მანჩესტერ იუნაიტედისა და ჩელსის ბრძოლა სატრანსფერო ფანჯარაზე

"მანჩესტერ იუნაიტედმა" "ვესტ ჰემის" ნახევარმცველს, დეკლან რაისს დაუმიზნა.

როგორც გავლენიანი გამოცემა ESPN იტყობინება, ზაფხულში "ეშმაკუნები" 21 წლის ინგლისელისთვის ბრძოლაში კონკურენციას "ჩელსის" გაუწევენ.

აქამდე გავრცელებული ინფორმაციით, ჰავბეკმა "არისტოკრატთა" მთავარი მწვრთნელის, ფრენკ ლამპარდის ყურადღება მიიპყრო და მხარეებმა მოლაპარაკებები უკვე დაიწყეს.

პრემიერ ლიგის მიმდინარე გათამაშებაში რაისმა 17 მატჩი ჩაატარა და 1 საგოლე პასი გააკეთა. მოქმედი კონტრაქტის ვადა მას 2024 წლის ზაფხულში ეწურება.