რამდენი ჰეტ-ტრიკი აქვს შესრულებული რონალდუს?

როგორც მოგეხსენებათ, ტურინის "იუვენტუსის" ლიდერმა, კრიშტიანუ რონალდუმ "კალიარისთან" შეხვედრაში ჰეტ-ტრიკი შეასრულა.

პორტუგალიელი თავდამსხმელის ანგარიშზე თავისი საოცარი კარიერის განმავლობაში საერთო ჯამში 57 ჰეტ-ტრიკი ფიქსირდება.

44 ჰეტ-ტრიკი მადრიდის "რეალში", 9 ეროვნულ ნაკრებში, 3 "ბებერ ქალბატონში" და ერთიც "მანჩესტერ იუნაიტედში" თამაშის დროს.

აქვე დავამატებთ, სარდინიელების კარის სამჯერ ასაღებად "ბიანკონერის" თავდამსხმელს სულ რაღაც 22 წუთი დასჭირდა.

"სინიორას" შვიდიანს მიმდინარე სეზონში 33 მატჩში დაუგროვდა 30 გოლი, ის ამ დროისთვის სერია ა-ს საუკეთესო ბომბარდირია.