» იხილე განახლებული ვებ-გვერდი

რეალში გადასვლის მთავარი მიზეზი, ხელიდან გავარდნილი თასი, მწვრთნელები - [გული, ხასიათი, ვნება: ნაწილი 3]


რეალში გადასვლის მთავარი მიზეზი, ხელიდან გავარდნილი თასი, მწვრთნელები -  [გული, ხასიათი, ვნება: ნაწილი 3]

დღეიდან, GOAL.GE-ზე მადრიდის "რეალის" ლეგენდის, სერხიო რამოსის ავტობიოგრაფიული წიგნიდან ამონადირების წაკითხვა შეგეძლებათ.

წიგნი 2013 წელს გამოვიდა სახელწოდებით "სერხიო რამოსი: გული, ხასიათი, ვნება." მისი ავტორი ენრიკე ორტეგოა. ეს მწერალი ისეთ ფეხბურთელებს ეხმარებოდა ავტობიოგრაფიების დაწერაში, როგორიცაა კრიშტიანუ რონალდუ, იკერ კასილასი, ზინედინ ზიდანი, რაული, ალფრედო დი სტეფანო. ახლა კი, სერხიო რამოსის ჯერი დადგა...

პირველი ორი ნაწილი იხილეთ აქ:

სერხიო რამოსი: გული, ხასიათი, ვნება [ნაწილი 1]

სერხიო რამოსი: გული, ხასიათი, ვნება [ნაწილი 2]

საჩემპიონო გრძნობები

„მადრიდში“ ჩემი გადმოსვლის ერთ-ერთი მთავარი მიზეზი გამარჯვებების უდიდესი სურვილი იყო. ახლაც, როდესაც თეთრი მაისურით 9 სრული სეზონის ჩატარება მოვასწარი, ხშირად ვიხსენებ ჩვენს მიერ პირველ მოგებულ ლა ლიგას, რომელიც ფაბიო კაპელოსთან ერთად ვიზეიმეთ. ეს გამარჯვება სხვებს არ ჰგავდა და მართალია, რომ იმ წარმატებას ახლაც ხშირად ვიხსენებთ. საქმე ისაა, რომ ფეხბურთი უფრო მკაცრ ადამიანად გხდის. იმას ვერ იტყვი, რომ მის გამო ნაკლებად მგრძნობიარე ან უფრო ნაკლებად ჰუმანური ხდები, მაგრამ ფეხბურთი უძლიერეს დარტყმას გაყენებს, ისევე, როგორც ზოგადად ცხოვრება.

„მალიორკასთან" გამარჯვების შემდეგ, ოჯახთან ერთად გატარებული დრო დაუვიწყარი იყო. დედის მშობლები, რეიესი და ხუანი მაშინ "ბერნაბეუზე" იყვნენ, მათ იმ დღის ფოტოც შემორჩათ. მაშინ, „სარაგოსას” წინააღმდეგ გამართული მატჩი გამოდგა გადამწყვეტი, ბოლოს წინა ტურში. ძალიან ბედნიერი ვიყავი, როდესაც პარალელურ შეხვედრაში ტამუდომ „ბარსელონას" გოლი გაუტანა და ჩვენი მატჩის მსგავსად, იქაც ფრე დაფიქსირდა. ჩვენმა პრეზიდენტმა, რამონ კალდერონმა, ბოლო მატჩის წინ სტადიონს მთლიანად წრე დაარტყა. სიმართლე გითხრათ, მსგავსი ტიპის ცრურწმენები არ მიყვარს. ბოლო შეხვედრაში "მალიორკამ" ანგარიში ვარელას გოლით გახსნა, რომელიც იქამდე „ბეტისში" თამაშით იყო ცნობილი. ძალიან ცუდის მოლოდინში ვიყავი. მაგრამ, ხოსე ანტონიო რეიესმა ანგარიში გაათანაბრა, დიარამ თავური დარტყმით წინ გაგვიყვანა და შემდეგ, რეიესმა დუბლით წერტილი დასვა.

შემდეგ წელს ჩემპიონობა კვლავ ვიზეიმეთ, უკვე ბერნდ შუსტერთან ერთად. შეხვედრა პამპლონაში, რომლის დასრულების შემდეგაც ჩემპიონები ოფიციალურად გავხდით, ინფარქტული იყო. შეტევა მე წამოვიწყე, გადავაწოდე ბურთი დიარას, რომელმაც იგუაინი მოძებნა, პიპიტამ კი საჩემპიონო გოლი შეაგდო. მაშინ, კოკისპირულად წვიმდა.

