა და რაც მთავარია, უკან მოიტოვა. ეს კი, რასაკვირველია, ყველანაირ ინდივიდუალურ და გუნდურ ჯილდოზე მაღლა დგას, რადგან იკერი, პირველ რიგში კარგი ადამიანია, რომელსაც პატივს კატალონიელი პრინციპული მეტოქეებიც სცემდნენ.

უდიდესი მხარდაჭერა ათასობით ადამიანისგან, ვიქტორ ვალდესის გულისამაჩუყებელი წერილი (რომელსაც, ნაკრებში შანსი სწორედ იკერის გამო არ ეძლეოდა), პროსპეტქი მოსტოლესეში, რომელსაც სახელი მის საპატივცემლოდ გადაერქვა, მხოლოდ იკერის სპორტული მიღწევებით არ იყო მოპოვებული. მან ფუნქციონერის გზა ტყუილად არ აირჩია. ჭკვიანური გადაწყვეტილებების მიღება იკერს ძალიან კარგად გამოსდის, რადგან ნამდვილი კაპიტნის და პროფესიონალის ნიჭი დაბადებიდან აქვს.

ფეხბურთის ანგარიშები იხილეთ აქ - LIVESCORE

მანჩესტერ სიტი - ლივერპული: პეპის შეგირდები ჩემპიონს უმასპინძლებენ

პეპ გვარდიოლას შეგირდები საკუთარ კედლებში იურგენ კლოპის კოლექტივს მიიღებენ.

დღეს, 09:56

მილანის ბრწყინვალე სტატისტიკა გუშინდელ მატჩში - პირველად 7 წლის შემდეგ

იტალიის ჩემპიონატის გასულ ტურში "მილანი" სტუმრად "სპალს" დაუპირისპირდა და ფრედ 2:2 ითამაშა.

დღეს, 03:32

კლუბის ვიცე-პრეზიდენტი: "ლეო მესის ჩვენთან გადმოსვლა შესაძლებელია"

"ნიუელ ოლდ ბოისის" ვიცე-პრეზიდენტი აცხადებს, რომ ლეო მესის იქ გადასვლა შეუძლებელი არაა.

დღეს, 03:28

მოხუცთა გუნდი: როგორი იქნება ბარსელონას შემადგენლობა შემდეგ სეზონში?

ოფიციალურად დადასტურდა, რომ მომავალი სეზონიდან მირალემ პიანიჩი "ბარსელონაში" ითამაშებს.

დღეს, 03:22

გვარდიოლა სანჩოზე: "ის გუნდიდან თავად წავიდა და ახლა დაბრუნება მოუნდება?"

მას შემდეგ, რაც ლეროი სანემ გუნდი დატოვა, სანჩოს "მანჩესტერ სიტიში" დაბრუნებაზე ბევრი იწერება.

დღეს, 03:18

სამაგალითო მუშაობა: როგორი იყო კლოპის გუნდი როცა ლივერპულში მივიდა და როგორია ახლა?

2015 წელს, "ლივერპულის" მთავარი მწვრთნელის პოსტზე იურგენ კლოპი დაინიშნა, რომელიც გულშემატკივარს დაპირდა, რომ რამდენიმე წელში პრემიერ ლიგას მოიგებდა და პირობა შეასრულა.

დღეს, 03:15

მილანი კვლავ დაუმარცხებელია - როსონერი წაგებას 94-ე წუთზე გადაურჩა [VIDEO]

იტალიის ჩემპიონატში გამართული მატჩი "სპალსა" და "მილანს" შორის ფრედ 2:2 დასრულდა.

დღეს, 01:46

ვილიანმა სესკ ფაბრეგასის რეკორდი გაიმეორა

პრემიერ ლიგის გასულ ტურში "ჩელსი" "ვესტ ჰემს" დაუპირისპირდა და ფრედ 2:2 ითამაშა.

დღეს, 01:14

წარუმატებელი დებიუტი ახალი მაისურით - ჩელსიმ ბოლო წუთზე წააგო [VIDEO]

ინგლისის პრემიერ ლიგაში გაიმართა საინტერესო და უხვგოლიანი მატჩი "ვესტ ჰემსა" და "ჩელსის" შორის.

დღეს, 01:10

ბარსელონას ყოფილი ფეხბურთელი სეტიენზე: "ასეთი არაკომპეტენტური მწვრთნელი არ მინახავს"

"ბარსელონამ" ლა ლიგის გასულ ტურში ქულები კვლავ დაკარგა და საჩემპიონო შანსები საგრძნობლად შეიმცირა.

დღეს, 01:05

რატომ არ არის აზარი განაცხადში? - ზიდანი კომენტარს აკეთებს

დღეს, ესპანეთის ჩემპიონატის მორიგ მატჩს მადრიდის "რეალი" "ხეტაფეს" წინააღმდეგ გამართავს.

დღეს, 01:02

გვარდიოლა: "ვგიჟდები კლოპის სამწვრთნელო მეთოდებსა და ტაქტიკაზე"

"მანჩესტერ სიტის" მთავარმა მწვრთნელმა, ხოსეპ გვარდიოლამ ისაუბრა თავისი გამორჩეული კოლეგის, იურგენ კლოპის შესახებ:

დღეს, 00:15

ცოტა ხნის წინ, ოთარ კიტეიშვილმა ზალცბურგს გაუტანა [VIDEO]

ცოტა ხნის წინ, ოთარ კიტეიშვილმა ზალცბურგს გაუტანა

დღეს, 00:09

კვლავ აზარის გარეშე - ბელგიელი ხეტაფესთან მატჩს გამოტოვებს

მადრიდის "რეალის" ოფიციალურმა ტვიტერმა დაადასტურა, რომ ედენ აზარი გუნდის უახლოეს შეხვედრას გამოტოვებს.

