მოურინიო ბეილს: "ტოტენჰემში თამაში გინდა თუ მადრიდში სკამზე ჯდომა?"

"ტოტენჰემის" სავარჯიშო სესიის დროს მთავარ მწვრთნელ ჟოზე მოურინიოსა და ფორვარდ გარეტ ბეილის საუბარი გაიშიფრა, წერს Marca.

"აქ ყოფნა გინდა თუ უკან მადრიდში დაბრუნება და იქ სკამზე ჯდომა?", - ჰკითხა მოურინიომ ბეილს.

აქამდე პორტუგალიელმა მწვრთნელმა განაცხადა, რომ უელსელთან მომავალზე არ ულაპარაკია.

"ტოტენჰემი" პრემიერ ლიგაში 17 ტურის შემდეგ 30 ქულით მე-6 ადგილზეა. ბეილმა, რომელიც ლონდონელთა ღირსებას "რეალიდან" იჯარით იცავს, ყველა ტურნირზე ერთად 12 მატჩი ჩაატარა და სამი გოლი გაიტანა.