პოგბამ კავანი შეაქო: "მისი დონის არავინ არ არის"

"მანჩესტერ იუნაიტედის" ფრანგი ნახევარმცველი პოლ პოგბა ამავე გუნდის შემტევს ედინსონ კავანის აქებს.

მოგეხსენებათ, ურუგვაელი ფეხბურთელი წითელ ეშმაკებს ამ სეზონის წინ შეუერთდა.

"შეტევაში კარგი და ახალგაზრდა ფეხბურთელები გვყავს, მარსიალის, რაშფორდისა და სხვების სახით.

თუმცა ჩემი აზრით, კავანის დონის და გამოცდილების არცერთი არ არის. ასეთი მოთამაშის გუნდში ყოლა მნიშვნელოვანია, რადგან თავისი გამოცდილებით და კლასით ის გუნდისთვის ბევრს აკეთებს", - განაცხადა პოგბამ.