რეალში გადასვლის მთავარი მიზეზი, ხელიდან გავარდნილი თასი, მწვრთნელები -  [გული, ხასიათი, ვნება: ნაწილი 3]

ჩემზე უდიდესი შთაბეჭდილება სიბელესზე ვიზიტებმა მოახდინა. ბოლოს იქ სულ ახლახანს ვიყავი, როდესაც ლა ლიგის მოგებას აღვნიშნავდით. ვხედავდი, თუ რამდენი მადრიდისტა იყო ქალაქში გამოსული და გვერდში გვედგა, ამ სიხარულს იზიარებდა. მათი ხილვა ალკალსა და პრადოს მუზეუმის წინ ძალიან სასიამოვნო იყო. გულშემატკივრები ამ სიხარულს აღნიშნავენ, შენ კი, ავტობუსზე ასვლა და მათთან ერთად ზეიმი უდიდეს სიხარულს განიჭებს.

იმ დღეს ჩვენ გამარჯვებას განსაკუთრებულად აღვნიშნავდით, რადგან ჩემპიონობასთან ერთად, არაერთი რეკორდის დამყარება მოვახერხეთ. ეს ტრიუმფი ორი ლა ლიგის მოგების ტოლფასი იყო. მსგავსი სიტუაცია იყო პელეგრინის მწვრთნელობის დროსაც. 96 ქულა დავაგროვეთ, მაგრამ მეორე ადგილზე გავედით. ეს კლუბი მუდამ გამარჯვებასაა მიჩვეული, მაგრამ დარწმუნებული ვარ, რომ პელეგრინიმ დიდი სამუშაო გასწია. მისით აღფრთოვანებული ვარ. ის დიადი ადამიანია.

ცხადია, სამეფო თასზე გამარჯვებაც მახსოვს, როდესაც "ჩამომეძინა" და თასი ხელიდან გამივარდა. ეს უკვე ისტორიის ნაწილია. ჩვენ სიბელესზე ჩავედით და მე პირველი ვიყავი, ვინც ავტობუსის სახურავზე, თასით ხელში იჯდა. ავტობუსმა ცოტა დაამუხრუჭა და უკან დაიხია. მე უკან გადავდგი ნაბიჯი, რათა წონასწორობა არ დამეკარგა. თუმცა, თავი ვერ გავაკონტროლე და თასიც გამივარდა. ის ძალიან მძიმე იყო, დაახლოებით 20 კილოგრამი.

მართალია, რომ ამ ინციდენტის შემდეგ, ჩემი თანაგუნდელები, რაიმე მძიმეს ხელში დაჭერის უფლებას არ მაძლევდნენ. შემდეგ მოურინიომ მკითხა, რა მოხდა და როდესაც მოვუყევი, ამიხსნა, რომ ამ ტურნირზე გამარჯვებაა მთავარი და თასის ვარდნით არაფერი წყდება. საბედნიეროდ, იდენტური თასი უკვე დამზადებული იყო და მეორე დღეს ის წამოვიღეთ.

სამი ბრძენი ადამიანი

ყველა მწვრთნელისგან, რომელთანაც ოდესმე მიმუშავია, ვცდილობდი რაიმე ახალი მესწავლა. მაგრამ არის სამი ადამიანი, რომელთა ღვაწლიც ჩემს კარიერაზე შეუფასებელია: ხოაკინ კაპაროსი, რომელმაც აღმომაჩინა, ლუის არაგონესი, რომლის დროსაც შედგა ჩემი დებიუტი ეროვნულ ნაკრებში და ვისენტე დელ ბოსკე, რომელსაც ჩემი მუდამ სწამდა და სულ მნიშვნელოვან ფეხბურთელად მთვლიდა.

თუმცა, უსამართლობა იქნებოდა პაბლო ბლანკოს, „სევილიას" სპორტული დირექტორის დავიწყება, რომელმაც პირველად შემნიშნა, როდესაც სულ რაღაც 8 წლის ვიყავი. ის ჩემი მწვრთნელი არასდროს ყოფილა. საინტერესოა, რომ პაბლო დღემდე იკავებს ამ თანამდებობას ანდალუსიურ კლუბში. ის იყო პირველი ადამიანი, რომელმაც თქვა, რომ „რეალში" თამაში შემეძლო. მაშინ სულ რაღაც 16 წლის ვიყავი.

რეალში გადასვლის მთავარი მიზეზი, ხელიდან გავარდნილი თასი, მწვრთნელები -  [გული, ხასიათი, ვნება: ნაწილი 3]

თავიდან, ყველაფერი ხოაკინ კაპაროსით დაიწყო, ის ჩემს კარიერაში სასიცოცხლო მნიშვნელობის ადამიანია, რომელსაც მუდამ სჯეროდა იმ აკადემიის, რომელშიც ასპარეზობდნენ ხესუს ნავასი, დიეგო კაპელი, ანტონიო პუერტა (R.I.P), ხოსე ანტონიო რეიესი და მე. ის ჩვენი ვარჯიშების სანახავად მოდიოდა. მამაჩემი მას ხვდებოდა, მაგრამ ამის შესახებ არასდროს არაფერს მიყვებოდა, რადგან ძალიან ვნერვიულობდი. მისი გამბედაობით მოხიბლული ვარ. მაშინ „სევილიამ" ჟულიო ბაპტისტა და დანი ალვეში გაიფორმა. ნავასი უკვე იქ იყო. მან პუერტა და მე თავისთან გვიხმო. ხოაკინმა ჩემს გამო სკამზე დანი ალვეში დატოვა. მას ჩემი მუდამ სჯეროდა იმ 2 წლის განმავლობაში, რაც ძირითად გუნდში ვირიცხებოდი. გუნდში ორი მარჯვენა მცველის ყოლის გამო, მან ასეთი რამ მოიფიქრა: დანი ალვეში მარჯვენა შემტევად დააყენა, ხესუს ნავასი კი მარცხენა. ასეთი სიმამაცის გამოვლენა ყველას არ შეუძლია. კაპაროსი სპორტისთვის ძალიან ბევრს ნიშნავს. ის სპორტზე გიჟდება.

