"კარიერის ჩელსიში დასრულება ჩემი ოცნებაა", - ოსკარს ლონდონში დაბრუნება უნდა
!["კარიერის ჩელსიში დასრულება ჩემი ოცნებაა", - ოსკარს ლონდონში დაბრუნება უნდა](http://storage.goal.ge/uploads/posts/bXGWzyUG1yaKDdnvEqmKxLMUARRXiwgI.jpg)
ბრაზილიელმა ნახევარმცველმა, ოსკარმა განაცხადა, რომ "ჩელსიში" დაბრუნება და კარიერის იქ დასრულება უნდა.
"ჩელსიში" კარიერის დასრულებაზე ვფიქრობ, რადგან საუკეთესო პერიოდი სწორედ ლონდონში გავატარე. "ჩელსი" საკუთარი თავის გაუმჯობესებაში და ოცნებების ასრულებაში დამეხმარა: ჩემპიონთა ლიგაზე, მსოფლიო ჩემპიონატზე თამაში და პრემიერ ლიგის მოგება".
"ჩელსიში" ბევრი მეგობარი დამრჩა. თუ "ჩელსიში" დაბრუნების და კარიერის იქ დასრულების შანსი გამიჩნდება - ოცნება ამიხდება. რა თქმა უნდა, "ჩელსის" ასაკოვანი ფეხბურთელების შეძენა არ უყვარს, რაც ევროპის საუკეთესო გუნდისთვის ნორმალურია. მაგრამ მთელი ძალებით ვეცდები ფორმის შენარჩუნებას, რათა ლონდონში დავბრუნდე", - ციტირებს ოსკარის სიტყვებს TalkSport.
შეგახსენებთ, ოსკარი "არისტოკრატთა" ღირსებას 2012 წლის ივლისიდან 2017 წლის იანვრამდე იცავდა, შემდეგ კი 60 მილიონი ევროს სანაცვლოდ "შანხაი სიპგ"-ში გადავიდა.