ავტორიზაცია

მილანი მარიო მანჯუკიჩს 6-თვიანი კონტრაქტით დაიმატებს?!

მილანი მარიო მანჯუკიჩს 6-თვიანი კონტრაქტით დაიმატებს?!
თარიღი 17 Jan 2021, 12:03
„მილანი“ უახლოეს პერიოდში ვეტერან ხორვატ ფორვარდს, მარიო მანჯუკიჩს დაიმატებს.

ჟურნალისტი ნიკოლო სკირა „ტვიტერში“ იტყობინება, რომ „როსონერისთან“ მანჯუკიჩი 6-თვიან კონტრაქტს გააფორმებს.

ხორვატს „ცსკა“, „ლოკომოტივი“, „სპარტაკი“ და „სელტაც“ ეპატიჟებოდნენ, თუმცა მან „მილანის“ გამო ყველა უარით გაისტუმრა.

13 იანვარს, „მილანის“ ხელმძღვანელობამ 34 წლის ფეხბურთელის წარმომადგენლებთან პირადი შეხვედრა გამართა. არადა, იქამდე, ის „ლოკომოტივში“ გადასვლასთან იყო ახლოს.

„იუვენტუსის“ და „ბაიერნის“ ყოფილი თავდამსხმელი თავისუფალი აგენტია მას შემდეგ, რაც 5 ივლისს ყატარულ „ალ-დუხაილთან“ კონტრაქტი გაწყვიტა.