რეალმა დორტმუნდსა და მილანს უარი შეუთვალა

"რეალის" მარჯვენა მცველი, ალვარო ოდრიოსოლა ზამთრის სატრანსფერო ფანჯარაზე არსად არ წავა, იტყობინება AS.

25 წლის ესპანელით "ბილბაო", "მილანი" და "დორტმუნდი" ინტერესდებოდნენ, მაგრამ ფეხბურთელმა მადრიდში დარჩენა გადაწყვიტა.

ოდრიოსოლას იმედი აქვს, რომ ზიდანი თავის გამოჩენის მეტ შანსს მისცემს.

ესპანელ მარჯვენა მცველს 30 სექტემბრის შემდეგ არ უთამაშია. ლა ლიგის მე-4 ტურში "ვალიადოლიდთან" (1:0) გამართული მატჩი ოდრიოსოლასთვის ამ სეზონში ერთადერთი აღმოჩნდა.