არსენალმა ბენფიკას დრამატულ ბრძოლაში მოუგო და ევროპა ლიგის 1/8-ფინალში გავიდა
ლონდონის „არსენალი“ ევროპა ლიგის 1/16-ფინალში „ბენფიკას“ დაუპირისპირდა.
შეხვედრა საბერძნეთში გაიმართა და ნომინალური მასპინძლების, ლონდონელების გამარჯვებით, 3:2 დასრულდა.
ანგარიში პიერ-ემერიკ ობამეიანგმა, 21-ე წუთზე გახსნა. თუმცა, შემდეგ „არსენალმა“ ორი გოლი გაუშვა და შემდეგ ეტაპზე გასვლის საკითხი ეჭვქვეშ დააყენა. თუმცა, 67-ე წუთზე კირან ტირნიმ ანგარიში გაათანაბრა, 87-ზე კი ობამეიანგმა დუბლი მიითვალა და დრამატულ ბრძოლაში, თავისი გუნდი შემდეგ ეტაპზე გაიყვანა.
ორი მატჩის ჯამში, „განერებმა“ ლისაბონური „ბენფიკა“ 4:3 დაამარცხეს და ევროპა ლიგის 1/8-ფინალში გავიდნენ.