მის შესახებ ბევრი ანეკდოტი ვიცი. თუმცა, არის რამდენიმე გამორჩეული. ჩემი აზრით, საუკეთესო ესაა: "როდესაც მე უკვე ძირითად გუნდთან ერთად დავიწყე ვარჯიში, ჩვენ ამხანაგური მატჩის გამართვა გვიწევდა სევილიის მახლობლად, იმ ადგილს "ლუის სოკოები" ერქვა. იმ შეხვედრაში მონაწილეობას იღებდნენ ახალგაზრდა ფეხბურთელები, რომლებიც იშვიათად ხვდებოდნენ პირველ თერთმეტეულში. ჩვენ სტადიონზე უნდა შევხვედროდით. მაგრამ, მანქანასთან დაკავშირებით პრობლემები შეგვექმნა და შეკრების ადგილზე მაშინ მივედით, როდესაც ავტობუსი უკვე წასული იყო. მამაჩემი ავტობუსს ფეხით მისდევდა. კაპაროსმა კი მძღოლს უბრძანა - არ გაჩერდე, სვლა გააგრძელეო. მამამ რაღაც მკითხა და თავადვე უპასუხა მას: „მათ ბოლომდე უნდა ვსდიოთ, მაგრამ სტადიონზე მანქანით მიგიყვან. როდესაც გზაში ვიყავით, ვცდილობდი გუნდის დელეგაციასტან დაკავშირებას, რათა ყველაფერი ამეხსნა. მათ დაახლოებით 40 კილომეტრის მანძილზე მივსდევდით, სანამ ისინი საჭმელად არ გაჩერდნენ.

როგორც იქნა, ჩვენ ჩავედით და ეგრევე მწვრთნელთან მივედი. ვცდილობდი ჩემი დაგვიანების მიზეზები ამეხსნა, ვთქვი, რომ გზებზე დიდი საცობები იყო. მამაჩემმა ბოდიში მოიხადა, მაგრამ არაფერი. კაპაროსმა კი მიპასუხა: "აწი აღარასოდეს დაიგვიანებ. თუ არ იცი, როგორ მოხვიდე თავის დროზე, მაშინ ლეიბი გაჩერებაზე გამოიტანე და იქ გაათენე." ის მართალი იყო. მას შემდეგ, აღარასოდეს დამიგვიანია.

რეალში გადასვლის მთავარი მიზეზი, ხელიდან გავარდნილი თასი, მწვრთნელები -  [გული, ხასიათი, ვნება: ნაწილი 3]

კაპაროსის ერთ-ერთი ყველაზე დადებითი თვისება, ფეხბურთელებთან მუდმივი კონტაქტის შენარჩუნება იყო. ის მოტივაციას გმატებს, ის თქვენდამ ისეთ ნდობას წარმოაჩენს, რომ როდესაც მოედანზე გადიხართ, ისეთი შთაბეჭდილება გექმნებათ, თითქოს 16 წლის ხართ და თქვენი დებიუტია. როდესაც „რიასორზე" ჩემი დებიუტი შედგა, მან მითხრა: "ბიჭო, ითამაშე ისე, როგორც იცი და როგორც ყოველთვის თამაშობდი".

მეორე ანეკდოტიც ასევე კაპაროსს ეძღვნება. მე პირველ გუნდთან ერთად ჩემს პირველ ვარჯიშს ვმართავდი. რომელიღაც დავალებას ვასრულებდით და მე შემთხვევით მარანიონს გავარტყი. თამაშის სხვა მონაწილეები პაბლო ალფარო და ხავი ნავარო იყვნენ. მარანიონი ბავშვს მეძახდა. მე მოვუბოდიშე და ვუთხარი, რომ ყველაფერი შემთხვევით მოხდა. კაპაროსმა ეს შეამჩნია და ახალი დავალების მოსაცემად მოგვიახლოვდა. მან დაგვაწყნარა და წასვლისას ყურში ჩამჩურჩულა: "შემდეგში უფრო მეტად დაარტყი, რომ აღარ იწუწუნოს".

