როგორია მესის და რონალდუს ყველა დროის ურთიერთშეხვედრების სტატისტიკა?

ისტორიაში პირველად, კრიშტიანუ რონალდუ და ლეო მესი ერთმანეთს ჩემპიონთა ლიგის ჯგუფურ ეტაპზე დაუპირისპირდებიან.

ჯამში, ამ ორი გენიოსის გზები საფეხბურთო მოედანზე აქამდე 35-ჯერ გადაიკვეთა.

16 შეხვედრა ლეო მესიმ მოიგო, 10 - კრიშტიანუ რონალდუმ, 9 მატჩი კი ფრედ დასრულდა.

პორტუგალიელმა მესის გუნდის კარში 19 გოლის გატანა შეძლო, არგენტინელმა კი კრიშტიანუსას - 22.

საინტერესოა, რომ „სპორტინგის" გარდა, რონალდუს მესის „ბარსელონას" წინააღმდეგ ყველა გუნდით ექნება ნათამაშები - ყველაზე ხშირად, ბუნებრივია, „რეალთან" ერთად. „მანჩესტერ იუნაიტედთან" ერთად, კრიშტიანუ „ბარსას" 3-ჯერ დაუპირისპირდა - 1 მოგება, 1 ფრე და 1 მარცხი.