უსაშინლესი სერია დასრულდა! - შალკემ 30 მატჩის შემდეგ პირველად მოიგო

ბუნდესლიგის მე-15 ტურის ეგიდით, "შალკემ" შინაურ კედლებში "ჰოფენჰაიმი" გაანადგურა.

გელზერკირხენელებმა მოწინააღმდეგე ანგარიშით 4:0 დაამარცხეს.

"შალკეს" თავდამსხმელმა, მეტიუ ჰოპმა ჰეთ თრიქი გაიფორმა, ერთი ბურთი კი ამინ არიტმა გაიტანა, რომელმაც აგრეთვე სამი შედეგიანი გადაცემა მიითვალა.

გელზერკირხენულმა კლუბმა გერმანიის ჩემპიონატში 30-მატჩიანი მოუგებელი სერია დაასრულა. უკანასკნელად "შალკეს" 2020 წლის 17 იანვარს ჰქონდა მოგებული - "გლადბახთან" (2:0). იმ შეხვედრის შემდეგ გუნდმა 10 ფრე გააგორა და 20-ჯერ დამარცხდა

"შალკე" ბუნდესლიგის ანტირეკორდის გამეორებას გადაურჩა. 1965-66 წლებში "ტასმანია ბერლინი" ტურნირზე 31 მატჩი ვერ იგებდა.

გელზერკირხენელთა აქტივში 17 ქულაა და გერმანიის ჩემპიონატის სატურნირო ცხრილში მე-19 ადგილს იკავებს.