"ხარაიშვილს ვერ დავაკავებდით", - გიოტებორგის მწვრთნელი ქართველს დაემშვიდობა

"გიოტებორგის" მთავარმა მწვრთნელმა, რონალდ ნილსონმა გიორგი ხარაიშვილის "ფერენცვაროშში" ტრანსფერის შესახებ ისაუბრა:

"გვსურს ტალანტების შენარჩუნება, თუმცა როდესაც ფეხბურთელი იზრდება და ვითარდება მას ახალი გამოწვევების მიღება სურს.

ხარაიშვილმა დაგვტოვა ამ მიზეზით - ძლიერი გუნდი, კონკურენტუნარიანი ჩემპიონატი, მან არჩევანი მსგავს დეტალებზე შეაჩერა.

მადლობა ქართველ შემტევს ყველაფრისთვის და წარმატებები მას კარიერის ახალ ეტაპზე", - განაცხადა შვედმა დამრიგებელმა.

ბუდაპეშტური გუნდის ახალწვეული ვინგერი "თეთრ-ლურჯებში" თამაშობდა 2018-2021 წლებში და ამ დროის მანძილზე მან 78 მატჩში 20 გოლი გაიტანა.