„ვალენსიას" გულშემატკივრები კლუბის სინგაპურელი მფლობელის, პიტერ ლიმის გადაწყვეტილებებით უკმაყოფილოები არიან.

დანი პარეხოს და ფრანსის კოკლენის „ვილიარეალში" გაყიდვის შემდეგ, 500-ზე მეტი გულშემატკივარი გუნდის საშინაო სტადიონის, „მესტალიას" გვერდით შეიკრიბა და „ვალენსიას" „დაკრძალვა" მოაწყო. მათ „ვალენსიას" ემბლემა მოიტანეს, რომელზეც დატანილი იყო მისი დაარსებისა და „გარდაცვალების" წელი - 2014. სწორედ ამ წელს შეიძინა ლიმმა კლუბი.

გარდა ამისა, სიახლოვეში დაიდგა ბევრი სანთელი, სხვები კი მფლობელებს „ვალენსიადან" წასვლისკენ მოუწოდებდნენ. გულშემატკივრებმა წუთიერუ დუმილიც კი ჩაატარეს.