კაპაროსი კანტერანოებს ძალიან ეხმარებოდა. შრომისმოყვარეობა და თავდაჯერება მისი საყვარელი სიტყვები იყო. მოხიბლული ვიყავი იმით, თუ როგორ ამზადებდა ის გუნდს "ბეტისთან" დერბის წინ. მან გასახდელის კედლები "ბეტისის" ფეხბურთელების სიტყვებითა და სამოტივაციო ფრაზებით ააჭრელა.

ლუის არაგონესთან განსაკუთრებული ურთიერთობა მქონდა. მისით მუდამ აღტაცებული ვიქნები. ის თავის სიტყვას ბოლომდე ინარჩუნებდა, ისევე როგორც მე. გამომდინარე იქიდან, რომ ჯერ პატარა და გამოუცდელი ვიყავი, არაფერს არ ვუთმობდი. მახსოვს, როდესაც მან ბელგრადში შემიშვა სათამაშოდ, ეს ჩემი მეორე მატჩი იყო ნაკრების მაისურით. მოედანი ძალიან სველი იყო და ალუმინის შიპებიანი ბუცები ჩავიცვი. ჩემი შიპები ყველაზე გრძელი იყო. შესვენებაზე მან მკითხა: "პატარავ, ეს რა ბუცები ჩაგიცვია?" მე ვანახე. "ისინი ძალიან პატარებია" - მიპასუხა მან. ამის შემდეგ გავჩუმდი, რადგან მივხვდი, რომ მას სურდა მივმხვდარიყავი, რომ ის ყურადღებით მაკვირდება, ჩემი ცუდი თამაშის მიზეზი ბუცებში ნამდვილად არ ყოფილა და მან ეს იცოდა კიდეც.

2008 წლის ევროპის ჩემპიონატის დროს, ძალიან დაძაბული ურთიერთობა გვქონდა. სანტანდერში ამხანაგური მატჩის დროს მან შეტევებში უფრო ხშირად ჩართვა მთხოვა. პირველ თამაშში უფრო დაცვაზე ვფიქრობდი, შეტევაში ხშირად არ მივდიოდი და მან მკითხა, რატომ არ ვუტევდი. არ ვიცოდი, რა უნდოდა. ის ჩემგან ძალიან ბევრს ითხოვდა. ვერაფერს ვიგებდი. იმ მომენტამდე ის ყველაფერს პირდაპირ მეუბნებოდა, მაგრამ ერთხელ, ჩვენ ავსტრიაში, ვარჯიშის დროს მარტო დავრჩით და ის პირად პრობლემებს მიყვებოდა, რომლის შესახებ შემდეგ პრესასთანაც ისაუბრა. ეს ძალიან არ მესიამოვნა. მეორე დღეს, ვარჯიშის წინ, თანაგუნდელების თანდასწრებით, მას ყველაფერი პირში ვუთხარი. ვთქვი, რომ არ მსურს ცუდი მაგალითი ვიყო. ის საფეხბურთო კოდექსის შესახებ ხშირად საუბრობდა, აღნიშნავდა, რომ ყველაფრის პირში თქმა აუცილებელია. ახლა ყველამ იცის, რა მოხდა მაშინ.

შემდეგ მივხვდი, რომ შეცდომა დავუშვი, მაგრამ ფაქტობრივად, ეს ჩემი თამაშის გაუმჯობესებაში გარდამტეხ მომენტად იქცა. სწორედ ეს სურდა ლუისს. მას შემდეგ, ჩვენს შორის პრობლემები აღარ ყოფილა. მისით კიდევ უფრო მეტად იმიტომ ვარ აღტაცებული, რომ მან მიჩელ სალგადოს შემდეგ, მცირეწლოვან ფეხბურთელს ძირითად შემადგენლობაში მანდო ადგილი. ის ფიქრობდა, რომ გუნდისთვის ასე იქნებოდა უკეთესი და ასეც მოხდა.

კაპაროსი უფრო ლუისს ჰგავდა, ვიდრე ვისენტეს. დელ ბოსკე განსხვავებული იყო. ვისენტე ყველაფერს სხვა მეთოდებით აღწევს, მიუხედავად იმისა, რომ მათ ერთი და იგივე მიზანი აქვთ. ის ყველაფერში კარგი იყო. ვისენტე ცუდზე არასდროს საუბრობს, მას ყოველთვის მოეპოვება შენთვის სათქმელი დადებითი სიტყვები. უკეთესი ადამიანი ის ვერ იქნებოდა. ცუდის თქმას, ის სიჩუმეს ამჯობინებს.

სწორედ მისი მეშვეობით გადავედი მე მარჯვენა ფლანგიდან დაცვის ცენტრში. დარწმუნებული ვარ, რომ ის თავიდანვე ხედავდა ამის შესაძლებლობას, მაგრამ ჯერ კარგი მარჯვენა მცველის პოვნა ესაჭირებოდა. როდესაც ცენტრში ორი კარგი მცველი იდგა, ის მარჯვენა ფრთაზე მტოვებდა, რათა პრობლემებისგან თავი აერიდებინა. თუმცა, პუიოლის ტრავმამ ყველაფერი თავის ადგილზე დააყენა. ეს სწორედ იმ მომენტში მოხდა, როდესაც „რეალშიც" ცენტრში გადამწიეს.

