„მან.სიტის“ ნახევარმცველმა, როდრიგომ, „ლესტერთან“ განადგურება (2:5) შეაფასა.

„ჩემი აზრით, მათ გაუმართლა. ფეხბურთი ჩვენს მიმართ უსამართლო იყო. შესაძლოა, ეს ჩვენი ბრალიც არის, თუმცა ამის ახსნა ძალიან რთულია.

ამ მატჩის მოსაგებად ბევრი რამ გავაკეთეთ. თუმცა, „ლესტერის“ მსგავსი გუნდები, ჩვენთან 11 კაცით თავის დასაცავად ჩამოდიან.

ახალგაზრდა ვარ და ვცდილობ, ყველა თამაშში რაღაც ვისწავლო, მაგრამ ისეთ მატჩებში, როდესაც მეტოქე არაფერს არ მოიმოქმედებს, ხელი გეშლება. ასე თამაში არ მიყვარს.“ - აღნიშნა ესპანელმა.

ამ შეხვედრაში ჯეიმი ვარდიმ ჰეთ-ტრიკი გაიფორმა, „ლესტერი" კი გახდა ისტორიაში პირველი გუნდი, რომელმაც გვარდიოლას გაწვრთნილ გუნდს 5 გოლი გაუტანა.