როისი: "ამ ყველაფერს ცუდი სუნი ასდის, ერთიდაიგივე შეცდომებს ვუშვებთ"

„ბორუსიას“ ნახევარმცველმა, მარკო როისმა, „გლადბახთან“ 2:4 წაგებაზე ისაუბრა.

„ფუტკრებს“ ერლინგ ჰოლანდის მიერ 6 წუთში გაფორმებული დუბლი ქულის გადასარჩენადაც არ ეყოთ.

„თუ შექმნილ ვითარებას არ შევცვლით, კიდევ უფრო მეტად გაგვიჭირდება. ჩვენ სულ ერთი და იგივე შეცდომებს ვუშვებთ. ამ ყველაფერს ცუდი სუნი ასდის.“ - აღნიშნა გერმანელმა.

„გლადბახმა“ 18 ტურში 31 ქულა დააგროვა და მე-4 ადგილს იკავებს, „დორტმუნდი“ კი 29 ქულით მეხუთეა.