"სანტოსს" ნეიმართან კონტრაქტის გახანგრძლივება სურს

ბრაზილიური კლუბის ვიცე-პრეზიდენტმა ოდილიო როდრიგესმა ნეიმარის მიმართ "ბარსელონას" ინტერესებთან დაკავშირებული ინფორმაციები უარყო, და განაცხადა, რომ კლუბმა თავდამსხმელთან ახალი კონტრაქტის თაობაზე მოლაპარაკებები წამოიწყო. "კლუბის ხელმძღვანელობა 2014-წლის შემდეგ ნეიმართან კონტრაქტის გახანგრძლივებას გეგმავს. ჩვენ ამაზე ვმუშაობთ",-აცხადებს როდრიგესი UOL-თან ინტერვიუში. "ფეხბურთელის მამასთან მოლაპარაკებები უკვე წამოვიწყეთ. მან კი დაგვარწმუნა, რომ "ბარსელონასთან" ნეიმარს არანაირი კონტაქტი არ ჰქონია. ჩვენ მისი სიტყვების გვჯერა, ნეიმარი ითამაშებს იქ, სადაც ბედნიერი იქნება". "ნეიმარს ყოველდღე "ყიდიან", რაც უკვე გასაკვირი აღარაა. ვრცელდება ჭორები, რომ "სანტოსმა" ფეხბურთელის სანაცვლოდ თანხა უკვე მიიღო. თუმცა მე ვაცხადებ, სხვა კლუბთან არანაირ შეთანხმებას არ მიგვიღწევია". წყარო: Sky Sports