"მალე გამოჯანმრთელებას გისურვებ, დიდო კაცო", - სალაჰი ვან დეიკის მძიმე ტრავმას გამოეხმაურა

"ლივერპულის" თავდამსხმელმა, მოჰამედ სალაჰმა მცველ ვირჯილ ვან დეიკს მხარი დაუჭირა.

მოგეხსენებათ, 29 წლის ჰოლანდიელი უკანახაზელი უახლოეს პერიოდში ტრავმირებულ მუხლზე ოპერაციას გაიკეთებს.

"სწრაფად გამოჯანმრთელებას გისურვებ, დიდო კაცო", - წერს ეგვიპტელი სოციალურ ქსელში.

მოგეხსენებათ, ვან დეიკმა მძიმე დაზიანება "ევერტონთან" (2:2) გამართულ მერსისაიდულ დერბიში მიიღო, რის გამოც ხანგრძლივი პერიოდი გაუცდება.