"ზლატანის მჯერა", - იბრაჰიმოვიჩმა მილანის ჩემპიონობის შანსები შეაფასა

"მილანის" ფორვარდმა, ზლატან იბრაჰიმოვიჩმა გუნდის შესაძლო ჩემპიონობაზე განცხადება გააკეთა.

მოგეხსენებათ, იტალიის ჩემპიონატის მე-18 ტურში "როსონერიმ" "კალიარი" (2:0) დაამარცხა, ორივე გოლი 39 წლის შვედმა გაიტანა.

"ჩემი თავის მჯერა, ზლატანის მჯერა", - ციტირებს იბრაჰიმოვიჩის სიტყვებს Goal.com.

18 ტურის შემდეგ, "მილანი" სერია ა-ს სატურნირო ცხრილში 43 ქულით პირველ ადგილს იკავებს. ზლატანის ანგარიშზე მიმდინარე სეზონში ჩატარებულ 13 მატჩში გატანილი 13 ბურთია.