ვისენტე დიდებული ადამიანია, ძალიან ზრდილობიანი. ის მუდამ ინტერესდება ჩემი საქმეებით, ჩემი ოჯახით. ის ყოველთვის ძალიან თბილად მოგეპყრობა. მან ჩემს შესახებ ძალიან ბევრი რამ იცის, იმიტომ, რომ ფერნანდო იერო არის ადამიანი, რომელიც ყველაზე უკეთ მიცნობს.

პანენკა. მოკვეთილი ადამიანიდან გმირობამდე

ის, რომ მე მცველი ვარ, სულაც არ ნიშნავს იმას, რომ ჯარიმებისა ან პენალტების შესრულება არ მეხერხება. ფერნანდო იეროსთვის მსგავსი სათამაშო ელემენტები სავიზიტო ბარათი იყო. სწორედ ამიტომ, ვერ ვხვდები, რატომ უნდა შეხედო ამ ყველაფერს ნეგატიურად. თავიდანვე მომწონდა გოლების გატანა. ხშირად იყო დღეები, როდესაც მშობლებს ვეუბნებოდი, დღეს გოლს თუ გავიტან, თქვენ მოგიძღვნით-მეთქი. ჯარიმებისა და პენალტების შესრულება ჯერ კიდევ სევილიაში დავიწყე. ევროპის 19-წლამდელთა ჩემპიონატის ნახევარფინალში თერთმეტმეტრიანი წარმატებით შევასრულე.

თუმცა, პირველ რიგში მე დაცვაზე უნდა ვიფიქრო და უკან სიმშვიდის შემთხვევაში, შეტევაზე. პენალტი, რომელიც „ბაიერნთან“ ნახევარფინალში შევასრულე, ძალიან წარუმატებელი გამოდგა. მაგრამ, ყველაზე მეტად ის მაწუხებდა, რომ ხალხი, რომლებმაც ჩემზე არაფერი იცოდნენ, ყველაფერს ამბობდნენ, რაც თავში მოუვიდოდათ. სწორედ ამიტომ გავხდი ნერვული, ზეწოლა ძალიან დიდი იყო, მაგრამ ყველამ უნდა იცოდეს, რომ რაც უფრო დიდი ზეწოლის ქვეშ ვარ, მით უფრო დიდი მოტივაცია მიჩნდება.. ზეწოლა განვითარებაში მეხმარება. პირველებმა პენალტები კრიშტიანუმ და კაკამ შეასრულეს - წარუმატებლად. ის ფაქტი, რომ მათ 11-მეტრიანის გამოყენება ვერ მოახერხეს, ჩემზე დამატებითად არ მოქმედებდა. ჩემი წარუმატებლობა უნდა განიხილოს გუნდის წარუმატებლობად, მაგრამ ეს სერხიო რამოსის პირადი შეცდომა იყო. სხვა ხალხიც ცდება, მაგრამ მათზე ამდენს არ საუბრობენ.

რეალში გადასვლის მთავარი მიზეზი, ხელიდან გავარდნილი თასი, მწვრთნელები -  [გული, ხასიათი, ვნება: ნაწილი 3]

ვხვდები, რომ ეს ჩემპიონთა ლიგის ფინალში გასვლის ჩინებული შანსი იყო, რომელშიც „რეალს" უკვე ამდენი წლის მანძილზე არ უთამაშია. მაგრამ, მე კარგად ვიცოდი, რა უნდა გამეკეთებინა. პენალტის ნიშნულის ადგილას, მოედნის მდგომარეობა არც თუ სახარბიელო იყო და ამიტომ, ბურთი წერტილისგან ცოტა უკან დავდე, მაგრამ მსაჯმა მითხრა, რომ ის ზუსტად ნიშნულზე უნდა იდოს და მისი გაწევა მომიწია. დარტყმა ვერ გავთვალე და ამიტომ ის ძალიან ცუდი გამოდგა. ასეთი რამ ბევრჯერ მინახავს. ვიცოდი, რაც მოხდებოდა. ბურთს იმაზე 3 სანტიმეტრით ქვემოთ ამოვარტყი, ვიდრე ვგეგმავდი. სწორედ ამ სამმა სანტიმეტრმა გააფუჭა ჩემი დარტყმა.

იმ ღამეს სევილიელ მეგობრებთან ერთად ვაპირებდი სასეირნოდ გასვლას, მაგრამ სახლში წასვლა გადავწყვიტე. არაფრის ხალისი არ მქონდა. ერთადერთი, რაც გავაკეთე, იყო ის, რომ მშობლებს ვუთხარი, შემდეგ ჯერზე პენალტს პანენკას სტილში გავიტან-მეთქი.

