ტოტენჰემთან მატჩისთვის კრისტალ პალასს ზაჰა უბრუნდება
"კრისტალ პალასის" მთავარმა მწვრთნელმა, როი ჰოჯსონმა დაადასტურა, რომ "არწივების" თავდამსხმელმა, უილფირდ ზაჰამ ტრავმა მოირჩინა.
ასე და ამგვარად, 28 წლის კოტდ'ივუარელი პრემიერ ლიგის 27-ე ტურში "ტოტენჰემთან" გასამართ მატჩში მონაწილეობის მიღებას შეძლებს.
ზაჰას "ნიუკასლთან" (2:1) 2 თებერვალს გამართული მატჩის შემდეგ არ უთამაშია. 2020/21 წლების სეზონში მან საერთო ჯამში 20 შეხვედრაში იასპარეზა, 9 გოლი გაიტანა და 2 შედეგიანი გადაცემა გააკეთა.
"ტოტენჰემი" - "კრისტალ პალასი" 7 მარტს, თბილისის დროით 23:15 საათზე აიღებს სტარტს.