ლა ლიგის დასრულებულ გათამაშებაში, მსაჯების მუშაობის შედეგები შეფასდა.

როგორც აღმოჩნდა, ყველაზე მეტი გადაწყვეტილება არბიტრებმა ჩემპიონის, მადრიდის „რეალის" სასარგებლოდ მიიღეს. ტოპ-ხუთეულში აღმოჩნდნენ ასევე „ატლეტიკო", „სელტა", „სევილია" და „ვილიარეალი".

„ბარსელონა" კი ამ მაჩვენებლით მე-15 პოზიციას დასჯერდა. როგორც აღმოჩნდა, კატალონიურმა გუნდმა დანიშნული პენალტებისა და მიღებული გაფრთხილებების უარყოფითი ბალანსით, სეზონი 1995/96-ს შემდეგ პირველად დაასრულა.

უშუალოდ პენალტებს თუ მივმართავთ - ყველაზე მეტი თერთმეტმეტრიანი სწორედ მადრიდის „რეალის“ სასარგებლოდ დაინიშნა - 11, მაშინ როდესაც მათ კარში არბიტრებმა მხოლოდ ორი თერთმეტმეტრიანი დანიშნეს.

„ბარსელონას“ სასარგებლოდ კი განვლილ სეზონში 6 პენალტი დაინიშნა, მათ კარში კი - 7.