დღე დღეს მიყვებოდა. იმის ცოდნა, რომ ხალხი ფიქრობდა, რომ მე ვერ მოვემზადე, ძალიან მეხმარებოდა. პენალტის შესრულებაზე ყოველ ვარჯიშზე ვმუშაობდი. ვიცოდი, რომ დეპრესიაში არ უნდა ჩავვარდნილიყავი. ეს იყო დარტყმა ჩემს რეპუტაციაზე, მაგრამ ფეხბურთში ყოველთვის აქვს ადგილი რევანშს. ჩემი ოჯახი და მეგობარი გოგონა ლარა ალვარესი ამ ყველაფრის დაძლევაში მეხმარებოდნენ.

2012 წლის ევროპის ჩემპიონატის დროს ჩვენ პენალტების შესრულებაზე სულ ვვარჯიშობდით. იმიტომ, რომ პლეი-ოფის თამაშებში ასეთი მოვლენათა განვითარება ყოველთვის შესაძლებელია. თუმცა, პორტუგალიასთან მატჩის წინ 11-მეტრიანებზე არ გვივარჯიშია, მხოლოდ დარტყმები შევასრულეთ. როდესაც ჩემი რიგი მოვიდა, მე პიკესა და ალონსოსთან ვიყავი. მსგავსი რამ უკვე გამიკეთებია ვარჯიშზე, იკერსა და რეინას წინააღმდეგ. ვიცოდი, რომ შევძლებდი.

პენალტების სერიის დაწყების წინ, დავინახე, რომ ყველა მისტერთან მიდიოდა. მეც სწორედ მისი მიმართულებით გავეშურე და ვუთხარი, რომ შესასრულებლად მზად ვარ. მან მკითხა, დარწმუნებული ვარ თუ არა და მე ვუპასუხე, რომ სავსებით. იმ მომენტში ალბიოლთან მივედი და ვუთხარი: "ჩორი, პანენკას შესრულებას ვაპირებ. ჩემი დრო დადგა. პიკაჩუ მოდის." ამ დარტყმას პიკაჩუს ვეძახით. ამის შესახებ სხვამ არავინ, არაფერი იცის.

ვიცოდი, როგორ უნდა დამერტყა. ჯერ მეკარეს შევხედე, შემდეგ ჩემი საყვარელი ადამიანები გავიხსენე. გავიხსენე ბებია და ბაბუა, ასევე გავიხსენე „ბაიერნის" წინააღმდეგ შესრულებული პენალტიც და ჩემს თავს ვუთხარი: „ისტორიის შეცვლის დროა, სერხიო". ამაში დარწმუნებული ვიყავი. ვგრძნობდი იმას, რასაც გრძნობს ტორეოდორი არენაზე გასვლის წინ, რომელმაც არ იცის, რა ელის: წარმატება თუ ჩავარდნა.

ბურთი წერტილზე დავდე და 5 ნაბიჯი უკან გადავდგი. გამორბენა ისე დავიწყე, თითქოს ძლიერად ვაპირებდი დარტყმას, მაგრამ ბურთს ფეხი ოდნავ ამოვარტყი. "პიკაჩუ". ყველაფერი შევიგრძენი, როდესაც ბურთი ბადეში დავინახე, მეკარე კი ბალახზე.

იმ მომენტში გავთავისუფლდი და ვფიქრობდი იმაზე, რა მომცა ფეხბურთმა. ყველაფრის გასაცნობიერებლად დროც კი არ მქონდა, მე მხოლოდ ჩემი თანაგუნდელები დავინახე ჩემს გარშემო. პირველმა ხესუს ნავასმა მომილოცა. შემდეგ რეინამ მითხრა: "ყოჩაღ, მამაკაცო". მისტერმა არაფერი მითხრა. გავიმეორებ, ნახევარფინალამდე, პენალტების შესრულებაზე სულ ვვარჯიშობდით და სხვა არანაირი დარტყმის შესრულება არ მსურდა, პანენკას გარდა. დელ ბოსკეს ვუთხარი, რომ თუ მომენტი დადგება, მხოლოდ ასე დავარტყამ. მან კი მითხრა, რომ ორცა მომენტი დადგებოდა, ვერ გავრისკავდი, მე მხოლოდ ერთი რამ ვუპასუხე: "ვნახოთ". ის იმდენად ზრდილობიანია, რომ არ სურდა იმის თქმა, რის თქმაც სხვებსაც შეეძლოთ.

გაგრძელება იქნება...


წინა ნაწილების სანახავად გადადით ბმულზე:

სერხიო რამოსი: გული, ხასიათი, ვნება [ნაწილი 1]

სერხიო რამოსი: გული, ხასიათი, ვნება [ნაწილი 2]

ფეხბურთის ანგარიშები იხილეთ აქ - LIVESCORE

5 ტოპ-მატჩი, რომელზეც დღეს ფსონი აუცილებლად უნდა გააკეთო

იმისთვის, რომ საფეხბურთო საღამოები უფრო მეტად საინტერესო და დამაინტრიგებელი აღმოჩნდეს, თქვენთვის ახალი რუბრიკა გვაქვს.

