"იმედი ბოლოს კვდება" - ფლიკი ალაბას რეალში გადასვლაზე

თითქმის გადაწყვეტილია, რომ ავსტრიელი ფეხბურთელი დავიდ ალაბა კარიერას "რეალში" გააგრძელებს.

ამასთან დაკავშირებით კომენტარი "ბაიერნის" მთავარმა მწვრთნელმა ჰანსი ფლიკმა გააკეთა.

"ლოგიკურია, რომ ალაბას მომავალს რეალს უკავშირებენ, რადგან მას კონტრაქტი ეწურება და სატრანსფერო ფანჯარა ღიაა.

თუმცა იმედი ბოლო კვდება. ტრანსფერზე დეტალურად არაფერი ვიცი. ის ვიცი, რომ ამჟამად ის ჩვენთანაა და მისი თამაშით კმაყოფილი ვარ", - განაცხადა ფლიკმა.