მესიმ ვარჯიში გამოტოვა - ფინალში თამაშის შანსები კიდევ უფრო შემცირდა

Marca-ს თანახმად, "ბარსელონას" კაპიტნის, ლიონელ მესის ესპანეთის სუპერთასის ფინალში თამაშის შანსები დღითიდღე მცირდება.

არგენტინელ შემტევს კვლავ აწუხებს კუნთის ტრავმა და მან გამოტოვა "ბლაუგრანას" ვარჯიში, რომელიც გაიმართა პარასკევს, 15 იანვარს.

ჯერჯერობით უცნობია, გამოვა თუ არა სავარჯიშო მოედანზე ლეო დღეს. შეგახსენებთ, ბილბაოს "ატლეტიკთან" შეხვედრა 17 იანვარს გაიმართება.

კატალონიური გუნდის ლიდერმა ანალოგიური მიზეზის გამო გამოტოვა 1/2 ფინალური მატჩი "რეალ სოსიედადის" წინააღმდეგ.