დღეს, 11:42

გვარდიოლამ დაასახელა მიზეზი, რის გამოც, მისმა გუნდმა ამ სეზონში პრემიერ ლიგისთვის ვერ იბრძოლა

„მან.სიტის" მთავარმა მწვრთნელმა, პეპ გვარდიოლამ, „ლივერპულთან" მოახლოვებული მატჩის წინ, მომდევნო სეზონის პერსპექტივებზე ისაუბრა.

დღეს, 13:40

კლოპი: "დღევანდელი შედეგი ჩვენზე ვერანაირად ვერ იმოქმედებს, შემდეგ სეზონზე ვფიქრობთ"

„ლივერპულის" მთავარმა მწვრთნელმა, იურგენ კლოპმა, „სიტისთან" მატჩზე ისაუბრა.

დღეს, 13:35

პრემიერ ლიგის მომდევნო სეზონის დაწყებამდე, გუნდოგანი ლივერპულს აფრთხილებს

„ლივერპულთან" მოახლოვებული მატჩის წინ, „მან.სიტის" შუახაზელმა, ილკაი გუნდოგანმა, მომდევნო სეზონზე ისაუბრა.

დღეს, 13:32

ფაბრეგასის კვალდაკვალ - პრემიერ ლიგის ბოლო 4 წლის პირველი ფეხბურთელი, ვინც გოლი ჯარიმიდანაც გაიტანა და პენალტითაც

„ჩელსის" შემტევმა, ვილიანმა, „ვესტ ჰემთან" წაგებულ (2:3) მატჩში თავი დუბლით გამოიჩინა.

დღეს, 13:28

"მაშინ ბევრი სპეკულაცია იყო", - ლევანდოვსკიმ რეალში არშემდგარი ტრანსფერი გაიხსენა

„ბაიერნის" ფორვარდმა, რობერტ ლევანდოვსკიმ, მადრიდის „რეალის" მხრიდან არსებული ინტერესი გაიხსენა.

დღეს, 13:23

"ყველას აქვს ამაღლებისა და დაცემის პერიოდები", - ატლეტიკოს პრეზიდენტი გრიზმანზე

„ატლეტიკოს" პრეზიდენტმა, ენრიკე სერესომ, ანტუან გრიზმანის პრობლემებზე ისაუბრა, რომელსაც ფრანგი ბოლო დროს „ბარსელონაში" აწყდება.

დღეს, 13:18

"სიმართლე გითხრათ, ის სულაც არ მჭირდება", - კლოპი საჩემპიონო დერეფანზე

„ლივერპულის“ მთავარმა მწვრთნელმა, იურგენ კლოპმა, აღიარა, რომ „სიტისთან“ მატჩში საჩემპიონო დერეფნით დაინტერესებული არ არის.

დღეს, 12:14

"რჩება შთაბეჭდილება, თითქოს ის ჩუსტებით თამაშობს", - ვან დეიკმა საკუთარი თავი ფედერერს შეადარა

„ლივერპულის“ მცველმა, ვირჯილ ვა დეიკმა, საკუთარი თავი გრენდ სლემების 20 გზის გამარჯვებულს, როჯერ ფედერერს შეადარა.

დღეს, 12:10

VIDEO: ლეროი სანე მიუნხენშია

„მანჩესტერ სიტის“ თავდამსხმელი, ლეროი სანე, „ბაიერნში“ ტრანსფერის დადასტურების წინ, მიუნხენში იმყოფება.

დღეს, 12:04

გრიზმანის აგენტი ბარსელონას ხელმძღვანელობას შეხვდება

ბოლო პერიოდში, „ბარსელონას“ შესახებ არსებულ ინფორმაციებში, ყველაზე ხშირად ანტუან გრიზმანის სახელი ისმის.

დღეს, 12:01

დე იონგი, აზარი, გრიზმანი - წლის 6 ყველაზე ძვირიანი, მაგრამ ჩავარდნილი ტრანსფერი

ესპანურმა გამოცემა Marca-მ წლის ყველაზე ძვირადღირებული, მაგრამ იმედგამაცრუებელი ტრანსფერები დაასახელა.

დღეს, 11:54

მანჩესტერ სიტი - ლივერპული: პეპის შეგირდები ჩემპიონს უმასპინძლებენ

პეპ გვარდიოლას შეგირდები საკუთარ კედლებში იურგენ კლოპის კოლექტივს მიიღებენ.

დღეს, 09:56

მილანის ბრწყინვალე სტატისტიკა გუშინდელ მატჩში - პირველად 7 წლის შემდეგ

იტალიის ჩემპიონატის გასულ ტურში "მილანი" სტუმრად "სპალს" დაუპირისპირდა და ფრედ 2:2 ითამაშა.

დღეს, 03:32

კლუბის ვიცე-პრეზიდენტი: "ლეო მესის ჩვენთან გადმოსვლა შესაძლებელია"

"ნიუელ ოლდ ბოისის" ვიცე-პრეზიდენტი აცხადებს, რომ ლეო მესის იქ გადასვლა შეუძლებელი არაა.

