მცველებს შორის, ლიგაზე რამოსზე მეტი გოლი მხოლოდ ერთ ფეხბურთელს აქვს გატანილი

ესპანელზე მეტი გოლი ჩემპიონთა ლიგაზე მცველებს შორის მხოლოდ „რეალის“ ერთ ექს-ფეხბურთელს აქვს გატანილი.

„რეალის“ მცველმა და კაპიტანმა, სერხიო რამოსმა, „ატალანტასთან“ მატჩში თავი გოლით გამოიჩინა.

Opta-ს ინფორმაციით, ეს კარის აღება 34 წლის რამოსისთვის ჩემპიონთა ლიგაზე მე-15 აღმოჩნდა.

ტურნირის ისტორიაში, მცველებს შორის, მასზე მეტი გოლი მხოლოდ ერთ ფეხბურთელს აქვს გატანილი - რობერტო კარლოსს (16).

„რეალი" ჩემპიონთა ლიგაზე ასპარეზობას აგრძელებს და არაა გამორიცხული, სერხიომ კარლოსი წელსვე ჩამოიტოვოს.