ევროტურნირებისთვის გაძლიერება გრძელდება - გაგრამ კიდევ ერთი მოთამაშე დაიმატა

მოგეხსენებათ, გასულ სეზონში "გაგრამ" საქართველოს თასი მოიგო და წელს ევროტურნირებზე ითამაშებს.

გუნდმა ახალი სეზონისთვის მზადება და გაძლიერება უკვე დაიწყო.

რამდენიმე დღის წინ მოგახსენეთ, რომ "გაგრაში" გურამ სამუშია ითამაშებდა. ის გუნდთან ერთად უკვე ვარჯიშობს.

GOAL.GE-ს ინფორმაციით, მათ 26 წლის ნახევარმცველი თემურ მარკოზაშვილიც დაიმატეს.

მარკოზაშვილი ბოლოს გორის "დილაში" გამოდიოდა და 13 შეხვედრაში ერთი გოლი გაიტანა. "დილამდე" ის "ჩიხურასა" და "სამტრედიაში" თამაშობდა.