ზიდანი: "ევროპა ლიგაზე გადასვლაზე არ ვფიქრობ! ვიცით, რაც დევს სასწორზე"

„რეალის“ მწვრთნელმა, ზინედინ ზიდანმა, „გლადბახთან“ მოახლოვებულ მატჩზე ისაუბრა.

„ეს არის ის მატჩი, რომელშიც საკუთარი შესაძლებლობები უნდა წარმოვაჩინოთ. დარწმუნებული ვარ, რომ დიდებულად ვითამაშებთ.

ვიცით, რომ „ბორუსია“ კარგად დისციპლინირებული გუნდია, რომელიც კონტრშეტევებს დიდებულად იყენებს. მას ფიზიკურად ძლიერი ფეხბურთელები ჰყავს, რომლებიც ამავდროულად არც ტექნიკად უჩივია. ვიცით, რომ რთული იქნება, მაგრამ მზად ვიქნებით.

მეც და ფეხბურთელებიც ზეწოლაც მიჩვეულები ვართ. ვიცით, რა დევს სასწორზე. ასე რომ კარგად უნდა მოვემზადოთ და ემოციები გავაკონტროლოთ.

რას ნიშნავს „რეალისთვის“ ევროპა ლიგაზე გადასვლა? ამაზე არ ვფიქრობ, ახლა მხოლოდ ჯგუფიდან გასვლაზე მეფიქრება. ასე არიან ფეხბურთლებიც. შეგიძლიათ აკეთოთ და იფიქროთ რაც გინდათ, ეს თქვენი სამსახურია. მე კი მხოლოდ კარგად ჩასატარებელ მატჩზე ვფიქრობ.

იხილეთ ასევე: კაზემირო: "თუ ევროპა ლიგაზე გადავედით, ამ ტურნირის მოგებაც მინდა"

ვიცით, რაც გვინდა. სამი ქულა უნდა მოვიპოვოთ და ჯგუფში პირველი ადგილი დავიკავოთ.

ვიქნები თუ არა შოკირებული, თუ ჯგუფში ჩარჩენის შემთხვევაში, გუნდიდან გამიშვებენ? არა! კლუბი მოიქცევა ისე, როგორც უნდა მოიქცეს. ისევე, როგორც ყოველთვის. არ ვფიქრობ ამაზე, მხოლოდ ხვალინდელი მატჩი მაინტერესებს, მართლა.“ - აღნიშნა ფრანგმა სპეციალისტმა.

იხილეთ ასევე: კაზემირო: "ეს ფინალია! რეალში კი ფინალებს არ თამაშობენ, მათ იგებენ"