"სევილიას" მცველმა, ჟიულ კუნდემ "მანჩესტერ სიტიში" არშემდგარ ტრანსფერზე ისაუბრა.

"პეპ გვარდიოლას ვესაუბრე. ესპანურად ვილაპარაკეთ, ყველაფერმა კარგად ჩაიარა. ტრანსფერით დაინტერესებული ვიყავი. სათამაშო დროის გარანტია მომცეს. თუმცა, ტრანსფერი არ შედგა", - ციტირებს კუნდეს სიტყვებს beIN Sports.

გავრცელებული ინფორმაციით, "სევილიამ" "მანჩესტერ სიტის" 55 მილიონ ევროიანი შეთავაზება იუარა. ესპანური კლუბი მზადაა 21 წლის უკანახაზელს შეელიოს, მაგრამ მხოლოდ 90 მილიონის სანაცვლოდ.

ანდალუსიურმა კლუბმა კუნდე 2019 წელს, "ბორდოდან" 25 მილიონად დაიმატა. მოქმედი კონტრაქტის ვადა მას "სევილიასთან" 2024 წელს ეწურება.