ხამესი: "რეალში აღარავის ვუყვარვარ და ჩემი დაბრუნებაც არავის უნდა"

„ევერტონის“ ნახევარმცველმა, ხამეს როდრიგესმა, Twitch-ზე გაშვებული ლაივის დროს, მადრიდის „რეალი“ გაიხსენა.

„რეალში დაბრუნება? იქ აღარავის ვუყვარვარ და არც ჩემი დაბრუნება უნდათ.“ - აღნიშნა კოლუმბიელმა, რამაც მის მაყურებლებში ინტერესი გამოიწვია. ერთ-ერთმა მასთან ერთად მოთამაშე გეიმერმა მას უთხრა, რომ ქომაგებს ის დღემდე უყვართ, რაზეც ხამესმა უპასუხა: „ვფიქრობ კი, მაგრამ, არ ვიცი.“

ბოლოს, მან ამ თემაზე საუბარი შემდეგი სიტყვებით დაასრულა: „ეს ფეხბურთის ნაწილია, ბიჭებო.“

მიმდინარე სეზონში ხამესმა პრემიერ ლიგის 18 მატჩში 5 გოლი და 4 ასისტი მიითვალა. ლივერპულურმა გუნდმა ის მადრიდის „რეალიდან“ გასულ ზაფხულს, უფასოდ გადაიბირა და კონტრაქტი 2022 წლის ზაფხულამდე გაუფორმა.