დინამო ბათუმი კიდევ ერთ ფეხბურთელს იმატებს

Goal.ge-ს ინფორმაციით, ბათუმის "დინამო" ეროვნული ლიგის დაწყების წინ, აგრძელებს გაძლიერებას და კიდევ ერთი ტრანსფერის დახურვისთვის ემზადება.

როგორც მოგეხსენებათ, "დინამოს" შეუერთება ჯანო ანანიძე, ახლა კი ეს გუნდი ლაშა შინდაგორიძის ტრანსფერის დახურვაზეც მუშაობს.

ქართველი ცენტრალური ნახევარმცველი უკანასკნელად თამაშობდა სოლიგორსკის "შახტიორში", რომლის შემადგენლობაში ის ბელარუსის ჩემპიონი გახდა.

ბათუმელთა პოტენციურმა ახალწვეულმა "შახტიორში" მიიღო ტრავმა, რის გამოც მას გასულ სეზონში რამდენიმე თვე გაუცდა.

სოლიგორსკამდე, 28-წლის ფლეიმეიქერი თამაშობდა "საბურთალოში", იქამდე კი თბილისის "დინამოსა" და ქუთაისის "ტორპედოშიც".