ავტორიზაცია
კლოპი: "არ ვფიქრობ, რომ გომესი და რობენი სათადარიგოთა სკამზე ჯდომას შეეგუებიან"
დორტმუნდის "ბორუსიას" მთავარმა მწვრთნელმა გუნდის ბომბარდირის რობერტ ლევანდოვსკის შესაძლო წასვლაზე დასმულ კითხვას ორიგინალურად უპასუხა.
პრესა უკვე დიდი ხანია, რაც პოლონელის შესაძლო წასვლაზე ავრცელებს ინფორმაციებს, მისი ახალი სამუშაო ადგილი კი შესაძლებელია "ბაიერნი" გახდეს. იურგენ კლოპმა აღნიშნა, რომ ასეთ შემთხვევაში მიუნხენელებს დიდი პრობლემები შეექმნებათ, რადგან თამაშგარეში დარჩებიან არიენ რობენი და მარიო გომესი, რომლებსაც შეტევის ხაზში კიდევ ერთი კონკურენტი გამოუჩნდებათ.
"მე უფრო მეტს ვიფიქრებდი იმაზე, თუ სად ითამაშებდნენ გომესი და რობენი მომდევნო სეზონიდან. არ ვფიქრობ, რომ ისინი სათადარიგოთა სკამზე ჯდომას კიდევ ერთი სეზონით შეეგუონ. შესაძლებელია, ეს თემა უფრო აქტუალურია, ჩვენ კი მუდამ ლევანდოვსკის ტრანსფერზე ვმსჯელობთ",-დაასრულა სპეციალისტმა.
წყარო: Goal.com
