ზიდანი: "ეს ჩაფლავება არ არის, ყოველთვის ვერ გაიმარჯვებ"

"რეალის" მთავარმა მწვრთნელმა, ზინედინ ზიდანმა განაცხადა, რომ ესპანეთის სუპერთასის ნახევარფინალში "ბილბაოსთან" (1:2) მარცხს ჩაფლავებად არ მიიჩნევს.

"ეს ჩაფლავება არ არის. ჩაფლავებაა, როცა გუნდი არ ცდილობს, მოედანზე ბოლომდე არ იხარჯება. ცხოვრება ასეთია, ყოველთვის ვერ გაიმარჯვებ".

"ყოველთვის მოგებას ვცდილობთ, მაგრამ ეს შეუძლებელია", - ციტირებს ზიდანის სიტყვებს Goal.

ესპანეთის სუპერთასის ფინალში "ბილბაო" "ბარსელონას" დაუპირისპირდება. შეხვედრა 17 იანვარს გაიმართება.