დღეს, 00:06

ობამეიანგმა ანრი ჩამოიტოვა და არსენალში ახალი რეკორდი დაამყარა

როგორც მოგეხსენებათ, ლონდონის "არსენალისა" და "ნორვიჩ სიტის" შეხვედრაში დუბლი პიერ-ემერიკ ობამეიანგმა გაიფორმა.

გუშინ, 23:54

ინტერმა სერია ა-ს აუტსაიდერი არ დაინდო - 6:0 მეაცაზე [VIDEO]

სერია ა-ს 29-ე ტურის ფარგლებში მილანის "ინტერმა" შინაურ კედლებში მიიღო ჩემპიონატის აშკარა აუტსაიდერი - "ბრეშია".

გუშინ, 23:36

ოფიციალურად: მანჩესტერმა სანჩესისა და სმოლინგის თაობაზე საბოლოო გადაწყვეტილება მიიღო

"მანჩესტერ იუნაიტედის" ოფიციალურმა ვებ-გვერდმა განაცხადა, რომ კლუბმა ალექსის სანჩესისა და კრის სმოლინგის თაობაზე

გუშინ, 23:25

არსენალმა შინაურ კედლებში ნორვიჩი გაანადგურა [VIDEO]

პრემიერ ლიგის 32-ე ტურში ლონდონის "არსენალმა" საკუთარ კედლებში მიიღო ჩემპიონატის აუტსაიდერი, "ნორვიჩ სიტი".

გუშინ, 23:11

კომანს პრემიერ ლიგიდან სერიოზული მსურველი გამოუჩნდა

"ბაიერნის" გარემარბმა, კინგსლი კომანმა კარიერა შეიძლება ინგლისში გააგრძელოს.

გუშინ, 21:36

ბარსელონაში სეტიენის პოტენციური შემცვლელი უკვე შეარჩიეს

"ბარსელონას" მთავარი მწვრთნელი, კიკე სეტიენი შესაძლოა დაკავებული თანამდებობიდან გაუშვან.

გუშინ, 21:32

"ყველაფერი შეთანხმებული იყო", - კარლოსი ჩელსიში ჩაშლილ ტრანსფერს იხსენებს

ბრაზილიის ნაკრების ექს-მცველმა, რობერტო კარლოსმა განაცხადა, რომ 2007 წელს "ჩელსიში" გადასვლა შეეძლო.

გუშინ, 21:25

ლივერპული ნაპოლის საინტერესო შეთავაზებას უმზადებს

"ნაპოლის" მცველი, კალიდუ კულიბალი შესაძლოა "ლივერპულში" გადავიდეს.

გუშინ, 21:06

უეფას ექიმი უარზეა - საქართველო-ბელარუსის მატჩი უმაყურებლოდ?

მოგეხსენებათ, საქართველოსა და ბელარუსის ნაკრებების მატჩი ამ წლის 8 ოქტომბერს გაიმართება.

გუშინ, 19:58

3 ქართველი მოედანზე და უგოლო ფრე

რუსეთის ჩემპიონატის 25-ე ტურში ერთმანეთს "უფა" და ყაზანის "რუბინი" დაუპირისპირდნენ.

გუშინ, 19:48

"უბრალოდ მგზავრი ხარ", - სეტიენს გრიზმანიც მამამაც უპასუხა, ბარსაში არეულობა გრძელდება

„ბარსელონას" შემტევის, ანტუან გრიზმანის მამამ, ალენ გრიზმანმა, გუნდის მთავარ მწვრთნელზე, კიკე სეტიენზე უხეშად ილაპარაკა.

გუშინ, 17:12

"სანე ბაიერნში მიდის", - გვარდიოლამ გერმანელის წასვლა დაადასტურა

„მანჩესტერ სიტის“ მთავარი მწვრთნელი, ხოსეპ გვარდიოლა, ლეროი სანეს „ბაიერნში“ შესაძლო გადასვლას გამოეხმაურა.

გუშინ, 17:03

VIDEO: ბრაზილიელმა ფეხბურთელმა ყოფილ მეუღლესთან შუა ქუჩაში იჩხუბა

ბრაზილიელ ფეხბურთელს, დუდუს, რომელიც ამჟამად „პალმეირასში" თამაშობს, ყოფილი მეუღლე ძალადობის გამო სასამართლოში უჩივის.

გუშინ, 16:59

Three UK - რისი კომპანია გახდა ჩელსის ახალი სპონსორი?

ლონდონის „ჩელსის“ 2020/21-წლების ფორმას ახალი სპონსორი ეყოლება.

გუშინ, 16:53

VIDEO: დორტმუნდის ბორუსიამ ახალი ფორმა წარადგინა

დორტმუნდის „ბორუსიამ" მომდევნო სეზონისთვის გუნდის ახალი ფორმა წარმოადგინა.

გუშინ, 16:48

მემფის დეპაი შესაძლოა პრემიერ ლიგაში დაბრუნდეს

„ლიონის" ფორვარდმა, მემფის დეპაიმ, კარიერა შეიძლება ინგლისის პრემიერ ლიგაში გააგრძელოს.

გუშინ, 16:44
i

ყველა სიახლე

კვირის ტოპ 10