„ჩელსის“ მთავარმა მწვრთნელმა, ფრენკ ლამპარდმა, ლონდონურ კლუბთან კონტრაქტის გახანგრძლივებაზე ისაუბრა.

„ამ გუნდის სათავეში დრომ ძალიან სწრაფად გაირბინა და მხოლოდ 18 თვე დამრჩა. როდესაც დამნიშნეს, ვგრძნობდი, რა რთული იქნებოდა. ვფიქრობ, ამას ბევრი ხვდება კიდეც.

ახლა ვგრძნობ, რომ მინდა „ჩელსის“ ხანგრძლივი გეგმის ნაწილი გავხდე. ახალი ფეხბურთელები, რომლებიც „ჩელსიში“ მოვიდნენ, პროგრესს გააგრძელებენ და დაჭკვიანდებიან. რა თქმა უნდა მინდა, რომ მათ განვითარებაში მე დავეხმარო.

გადაწყვეტილება კლუბმა უნდა მიიღოს, უფრო კერძოდ კი - რომან აბრამოვიჩმა, ამიტომ ახლა მხოლოდ მომდევნო მატჩზე ვფიქრობ. გამიმართლა რომ ვუდგავარ სათავეში გუნდს, რომელიც მიყვარს და რომელიც ჩემი ცხოვრების ნაწილია. ამიტომ, მინდა წარმატებას მივაღწიო და „ჩელსიში“ რაც შეიძლება დიდხანს დავრჩე.“ - ციტირებს ლამპარდის სიტყვებს Goal.com.