დღეს, 03:28

მოხუცთა გუნდი: როგორი იქნება ბარსელონას შემადგენლობა შემდეგ სეზონში?

ოფიციალურად დადასტურდა, რომ მომავალი სეზონიდან მირალემ პიანიჩი "ბარსელონაში" ითამაშებს.

დღეს, 03:22

გვარდიოლა სანჩოზე: "ის გუნდიდან თავად წავიდა და ახლა დაბრუნება მოუნდება?"

მას შემდეგ, რაც ლეროი სანემ გუნდი დატოვა, სანჩოს "მანჩესტერ სიტიში" დაბრუნებაზე ბევრი იწერება.

დღეს, 03:18

სამაგალითო მუშაობა: როგორი იყო კლოპის გუნდი როცა ლივერპულში მივიდა და როგორია ახლა?

2015 წელს, "ლივერპულის" მთავარი მწვრთნელის პოსტზე იურგენ კლოპი დაინიშნა, რომელიც გულშემატკივარს დაპირდა, რომ რამდენიმე წელში პრემიერ ლიგას მოიგებდა და პირობა შეასრულა.

დღეს, 03:15

მილანი კვლავ დაუმარცხებელია - როსონერი წაგებას 94-ე წუთზე გადაურჩა [VIDEO]

იტალიის ჩემპიონატში გამართული მატჩი "სპალსა" და "მილანს" შორის ფრედ 2:2 დასრულდა.

დღეს, 01:46

ვილიანმა სესკ ფაბრეგასის რეკორდი გაიმეორა

პრემიერ ლიგის გასულ ტურში "ჩელსი" "ვესტ ჰემს" დაუპირისპირდა და ფრედ 2:2 ითამაშა.

დღეს, 01:14

წარუმატებელი დებიუტი ახალი მაისურით - ჩელსიმ ბოლო წუთზე წააგო [VIDEO]

ინგლისის პრემიერ ლიგაში გაიმართა საინტერესო და უხვგოლიანი მატჩი "ვესტ ჰემსა" და "ჩელსის" შორის.

დღეს, 01:10

ბარსელონას ყოფილი ფეხბურთელი სეტიენზე: "ასეთი არაკომპეტენტური მწვრთნელი არ მინახავს"

"ბარსელონამ" ლა ლიგის გასულ ტურში ქულები კვლავ დაკარგა და საჩემპიონო შანსები საგრძნობლად შეიმცირა.

დღეს, 01:05

რატომ არ არის აზარი განაცხადში? - ზიდანი კომენტარს აკეთებს

დღეს, ესპანეთის ჩემპიონატის მორიგ მატჩს მადრიდის "რეალი" "ხეტაფეს" წინააღმდეგ გამართავს.

დღეს, 01:02

გვარდიოლა: "ვგიჟდები კლოპის სამწვრთნელო მეთოდებსა და ტაქტიკაზე"

"მანჩესტერ სიტის" მთავარმა მწვრთნელმა, ხოსეპ გვარდიოლამ ისაუბრა თავისი გამორჩეული კოლეგის, იურგენ კლოპის შესახებ:

დღეს, 00:15

ცოტა ხნის წინ, ოთარ კიტეიშვილმა ზალცბურგს გაუტანა [VIDEO]

ცოტა ხნის წინ, ოთარ კიტეიშვილმა ზალცბურგს გაუტანა

დღეს, 00:09

კვლავ აზარის გარეშე - ბელგიელი ხეტაფესთან მატჩს გამოტოვებს

მადრიდის "რეალის" ოფიციალურმა ტვიტერმა დაადასტურა, რომ ედენ აზარი გუნდის უახლოეს შეხვედრას გამოტოვებს.

დღეს, 00:06

ობამეიანგმა ანრი ჩამოიტოვა და არსენალში ახალი რეკორდი დაამყარა

როგორც მოგეხსენებათ, ლონდონის "არსენალისა" და "ნორვიჩ სიტის" შეხვედრაში დუბლი პიერ-ემერიკ ობამეიანგმა გაიფორმა.

გუშინ, 23:54

ინტერმა სერია ა-ს აუტსაიდერი არ დაინდო - 6:0 მეაცაზე [VIDEO]

სერია ა-ს 29-ე ტურის ფარგლებში მილანის "ინტერმა" შინაურ კედლებში მიიღო ჩემპიონატის აშკარა აუტსაიდერი - "ბრეშია".

გუშინ, 23:36

ოფიციალურად: მანჩესტერმა სანჩესისა და სმოლინგის თაობაზე საბოლოო გადაწყვეტილება მიიღო

"მანჩესტერ იუნაიტედის" ოფიციალურმა ვებ-გვერდმა განაცხადა, რომ კლუბმა ალექსის სანჩესისა და კრის სმოლინგის თაობაზე

გუშინ, 23:25
i

ყველა სიახლე

კვირის ტოპ 10