როდის გაიმართება 2022 წლის მუნდიალის შესარჩევი ეტაპის კენჭისყრა?

ფიფას ოფიციალური ვებ-გვერდი იტყობინება, რომ 2022 წელს ყატარში გასამართი მუნდიალის შესარჩევი ეტაპის კენჭისყრა 7 დეკემბერს, ციურიხში გაიმართება.

პროცედურა, კორონავირუსის პანდემიის გამო, ონლაინ-რეჟიმში გაიმართება.

შეგახსენებთ, რომ კენჭისყრაში 55 ქვეყანა-ასოციაცია მიიღებს მონაწილეობას, რომლებიც უეფას ზონაში შედიან, მათ შორის არის საქართველოც.

აღსანიშნავია, რომ მსოფლიო ჩემპიონატი 2022 წლის 21 ნოემბრიდან 2022 წლის 18 დეკემბრამდე, ყატარის 8 სხვადასხვა სტადიონზე გაიმართება.